سؤال الى خبراء الفيات

[linkin2008]

يا شباب انا عايز اجيب اول عربية ليا وطبعا فكرت علطول فى الفيات علشان زى مانتو عارفين قطع غيار رخيصة وصيانة سهلة خصوصا ان دى اول عربية فانا دلوقتى محتار بين اثنين الريجاتا و 128 النوفا ففى ناس قالتلى ان الريجاتا صيانتها وحشة واعطالها كتير وفين على ماتلاقى حالة نضيفة و 128 ناس قالولى ان الى قبل النوفا احسن منها علشان قطع غيرها ارخص بكتير وان قطع غيار النوفا غالية انا صراحة مش مقتنع بالكلام ده لان الى اعرفة ان تكنولوجية ال128 واحده من السبعينات الى الان برجاء افادتى
واسف على الاطالة

[yoko]

بص مفيش فرق بين النوفا والعاديه غير إن صاج القديمة أنشف شويه غير كده مفيش قطع الغيار معظمها واحده بس لو قدامك ريجاتا كويسه فكك من ال١٢٨ لإن الريجاتا أفضل

[linkin2008]

الف شكر يا yoko على الاجابة بس كان ليا سؤال تانى هى تفرق كتير بين الريجاتا النوفا و العادية وفى ناس قالتلى على ال131 بس انا مش عارف اسف على الاطالة

[semsem_uno]

طب ايه رأيك في الأونو ؟؟
احدث و بسيطة جدا جدا جدا و اسعار الغيار معقولة للغاية
و كمان هتعمر معاك لأن ال128 اغلب قطع غيارو بقت مضروبة (مفيش غير التركي و الصيني في صناعة قطع الغيار غير كده مضروب و عن تجارب)
و كمان نظام التعليق افضل ثباتا بكتير و كمان مش بتفتح علب و حوض من قدام زي ال128 من كتر المطبات و انعم بكتيييير
اسعارها الأيطالي من 23 ل26 حسب الحالة و اخرو 93
و الوحش الأيطالي ال131 ديه مفيش عليها كلام و كمان اغلب قطع غيارها هي هي بتاعت الشاهين بس انا شايف انها هتبقي كبيرة عليك بما انك مبتدأ و كمان قديمة فا صعب انك تلاقي حالة كويسة و اغلبها لازم تشدها بعد ما تشتريها
سلاااام يا مان و لو عندك اي اسفسار قول

[linkin2008]

الف شكر على الرد السريع يا semsem طبعا انا فكرت فى الاونو بس لقيت انها اعلى من الى معايا 20000 انا ممكن ازود شوية عن المبلغ بس حيكون علشان اظبط اى حاجة فيها

[yoko]

معرفش الفرق بينهم بصراحة ال١٣١ كويسه بس مش هتلاقي منها حالة كويسه بسهوله ده غير إنها بتاكل بنزين عن ال١٢٨ لجن صاجها مشاكلة أقل