طلب استشارة فى الشاهين

[salsat]

السلام عليكم اخوانى الاعزاء فى المنتدى اولا
ثانيا انا عندى شاهين بس المشكلة انا سايبة ليه حوالى عشر شهور عشان انا شغلى بره مصر وان شاء الله اجزتى كمان شهرين فكنت عايز المفروض اعمل فيها ايه او اشيك عليها ازاى يعنى ابدا بكهربائى ولا الميكانيكى وايه الحجات المفروض بتتغير فى الشاهين وبرده الحجات ال لازم اكشف عليها عشان اقضى اجازة كويسه وفى نفس الوقت احافظ على العربية .
ولو فى ميكانيكى كويس للشاهين بس يكون فى مدينة نصر .

[salsat]

شكر

شكر وتقدير لكل اعضاء المنتدى على النصائح الغالية

[hugan]

بس ياخي انا كان معايا شاهين وكانت تقريبا زيرو وانا با اشتريها وكانت مركونه 3سنين اول حاجه الردياتير لازم المياه كلها تتغير ودوره التبريد تتنضف تاني حاجه زيت الفرامل يتم تغيره لان العربيه كانت مركونه فتره كبيره وطبعا بوجيهات وفلاتر بنزين وهواء والكاتينه يتم المراجعه علي حاله السير هل به تشققات ولا بحاله جيده ده بل النسبه لشغل المكيا نيكا القصه دي كاها تتكلف حوالي 120 جنيه الكهربا البطا ريه والمارش والدينامو الكهربائي هو اللي يقرر والموضوع كله غير مكلف وتقضي اجازه سعيده

[alhosainy79]

السلام عليكم و رحمة الله اولا لا شكر على واجب
ثانيا تيجلنا ان شاء الله بالف سلامه
ثالثا انا معايا اونو فهرد على حضرتك على اد ما اعرف يعنى :
اول حاجه السوائل كلها نتطمن عليها (مية بطريه) مية رياداتير مستوى زيت الموتور بعد كده نطمن على الهوا بتاع الاطارات مستوى ايه عند بتاع الكاوتش و مفيش مانع لو بتاع عفشه يبص على كاوتش الكوبلن عامل ايه نشف ولا ايه و يربط كده و يغسل بالجاز العفشه ولو فى اى شكوى نروح على طول للمعالج بتاعها يعنى لو الموتور فى حاجه على الميكانيكى عدل
و يا ريت حضرتك تحكيلنا شويه حضرتك رافعها و لا مع حد بيستعملها و البطاريه فين فيها ولا عند كهربائى و كده
و فى انتظار اهل العلم فى المسأله دى

[alhosainy79]

بس ياخي انا كان معايا شاهين وكانت تقريبا زيرو وانا با اشتريها وكانت مركونه 3سنين اول حاجه الردياتير لازم المياه كلها تتغير ودوره التبريد تتنضف تاني حاجه زيت الفرامل يتم تغيره لان العربيه كانت مركونه فتره كبيره وطبعا بوجيهات وفلاتر بنزين وهواء والكاتينه يتم المراجعه علي حاله السير هل به تشققات ولا بحاله جيده ده بل النسبه لشغل المكيا نيكا القصه دي كاها تتكلف حوالي 120 جنيه الكهربا البطا ريه والمارش والدينامو الكهربائي هو اللي يقرر والموضوع كله غير مكلف وتقضي اجازه سعيده

+111111

[ابوهاشم]

تمام كده مافيش كلام بعد اللى اتقال
وطبعا ماتحاواش تدورها غير لما تتأكد من
كل الحاجات دى وخصوصا سير الكاتينه

[salsat]

شكرا ليكم على الردود الجميلة والله فعلا منتدى جميل بيكم
وعلى فكرة الشاهين دفع خلفى يعنى مفهاش كبالن وانا سايب العربية تحت البيت وممكن كل فترة واحد صاحبى يشغلها وكده فهى زى ما هى مشلتش البطارية ولا اى حاجه . فلو فى نصائح تانية اكيد هاخذ بيها وجزاكم الله كل خير على التفاعل الجميل