مشاكل فى البرافو

[dodger111]

الكمبيوتر بتاع عربيتى فصل مرتين والعربية مشتغلتش ,اول مرة كانت بسبب انى كنت غاسل العربية فى البنزينة من برة بس , ولقيت كهربة العربية كلها بتخرف والعربية مش بتشتغل بسبب ان المية جت على البطارية حاجة زى كدا. ومن يومين العربية عملت نفس الموضوع جيت اشغلها الكونتاكت بيطفى وينور والعربية مش بتشتغل فرحت شيلت كابل البطارية وجطيتة واشتغلت...دة عيب اية بقى!

والعربية عندى بتحدف , الحجات دى اروح للتوكيل ولا دة عادى!

معلش عندى استفسار اعرف منين ان التربو اشتغل؟ انا عندى الكمبيوتر مختلف يمكن عشان انا جايب الفاضية مش الفل اوبشن.

[ahmad--ezzat]

روح التوكيل واشتكى....بس متقولش انك غسلتها ولا بتاع

[dodger111]

شكرا يا احمد على سرعة الرد بس انا شايف انها ممكن تكون الكهربة ملمسة بس,, بس انا مجتش جمبها !

[ahmad--ezzat]

امانه عليك اوعى تودى العربيه لاى كهربائى ولا اى حد...التوكيل التوكيل....الصيانه الجايه ان شاء الله...تقلهم حصل كذا كذا كذا....ومش عارف المشكله....وان شاء الله يكشفوا على العربيه ولو فى خطأ هيعملوه

[yoko]

خلي بالك الميه ممكن تبوظ الكونترول وساعتها الدنيا هتخش في ألاف
الزوايا إظبطها برة لإنهم في التوكيل الزوايا ب١٥٠ جنيه
أنا بعملها في بريدجستون عباس العقاد
والتربو هيبان في سحبة العربيه غير صوته المميز

[damasry]

التربو ها تعرفه بصوته ولما تروح التوكيل بيتحط على الكومبيوتر وبيقولك قد ايه انت حرقت عليه وهى البرافو ال١٢٠ حصان كلها كده مش بيبان التربو فيها، لكن ال١٥٠ حصان بيبان فيها التربو زى اللينيا.

طبعا بلاش غسيل العربية بالمية عند الموتور عشان الecu بتاع العربية مش يبوظ، لأن زى ما يوكو قال الغرامة ها تكون كبيييييرة.

[dodger111]

التربو ها تعرفه بصوته ولما تروح التوكيل بيتحط على الكومبيوتر وبيقولك قد ايه انت حرقت عليه وهى البرافو ال١٢٠ حصان كلها كده مش بيبان التربو فيها، لكن ال١٥٠ حصان بيبان فيها التربو زى اللينيا.

طبعا بلاش غسيل العربية بالمية عند الموتور عشان الecu بتاع العربية مش يبوظ، لأن زى ما يوكو قال الغرامة ها تكون كبيييييرة.

شكرا يا باشا على ردك,بس ازاى مش بيبان عليها واللينيا هيبان ما هى نفس الموتور مش فاهم قصدك !؟ بس انا شفت فى اللينيا بيطلع على الكمبيوتر مروحة التربو ..انا معنديش حاجة بتظهرلى,,هوا غلط انى اعد احرق كتير على التربو؟

[damasry]

شكرا يا باشا على ردك,بس ازاى مش بيبان عليها واللينيا هيبان ما هى نفس الموتور مش فاهم قصدك !؟ بس انا شفت فى اللينيا بيطلع على الكمبيوتر مروحة التربو ..انا معنديش حاجة بتظهرلى,,هوا غلط انى اعد احرق كتير على التربو؟

عشان الشاشة مختلفة، اللى فى اللينيا بتقدر تغير وضع القراءات فيها لكن البرافو ال120 لا

يعنى اللينيا فيها الشاشة الاعلى والبرافو ال150 حصان بردو فيها نفس الشاشة.

غلط لو قعدت تحرق عليه جامد يعنى مشغل التربو 100٪ ولما بتروح التوكيل بيكشفوا الموضوع ده لأن كومبيوتر العربية بيسجل المدة دى وبيطلها ساعة الكشف.

[Medo.Malek]

غلط لو قعدت تحرق عليه جامد يعنى مشغل التربو 100٪ ولما بتروح التوكيل بيكشفوا الموضوع ده لأن كومبيوتر العربية بيسجل المدة دى وبيطلها ساعة الكشف
excuse me mr damasry ..i need you explain this point
.

( i have a problem in writing arabic but i can read it) so you can write in arabic

[damasry]

( i have a problem in writing arabic but i can read it) so you can write in arabic

بص يا باشا، التربو لو الواحد ضغط بنزين جامد ها يشتغل معاك باقصى قوة ليه، المفروض مش تعمل كده كتير لأن ده اسمه (boost) وده مش كويس على الموتور.

ليه؟؟ عشان المفروض الضغط جوه الموتور مايزدتش عن الضغط الجوى، واللى بيتحكم فى ده هى ال(wastegate)

[aymoz]

بص يا باشا، التربو لو الواحد ضغط بنزين جامد ها يشتغل معاك باقصى قوة ليه، المفروض مش تعمل كده كتير لأن ده اسمه (boost) وده مش كويس على الموتور.

ليه؟؟ عشان المفروض الضغط جوه الموتور مايزدتش عن الضغط الجوى، واللى بيتحكم فى ده هى ال(wastegate)

معلش يا damasry أنا قابلت الراجل ده عند جينز كار وبيمشي براحة اوي أنت كده هتخليه ميمشيش أصلا
برضه قلت تشغيل التربو بتبوظ حاجات تانية ولا إيه ؟؟

[wildesso]

أنا بردو كنت عند جينز كار من 3 أيام و كان في برافو سوداء و لينيا بتركب فرش
الكثير دة بيتحسب علي أساس إيه؟

[yoko]

أنا بردو كنت عند جينز كار من 3 أيام و كان في برافو سوداء و لينيا بتركب فرش
الكثير دة بيتحسب علي أساس إيه؟

هههههههههههههههههههه
اللينيا بتاعت aymoz
والبرافو بتاعت dodger

[aymoz]

احنا المفروض نعمل استراحة لنيل موتورز هناك
كل مروح عنده لازم ألاقي حد من نيل موتورز

[aymoz]

أنا بردو كنت عند جينز كار من 3 أيام و كان في برافو سوداء و لينيا بتركب فرش
الكثير دة بيتحسب علي أساس إيه؟

اللينيا بتاعتي أنا اللي كنت بتكلم معاك