Tweet
السلام عليكم
ازيكم يا جماعه
بدايه احب اشكر كل اصدقائى الى ما بيبخلوش عليا بالنصيحه
وكمان ادارة المنتدى على المجهود الواضح
واخيرا كل التمبراويه حبايب قلبى ورابطه محبى ومالكى وعشاق التمبرا.
الموضوع ده انا حبيت احطه فى الفيات العام لانه عام مش خاص بالتمبرا ولا الفيات لا بكل الانواع تقريبا ما عدا الجماعه بتوع صيانه التوكيل الله يكون فى عونهم على المبالغ اللى بيدفعوها ولانى حاسس انى غير مفيد بالمرة فانا اول ما حسيت انى عارف حاجه حبيت اشاركها معاكم ونصيحه لوجه الله ما حدش يستهون بموضوع التبريد ده واليكم القصه كامله
انا اول امبارح كنت قاعد مع ناس اصحابى وجابوا سيرة مياه التبريد وازاى انها لازم تتغير كل فترة معينه وانه بيتحط حاجه اسمها ميه خضراء؟
وطبعا اخوكم بلم لانى ما اعرفش حاجه خضراء غير سكان المريخ والجرجير
المهم استمعت للحوار جيدا وعرفت اد ايه الموضوع ده مهم وعرفت ان فى اماكن معينه بتعمله زى بعض البنزينات واماكن التنظيف
وحطيت الموضوع فى دماغى ولما خرجت من الشغل قلت ابص كده على الميه بتاعتى لقيتها صفراء زى صفار البيض وده حسب ما فهمت منهم مؤشر على وجود صدا وبلاوى وترسيبات واملاح فى حاجه اسمها البلوك (الموتور) وكمان فى الريدياتير
المهم قلت فى بالى يا واد كمان يومين ولا حاجه اطلع على البنزينه اسال وقفلت الغطاء ومشيت حوالى كيلو وكان معايا واحد صاحبى قالى قف بسرعه فوقفت اتارى العربيه عماله تدخن وانا مش شايفها طبعا رغم ان الدخان من امامى اصل انا نظرى قوى جدا والحمد لله المهم نزلت لاقيت الغطاء طاير والحمد لله لاقيته على الصاجه اللى فوق المصابيح واتضح انى قفلت الغطاء بدون اهتمام بدون تاكيد عليه و حمدت ربنا لان الغطاء ده اسمع انه بحوالى 50 جنيه وكمان حمدت ربنا اكثر ان صاحبى كان معايا والا كنت هفضل ماشى لحد ما العربيه ما تقفش
وبعدين صديقى الله يكرمه قالى انت ازاى سايب الميه بالطريقه ده انت لازملك نظافه فقلت له تعالى نروح البنزينه قالى ياعم بنزينه ايه تعالى معايا
واخدنى ورحنا عند واحد بتاع رادياتير مدفون فى حته صعبه جدا اول ما شفت كده قلت له انت مودينى فين يلا يا عم يلا نرجع قالى اصبر وهتدعيلى فسكت
واول ما دخلنا على الراجل وقلت له انا عاوز انظف الدورة قال لى لازم احل الرادياتير قلت له لا انا عاوز انظفه وهوه مكانه قال لى لازم يتحل وعموما براحتك بس المرة اللى جايه لازم احله لك لو انت مش فاضى المرة دى وانا هديلك كارت متابعه تجيلى بيه كل شهرين قلت فى نفسى هو فاكر نفسه دكتور ولا ايه المهم صديقى الحاج صابر قال له حل الرادياتير واتخانق معايا وقال لى مالكش دعوه انا المسئول لانه كان عارف انى خايف يفك حاجه يبوظها
وبالفعل الرجل ما كدبش خبر وبدا يحل وكل اما يفك مسمار كانه بيفك فى صواميل جسمى وانا واقف عمال ادعى على صاحبى الحاج صابر وخلص الراجل فك ومسك الرادياتير وغسله نزل منه خيرات كثيرة جدا طين ما اقولكش وكمان غسل سربنتينه التكييف بس وهيه راكبه وبعدين ركب كل حاجه مكانها ثانى وقام حاطط ميه نار فى الدورة ونزل وعمل توصيله تخرج الميه برا العربيه فى جردل ووصل خرطوم مياه على القربه ومش عاوز اقول لكم نزل حوالى 7 جرادل ميه طينه من العربيه كل اما يتملى يفضيه لحد اما الميه بقت زى ميه الحنفيه قام حاطط الميه الخضراء وعملى كارت متابعه وقالى تجيلى بعد شهرين
بس قالى ملحوظه ان الرادياتير بتاعى متصلح قبل كده واحتمال اعوز اغيره بس ده هيتوقف على حاله العربيه معايا
والحمد لله فى فرق كبير جدا فى السخونيه بين قبل الدورة وبعدها
ارجو يا جماعه اللى ما عملش الموضوع ده لازم يعمله فى بنزينات كثير بتعمله واى واحد كويس بتاع رادياتير هتلاقوة بيعمله
وانا يا جماعه على ضمانتى والضامن هو الله لاول مرة بقول انا اعرف صنايعى كويس
بس هوة فى شبرا الخيمه وما ادراكم ما شبرا الخيمه دى بلدى وانا عارفها فيها احسن ناس بس شوارعها صعبه شويتين اللى عاوز يروح له انا تحت امرة فى اى وقت
طبعا انتو زهقتوا من بس سامحونى
عادل
ازيكم يا جماعه
بدايه احب اشكر كل اصدقائى الى ما بيبخلوش عليا بالنصيحه
وكمان ادارة المنتدى على المجهود الواضح
واخيرا كل التمبراويه حبايب قلبى ورابطه محبى ومالكى وعشاق التمبرا.
الموضوع ده انا حبيت احطه فى الفيات العام لانه عام مش خاص بالتمبرا ولا الفيات لا بكل الانواع تقريبا ما عدا الجماعه بتوع صيانه التوكيل الله يكون فى عونهم على المبالغ اللى بيدفعوها ولانى حاسس انى غير مفيد بالمرة فانا اول ما حسيت انى عارف حاجه حبيت اشاركها معاكم ونصيحه لوجه الله ما حدش يستهون بموضوع التبريد ده واليكم القصه كامله
انا اول امبارح كنت قاعد مع ناس اصحابى وجابوا سيرة مياه التبريد وازاى انها لازم تتغير كل فترة معينه وانه بيتحط حاجه اسمها ميه خضراء؟
وطبعا اخوكم بلم لانى ما اعرفش حاجه خضراء غير سكان المريخ والجرجير
المهم استمعت للحوار جيدا وعرفت اد ايه الموضوع ده مهم وعرفت ان فى اماكن معينه بتعمله زى بعض البنزينات واماكن التنظيف
وحطيت الموضوع فى دماغى ولما خرجت من الشغل قلت ابص كده على الميه بتاعتى لقيتها صفراء زى صفار البيض وده حسب ما فهمت منهم مؤشر على وجود صدا وبلاوى وترسيبات واملاح فى حاجه اسمها البلوك (الموتور) وكمان فى الريدياتير
المهم قلت فى بالى يا واد كمان يومين ولا حاجه اطلع على البنزينه اسال وقفلت الغطاء ومشيت حوالى كيلو وكان معايا واحد صاحبى قالى قف بسرعه فوقفت اتارى العربيه عماله تدخن وانا مش شايفها طبعا رغم ان الدخان من امامى اصل انا نظرى قوى جدا والحمد لله المهم نزلت لاقيت الغطاء طاير والحمد لله لاقيته على الصاجه اللى فوق المصابيح واتضح انى قفلت الغطاء بدون اهتمام بدون تاكيد عليه و حمدت ربنا لان الغطاء ده اسمع انه بحوالى 50 جنيه وكمان حمدت ربنا اكثر ان صاحبى كان معايا والا كنت هفضل ماشى لحد ما العربيه ما تقفش
وبعدين صديقى الله يكرمه قالى انت ازاى سايب الميه بالطريقه ده انت لازملك نظافه فقلت له تعالى نروح البنزينه قالى ياعم بنزينه ايه تعالى معايا
واخدنى ورحنا عند واحد بتاع رادياتير مدفون فى حته صعبه جدا اول ما شفت كده قلت له انت مودينى فين يلا يا عم يلا نرجع قالى اصبر وهتدعيلى فسكت
واول ما دخلنا على الراجل وقلت له انا عاوز انظف الدورة قال لى لازم احل الرادياتير قلت له لا انا عاوز انظفه وهوه مكانه قال لى لازم يتحل وعموما براحتك بس المرة اللى جايه لازم احله لك لو انت مش فاضى المرة دى وانا هديلك كارت متابعه تجيلى بيه كل شهرين قلت فى نفسى هو فاكر نفسه دكتور ولا ايه المهم صديقى الحاج صابر قال له حل الرادياتير واتخانق معايا وقال لى مالكش دعوه انا المسئول لانه كان عارف انى خايف يفك حاجه يبوظها
وبالفعل الرجل ما كدبش خبر وبدا يحل وكل اما يفك مسمار كانه بيفك فى صواميل جسمى وانا واقف عمال ادعى على صاحبى الحاج صابر وخلص الراجل فك ومسك الرادياتير وغسله نزل منه خيرات كثيرة جدا طين ما اقولكش وكمان غسل سربنتينه التكييف بس وهيه راكبه وبعدين ركب كل حاجه مكانها ثانى وقام حاطط ميه نار فى الدورة ونزل وعمل توصيله تخرج الميه برا العربيه فى جردل ووصل خرطوم مياه على القربه ومش عاوز اقول لكم نزل حوالى 7 جرادل ميه طينه من العربيه كل اما يتملى يفضيه لحد اما الميه بقت زى ميه الحنفيه قام حاطط الميه الخضراء وعملى كارت متابعه وقالى تجيلى بعد شهرين
بس قالى ملحوظه ان الرادياتير بتاعى متصلح قبل كده واحتمال اعوز اغيره بس ده هيتوقف على حاله العربيه معايا
والحمد لله فى فرق كبير جدا فى السخونيه بين قبل الدورة وبعدها
ارجو يا جماعه اللى ما عملش الموضوع ده لازم يعمله فى بنزينات كثير بتعمله واى واحد كويس بتاع رادياتير هتلاقوة بيعمله
وانا يا جماعه على ضمانتى والضامن هو الله لاول مرة بقول انا اعرف صنايعى كويس
بس هوة فى شبرا الخيمه وما ادراكم ما شبرا الخيمه دى بلدى وانا عارفها فيها احسن ناس بس شوارعها صعبه شويتين اللى عاوز يروح له انا تحت امرة فى اى وقت
طبعا انتو زهقتوا من بس سامحونى
عادل
Comment