استفسار عن كاوتش الينيا

[S.S.E]

انا عامل الكاوتش نيتروجين بقالى شهر ونص على مقاس 28 وطبعا فى فرق, بعد كده حسيت بدبه فى العربيه قبل ما أسافر اسكندريه ب 5 ايام قيست الاربع فرد التلاته 32 وفرده 28 وزودلى الفرده اللى الناقصه ماشى على الصحراوى حسيت بنشوفيه كشفت عند واحد قالى عداد القياس جديد وطلعوا 3 فرد الكاوتش 30 وواحده 28 قولتله نزلهم ل 28 فى الاخر خالص وانا راجع لقيت واحد فى اسكندريه راجل محترم معاه جهاز قياس وشفط وتحديد اذا كان الكاوتش هوا ولا نيتروجين كل ده فى جهاز واحد عمل شفط لل 3 فرد والرابع قال فى نيتروجين وحسيت بالفرق والسحب.

فى استفسار مقاس الكاوتش فى الشتاء كام و الصيف كام؟

[damasry]

استنى يوكو يجيبلك المفيد

[yoko]

السلام عليكم يا باشا والمفروض إن الكاوتش يتعمل كله على ٣٢ هواء أو نيتروجين ميفرقش بس أنا حاطت نيتروجين وفرق معايا جدا في النعوميه وخلي بالك إنك متنزلش عن ال٣٢ لإن في الكتالوج كاتبين إن في نص الحموله ٣٢ ولو الحموله كاملة ٣٤

[Hegazio]

الضغط المناسب من الكتالوج 32
و ده مايفرقش ف هوا عن نيتروجين ( اذا كان فيه فرق محسوس اصلا )
و لكن لاعتبارية الفارق ( البسيط ) بين طرق أوربا و مصر .. يمكن تخفيضه بما لا يصل ل 10 % .. يعني 30 معقول

[yoko]

الضغط المناسب من الكتالوج 32
و ده مايفرقش ف هوا عن نيتروجين ( اذا كان فيه فرق محسوس اصلا )
و لكن لاعتبارية الفارق ( البسيط ) بين طرق أوربا و مصر .. يمكن تخفيضه بما لا يصل ل 10 % .. يعني 30 معقول

في الكتالوج يا باشا ٣٤.٨ يعني ٣٢ ده أقل حاجة

[Hegazio]

في الكتالوج يا باشا ٣٤.٨ يعني ٣٢ ده أقل حاجة

May be

[S.S.E]

متشكر على سرعة الرد ولكن فى سؤال انا عمل الكاوتش على 28 وجت اقيسه فى الرست هوس لقيته 32 وده فى عز الحر فلو زودته 32 هيبقه 34.8 كده لقدر الله ممكن يفرقع من السخونيه

[yoko]

لأ لإن النيتروجين درجة حرارتة مبتزدش ولو الضغط زاد كبيره درجة والهواء درجتين ونص غالبا الي عملهولك كان ....
إعمله عند حد مضمون أنا كنت بدب المشوار من حلوان لمصر الجديدة وأقيسة وبلاقيه ٣٢ زي ما هو والكاوتش لو وصل ل٥٠ مش هيفرقع

[damasry]

ده اللى مكتوب فى الكتالوج

يعنى لو حبينا نحول يبقى الارقام كالاتى:

فى الشتاء

الامامى: 34
الخلفى: 30


فى الصيف
الامامى: 37
الخلفى: 35

[yoko]

تعديل بسيط ده مش صيف وشتاء ده نص تحميل (شخصين بشنطهم) أو تحميل كامل (٣ أو٤ بشنطهم)

[damasry]

تعديل بسيط ده مش صيف وشتاء ده نص تحميل (شخصين بشنطهم) أو تحميل كامل (3 أو4 بشنطهم)

لا يا باشا الارقام دى لنصف تحميل صيف وشتاء

[Medo.Malek]

طب يا يوكو بما انك حاطط النيتروجين عندك تنصحنى بيه ولا ملوش لازمه
و بالنسبة لضغط الكاوتش فا انا (اعتقد) ان الارقام اللى فى الكاتلوج دى مش لمصر و انا رائى ان لو هاتنفخ هوا عادى يبقى 30 صيف و شتا محمل او لا لكن لو نيتروجين ممكن 32 لان على حسب ما فهمت ان النيتروجين مش بيتأثر بالحرارة او يتغير بسرعة

[yoko]

النيتروجين فرق معايا في هبدة المطبات والصوت لما تعدي على حفرة أو تمشي على عين القطة!!!
وإعملها ٣٢ لإن الفرق لا يكاد يذكر في الإحساس بنشوفية العفشة

[aymoz]

آه وعلشان مايحصلكش زييي لو أخدت مطب لا قدر الله

[Medo.Malek]

آه وعلشان مايحصلكش زييي لو أخدت مطب لا قدر الله

معلش .. هو اية اللى حصل؟!