أحسن ميكانيكى للبونتو فى القاهرة و طنطا و اسكندرية

[Moe86]

أنا عندى بونتو 2008 , العربية عملت 32000 و عايز أعملها الصيانة, المشكلة ان العربية عملت حادثة و صلحتها برة التوكيل , فاغالبا طلعت كدة من الضمان (فاضل فيه 6 شهور) دة غير ان الصيانة فى التوكيل غالية طبعا
أنا بشتكى من مشاكل فى الدبرياج و التكيف و الردياتير و حاجات تانية كتيير
عايز أعرف مين أحسن ميكانيكى يفهم فيها فى القاهرة و طنطا و اسكندرية (أماكن تواجدى)
أنا سمعت عن صابر اللى شغال فى التوكيل , فى حد أحسن منه و يكون عنده ضمير ؟

[eng_ahesham]

والله يا محمد صابر ده امين ومحترم واخلاق جدا
وبعدين مش شماط
جربه وهتدعيلي والله وعلي فكره انا موسوس جدا في موضوع الميكانيكيه ده ف لو صابر ده كان فيه مشكله اكيييييييييد كنت هسيبه

[karmouty918]

طيب هو فين صابر دة؟؟..و ياريت لو حد يعرف كهربائي كمان..

[fadynabil80]

حد يا جماعه يقولنا صابر فين بالظبط وتليفونه ايه

[Dr. Halawa]

يا ريت فعلا عشان اترحم من مشوار التوكيل ده

[eng_ahesham]

صابر ده في امبابه عند نزله الدائري بتاع القوميه
اول ما تنزل نزله القوميه وانت جاي من اتجاه مدينه 6 اكتوبر
ادخل اول يمين علي ناصيته فكهاني
وده رقم تليفون صابر
0163610448
واللي يرحله يقوله انا عرفتك من منتدي نايل موتورز يا جماعه
وتبقوا طمنوني