FIAT 130

[hazem_khidr]

ايوه 130!!!ما اتلخبطش ولا حاجه .فعلا في موديل من فيات اسمه 130 و دا كان يعتبر اكبر عربيه فيات انتجتها في تاريخها و انتجت من سنه 1969 بديله لل 2300 و انتي انتاجها سنه 1977 لتفسح المجال للفيات 132 2000 باعتبارها اكبر سياره و يليها الارجينتا.
تصميم السياره كان من مكتب بينن فارينا المبدع و كانت ثوره في التصميم آنذاك و تاتي هذه السياره بمحركين من تصميم فيراري!!!
الاثنان من 6 اسطوانات علي شكل حرف V الاول سعه 2800 و الثاني سعه 3200 و قوتهم 140 و 165 حصان علي التوالي.
الابعاد
الطول :475 سنتم
العرض:180 سنتم (اعرض سياره فيات)
الارتفاع:147
العربيه دي ركبتها هنا في مصر في التمانينات و المفاجأه ان لما كانت بتترخص و كشفنا علي الملف بتاعها اتضح انها كانت خاصه لشخصيه مرموقه جدا استوردها من ايطاليا عام 1972 !!!و شفت منها حوالي 2 او تلاته في حياتي كلها

[hazem_khidr]

صور اخري

[hema_hn]

عربية جميله بحق

[sab3aawy]

بالفعل هذة السيارة كانت من أروع ما انتجت فيات فى نهايات السيتنات، والى جانب الحرك اللى حضرتك ذكرته كان فيه منها موديل بمحرك 4 سلندى 2000 سى سى ، وتوقفت سنة 1977 مع اول ظهور ال132 2000(ال 132 قبل 1977 كانت 1600 و 1800 فقط)

انا شفتها الصور قبل كدة كتير جدا لكن شفت منها واحدة فقط فى مصر من حوالى شهر

عربية كبير جدا وحلوة جدا بتفكرنى بالعربيات الامريكانى بتاعة الستينات

[hazem_khidr]

انا شفتها الصور قبل كدة كتير جدا لكن شفت منها واحدة فقط فى مصر من حوالى شهر

انا شفت منها واحده كوبيه في المنيل و كانت نضيفه اوي حالتها شاذه فعلا و شفت واحده لونها كحلي في عزبه شلبي من تلات سنين غير واحده كمان شفتها في ميت غمر غير اللي كنت بحكي عنها بس فعلا يا باشمهندس كانت تحفه تحس من جوه انها عربيه فخمه فعلا
كان فرشها قطيفه و التابلوه بتاعها زي دا كده و اتوماتيك و واسعه جدا لدرجه ان الكوريك بتاعها لسه عندي في البيت لحد انهارده(كوريك فيات و مدموغ عليه كلمه فيات من فوق و تقيل جدا)

[Ahmad Allawy]

عارفها طبعا العربية دي
في واحدة بتقف في شارع بورسعيد علي طول في القاهرة قريب من مستشفي احمد ماهر.. صاحبها ساكن هناك..
كنت انا وواحد قريبي واحنا صغيرين مستعجبين شكلها قوي.. مكتوب عليها فيات بس مش عارفين عنها اي حاجة..
الف شكر علي المعلومات حازم بك..

[furp]

ياريت صور ياستاذ حازم

علشان نتفرج علي التواريخ الاسطوريه للفيات الي بتحكيلنا عليها

وشكرا ياباشا علي المفاجات دي

بس متنساش صور ياريت

[فادى]

احدى سيارات فيات المميزة.
للأسف لا أعرف لماذا لم تنتج فيات سيارة فارهة بعدها, فأكبر سيارة لفيات حاليا هى فى الفئة العائلية الكبيرة (فيات كروما), البعض يقول أنه لا داعى لانتاج سيارة فارهة مادامت لانسيا و مازيراتى التابعين لها يقومون بذلك, لكن أعتقد أن سيارة فارهة تحمل اسم فيات سوف يكون لها وقع أخر.

[hazem_khidr]

كان فيه صور فعلا في الموضوع بس المشكله ان لما اتنقل المنتدي اول مره الصور راحت من كل مواضيعي:(
و قليل منها اللي عرفت اضيف ليه صور تاني:(
عموما جاري البحث عن الصور:)

[hazem_khidr]

صور فيات 130 الكوبيه

صور فيات 130 كوبيه

[hazem_khidr]

صور فيات 130 سيدان

فيات 130 سيــدان

[fahd_628]

شكرا يا حازم باشا

بس انا عمرى ما شفتها خالص :) بس فيها حاجة من الأرجينتا من الجمب ( السيدان )

[furp]

الف شكر ياستاذ حازم

فعلا حاجه اول مره اشوفها

الف شكر ليك ياهندسه

[TAG_Turbo0]

سمعت عنها بس عمرى ما شفتها

شكلها كانت فخمة جدا
انا مش عارف لية فيات مستواها بيزل كل شوية

[fahd_628]

انا مش عارف لية فيات مستواها بيزل كل شوية

بس انا شايف انها بدأت تعلى تانى بس مش زى الأول مش عارف لية برضة