عايز رأيكو في ال 131 دي

[loai-omar]

السلام عليكم و رحمة الله

القسم هنا مزعل صاحبي جدا

على فكره انا معايا نيسان صني و صاحبي معاه 131

ولما وريتله المنتدلا راح مصورلي عربيته و قالي حط الصور و شوف لو حد عنده اي فكره تتعمل في العربيه

قولولي رأيكو بأه

[محمد عز]

ما شاء الله ربنا يباركله فيها ، هوا لو ركب عتب فى الابواب هتبقى جامدة جدا
بس هوا ما شاء الله مظبط العربيه كويس جدا
هى موديل السبعيانات يعنى من 76 ل 79 لان الفوانيس مدورة
وفيه كمان جريدة نيكل او بلاستيك اسود نضيف بتركب فى نص الباب من بره بيبقى شكلها هايل

[Chicco]

العربية ما شاء الله حلوة لو صاحبك بيسأل علي تعديلات خارجية فممكن الشكمان و سبويلر خلفي....لوتعديلات جوهرية فحدث و لا حرج ;)

[ahmed_3omda]

القسم هنا مزعل صاحبي جدا

دا احنا اللي زعلانين من صحبك يالؤى علشان مقلناش نعمل الشغل بتاع التابلوه والابواب دا فين :D

السياره جميله جدا مشاء الله ..

ممكن توطي شويه وتركب فوانيس خلفيه led

[loai-omar]

casber

اه فعلا العربيه موديل 79 , بس احنا شيلنا الجريده دي قببل ما يرش

Chicco

والله قاعد بتحايل عليه على انه يركب ديفل هوا حيظبط مع العربيه اوي
بس منين يجيب ديفل كويس و ابن ناس كده حنين :)؟



ahmed_3omda

والله هوا لسه مركب الجنوط ال 15 دول و لسه عايز شغل في المساعدين عشان سعات بيحكوا

التابلوه والابواب حسألوا و ارد عليك

[ابوهاشم]

ربنا يباركله فيها بس لو ركب عتب وكساحات هتبقى اجمل

[loai-omar]

هوا مركب عبت بتاع شاهين

بس كساحات يا هشام روحنا لواحد ورانا حاجات تحفه لل 131 بس هايقطع من اكصدام العربيه من الجناب و يركب اكصدام عريض بكساحته المهم الحوار دا كله بانه هايعمله الشبكة ايلي قدام كمان حيخليها سلك ب 1000 جنيه بالرش

انا شايف كتير اوي

بس احنا عايزين نروح لواحد بتاع عفشة كويس

[hazem_khidr]

ما شاء الله العربيه شكلها تحفه.
ممكن يغير الشبكه بالفوانيس الاماميه و يجيب شبكه ال 131 ريسينج ابارث او ابارث رالي (بتبقي مخرمه و فوانيسها دائريه برضه لكن واحد كبير و واحد صغير) حتبقي تحفه علي العربيه.

[Mohtofy]

+1

العربية ما شاء الله حلوة لو صاحبك بيسأل علي تعديلات خارجية فممكن الشكمان و سبويلر خلفي....لوتعديلات جوهرية فحدث و لا حرج ;)

ربنا يباركله فيها ... أبقى قوله يشترك فى المنتدى الجميل دى ويشرحلنا رحلة التغيرات اللى عملها فى العربية وخلاها جميلة كده

[loai-omar]

طب يا حازم يجيب الشبكة دي من فين و تعمل كام؟

mohtofy والله من غير ماتقول هوا بس بيظبط النت عنده في البيت

على فكره المنتدى دا انا مش شايف غيره :)

[hazem_khidr]

ينزل وكاله البلح او عزبه شلبي اكيد حيلاقيها هناك
زي الصوره اللي في الموضوع دا

http://www.nilemotors.net/Nile/showthread.php?t=3055