مقارنه بين اسعار قطع غيار الرينو وفيات

[bembodeniro]

الاخ الفاضل بمبو دي نيرو , الاخوة الافاضل

الف شكر على العرض الجميل و المقارنة المفيدة جدا و رغم أني من عشاق فيات و عربية جدي ( كانوا يجروها حصانين ) كانت فيات موديل 48 ووالدي كان جايب 125 و انا بعت ال 125 و جبت تمبرا مستعملة , رغم كل هذا لكن فعلا اسعار قطع غيار اللينيا و يهيئ لي الجراند بونتو زيها غالية جدا جدا و مبالغ فيها و ده سبب في عدم انتشارها بالاضافة لان التوكيل ما بيعملش دعاية كافية لها .

لكن انا فعلا لي سؤال محيرني جدا ياريت حد من الاخوة يفيدني : أنا معايا تمبرا مو98 و لما اشتريتها من سنة غيرت البوجيهات و فلتر الهواء و الزيت و البنزين و تيل الفرامل الامامي و السيور و فلتر البنزين و من اسبوع غيرت طقم المساعدين الامامي بالطاحات بتاعتهم و كانت الاسعار كالتالي :

بوجيهات ngk ب 28 جنيه و الاصلي شامبيون أنجليزي ب 70 جنيه
فلتر الهواء المصري 25 جنيه و التركي ب 40 جنيه و الايطالي ب 70 جنيه و ماكانش فيه ايطالي عند يوسف جبت التركي .

فلتر الزيت ب 12 جنيه fram و في نوع تاني ب 10 جنيه لونه أزرق .

فلتر بنزين 5 جنيه .

تيل الفرامل الامامي ايطالي ب 65 جنيه

طقم المساعدين الامامي الماني ب 450 جنيه و جوز البطاحات ب 160
يبقى جوز المساعدين الامامي بالبطاحات ب 610 جنيه .

و انا شايف أن العربية عادي شغالة زي أي عربية و المساعدين ناعمين و زي الفل
و البوجيهات مافيهاش مشاكل فلماذا هذا الفارق الرهيب في الاسعار ؟؟؟؟؟؟؟؟؟

يعني هل سعر المساعد الواحد في اللينيا و الميجان حوالي 600 بدون بطاحات و اللا ده سعر الاثنين ؟؟؟؟؟؟؟؟؟؟؟؟؟؟

أذا كانت هذه اسعار قطع غيار الينيا و الميجان يبقى قطع الغيار اللي بركبها في التمبرا ورق و الا بسكوت ؟؟؟؟؟؟؟؟؟؟؟؟؟؟

ياريت حد يفيدني ليه الفارق الجامد ده في الاسعار و لو كده مين يجازف و يجيب عربية زيرو ؟؟؟؟؟؟؟؟؟؟؟؟؟؟

شكرا ليكم جميعا

هاقولك على حاجه الفرق ده ممكن يكون ليه اولا العربيه لسه جديده وممكن فرق الامكانيات بينها وبين التمبرا وده مش عيب فى التمبرا لا التمبرا بجد من العربيات المحترمه اللى هى دبابه وممكن تشتغل 24 ساعه بس البوجيهات يوكو كان بيقول بلاتنيوم ومعرفش ايه الفرق الميكانيكى وبيقول انها فى توكيلها سعرها كده التيل هو برضه اتفضل مشكورا وقال علشان التربو
القصد من شراء الزيرو هو انك تكون شارى عربيه من غير مشاكل كذا واحد قالى الزيرو غير انا بصراحه معرفش احساسه لانى مجربتوش والبركه فى اوماترا فى ناس يقولك لا كسر زيرو وعربيه ارخص ب 20000 جنيه وانا اكشف عليها فى التوكيل وصاحبها يضبطها قبل ما اخدها
انا مثلا قبل ما افكر فى الينيا واقفل عليها كنت بفكر فى هوندا كسر زيرو بس ناس كتير يقولوا لا وناس تقول اه فهى ترجع للشخص نفسه وعلى حسب راحته النفسيه

[yoko]

البوجيهات سعرها طبيعي لكن التيل فعلا سعرة غالي شويه بس مش كتير مقارنة بالتربو ولي هيركب العربيه دي ويتعرض لموقف أو إتنين يحتاج فيهم فرامل قويه هيعرف ليه أنا مش مستغلي سعر التيل!!!

[bembodeniro]

شوفت صحيح يا يوكو الخبر المكتوب فى كونتكت بيقول ان اوماترا مصر استبعدت لينيا من السوق ده كان فى تقرير بيتكلم عن استعدادت الشركات لاوتوماك
يا خوفى افضل انا صابر لشهر 11 ومينزلوهاش انا بجد قرفان اخر حاجه لانى مش واثق خالص فى عباقره اوماترا وياخوفى ينزلوها فى شهر 11 بالسعر القديم (136000) وساعتها انا اللى هاتشل لوحدى يا سنيه
انت متعرفش اخبار جديده؟؟؟

[yoko]

معرفش بس إستحاله يستبعدوها لإن دي الأمل الوحيد للبيع في أوماترا!!!!!!!!
وعلى العموم هتأكدلك