اعدام فيات بونتو ايفو !!!!

[momokinzy]

السلام عليكم يا رجالة فيات

اكتر من موضوع قريته فى اكتر من سايت ان الناس فى بلاد كتير جدا متضايقين من الفيس ليفت اللى عملته فيات فى الشكل المميز للجراند بونتو وان شكل المينى مازيراتى اللى كانت بتتميز بيه الجراند فيات بوظته بالتعديلات الجديدة وان شكل الايفو مبقاش يفرق عن اى عربية تانيه بسبب الاكصدام الامامى السخيف
وطبعا محدش يقدر يختلف ان الانتريور شكله احسن شويه بس شكله مبقاش اوروبى بقى عامل زى العربيات الكورى
و ده موضوع من المواضيع اللى انا شوفتها و مستنى ارائكم

Grande Punto Facelift: From baby Maserati to Punto Evo - Team-BHP

[Ralliart]

فعلاً فيات شلفطت العربيه من قدام خالص
هي شكلها من جوه ومن ورا بقى احسن بس وشها زباله ولو قدامي العربيتين هجيب الجراند

[د.محمود صلاح]

الموضوع في اللنك صاحبه متضايق من شكل العربية جداً وبيخبط دماغه في الحيط !!

[eng_ahmedryad]

شكلها من قدام بايخ فعلاً .

[momokinzy]

الموضوع في اللنك صاحبه متضايق من شكل العربية جداً وبيخبط دماغه في الحيط !!

هههههههههههههههههههههه بصراحه حقه عشان الناس المفروض تطور للاحسن مش للاسوأ

[ahmedbasto]

شكلها وحش اووى من قدام مش دى فيات اللى اتعودنا منها على التصميمات الرائعة اللى بتجذبك ليها من اول نظرة وتخليك تحبها

[momokinzy]

شكلها وحش اووى من قدام مش دى فيات اللى اتعودنا منها على التصميمات الرائعة اللى بتجذبك ليها من اول نظرة وتخليك تحبها

فعلا عندك حق الجراند بونتو love from first sight

[Ghamrawy]

متفق عليه طبعا

[yoko]

فعلاً فيات شلفطت العربيه من قدام خالص
هي شكلها من جوه ومن ورا بقى احسن بس وشها زباله ولو قدامي العربيتين هجيب الجراند

معاك ١٠٠٪ ونفس إحساسي

[Most_H]

فعلا ، الايفو شكلها مش حلو زى الجراند

[damasry]

يا جماعة حد فاكر اول ما ال بى ام الشكل الحالى نزل، العالم كله هاجم المصمم وقال ان شكلها مش حلو ومش دا الديزاين اللى متعودين عليه من البى ام لكن بعد كده العالم كله اتعود على شكلها وعملت مبيعات كويسة جدا!!!!!!!

انا معاكوا ان شكل الايفو من الامام غير مألوف بس شوية والناس ها تتعود عليه او فيات نفسها ها تعمل ليه فيس ليفت ويبقى فيس ليفت للفيس ليفت :)

[moh.aboelkheir]

بصراحة الشكل دة يليق علية بعض الالوان جدا و الالوان التانية تخلية قمة القباحة... بس بردة مش بطال

[momokinzy]

يا جماعة حد فاكر اول ما ال بى ام الشكل الحالى نزل، العالم كله هاجم المصمم وقال ان شكلها مش حلو ومش دا الديزاين اللى متعودين عليه من البى ام لكن بعد كده العالم كله اتعود على شكلها وعملت مبيعات كويسة جدا!!!!!!!

انا معاكوا ان شكل الايفو من الامام غير مألوف بس شوية والناس ها تتعود عليه او فيات نفسها ها تعمل ليه فيس ليفت ويبقى فيس ليفت للفيس ليفت :)

ههههههههههههههههههههههههههه حلوة حكاية فيس ليفت للفيس ليفت دى بس انا حاسس ان صعب الناس تتقبل الشكل ده او تتعود عليه يا راجل ده الناس مش طايقاه

[momokinzy]

بصراحة الشكل دة يليق علية بعض الالوان جدا و الالوان التانية تخلية قمة القباحة... بس بردة مش بطال :e_braces[1]:

هو الاسود الوحيد اللى لايق علشان الاكصدامين بتوع الهلال و النجمة الذهبية مش باينين لكن اى لون تانى

[amir]

انا كنت خايف لاكون انا لوحدي اللي كاره الشكل ده
و عايز اعترف بقي ليكم
البونتو كلاسيك احلي شكلا عندي من الجراند بونتو !!!
بحس الجراند بونتو مديه علي سيريون!
و الايفو دي بقي اللي زودت الطين بلات مش بله واحده