كل المعلومات المتاحة عن السيارة ريجاتا

[wsf74]

يا جماعة دي أول مشاركة معكم و أشكركم على هذا المنتدى و جزاكم الله خير
أريسد كل كل كل المعلومات عن السيارة ريجاتا
1- الصيانة
2- أماكن عمل الصيانة
3- قطع الغيار و اسعارها
4-شد السيارة و ترويقها واماكن عمل هذا

[wsf74]

يا جماعة انا محتاج مساعدتكم جدا
ياريت حد يقول لي غيه اللي يعرفه عن المساعدين "monroe" وهل وكيلها في مصر هو غبور

[ahmedezzat78]

يا جماعة انا محتاج مساعدتكم جدا
ياريت حد يقول لي غيه اللي يعرفه عن المساعدين "monroe" وهل وكيلها في مصر هو غبور

غبور مش وكيل مونرو

مونرو ليها مراكز بيع مستقله منهم واحد بجوار المستشفى الجوى بالعباسيه امام كنتاكى

بالنسبه للميكانيكا فيه واحد ممتاز فى الحفين اسمه محمود كبريت...... هوه دكتور بس غالى شويه ممكن تروحلو لو عندك حاجة معقربه شويه

[wsf74]

يا باشمهندس سبعاوي ممكن مساعدتك في موضوع ال ريجاتا
أريد كل كل كل المعلومات عن السيارة ريجاتا
1- الصيانة
2- أماكن عمل الصيانة ( العنوان و التليفون إن أمكن )
3- قطع الغيار و اسعارها
4-شد السيارة و ترويقها واماكن عمل هذا ( العنوان و التليفون إن أمكن )

[NaderNabil]

غبور مش وكيل مونرو

غبور فعلا هو توكيل مونرو في مصر....و بيبيع من خلال الموزعين دول

[ahmedezzat78]

انا اسف ما كنتش اعرف

[sab3aawy]

بداية عندك قائمة اسعار قطع غيار الريجاتا وده الرابط بتاعها

http://nilemotors.net/Nile/showthread.php?t=9120

ثانيا بالنسبة لأماكن اصلاحها فهى سيارة مافيهاش اى فن ولا تختلف فى اسلوب اصلاحها فى كثير او قليل عن ال 128 واى ميكانيكى فيات كويس بيشتغل فيها ،

بالنسبة للشد والترويش فأفكاره لا تحصى ، لو بتتكلم على الشد والترويش الخارجى والصالون فهقترح عليك زيارة لشارع دمشق بمصر الجديدة وعلى رضا بشارع اسماعيل القبانى بمدينة نصر بالقرب من مستشفى التأمين الصحى

أما بالنسبة للميكانيكا فممكن ترجع لساحة تعديل السيارات فى المنتدى هتلاقى عليها افكار كتير جدا للتعديلات المكيانيكية من فلاتر رياضية وشكمانات ديفيل وتسقيط محركات وخلافه وهتلاقى تجارب تعديلات لكثير من موديلات الفيات

http://nilemotors.net/Nile/showthread.php?t=9657

[wsf74]

باشمهندس سبعاوي شكرا على معلوماتك
ممكن تقول لي أيهما أحسن
*مساعدين بولندى (من أين و إن أمكن العنوان و التليفون)
*مساعدين مايلى المانى (من أين و إن أمكن العنوان و التليفون)
*مساعدين مونرو

ممكن تقول لي سعر طلمبة البنزين للريجاتا

[sab3aawy]

البولندى رخيص بس مش معمر

انا مركب عندى المايلى وممتازين جدا ومريحين

المونرو طبعا رائع بس ناشف لأنه نظامه رياضى

المايلى اريح من المونرو على حساب الثبات فى السرعات العالية

الإتنين ممكن تلاقيهم فى سوق التوفيقية فى وسط البلد

بالنسبة لطرمبة البنزين انا معرفش سعرها، بس على فرض انها زى بتاعة ال128 مثلا فغالبا هتكون فى حدود 70-100 جنيه

[wsf74]

ممكن حد يوصف لي مكان عزبة شلبي تفصيليا ويسلام لو من منطقة سراي القبة

[sab3aawy]

من سراى القبة تطلع كوبرى السواح وتنزل منه تاخد شارع الأميرية اللى فيه بسكو مصر لحد آخره، وبعدين تكسر يمين فى امتداد شارع بورسعيد (طريق مسطرد) ، متطلعش الكوبرى وخليك اقصى اليمين ومتخلش اى فتحة شمال من اللى رايحين تحت الكوبرى لكن كمل فى اليمين لحد ما تلافىة الترعة على شمالك ، افضل ماشى شوية حوالى 2 كيلو تقريبا وبعدين اسأل على مدخل عزبة شلبى، هى مدخلها شارع على اليمين لكن مالوش اى علامة مميزة بس معروف جدا هناك ، وهناك هتلاقى كل ما تحلم به للريجاتا ، لو عايز تجمع عربية ريجاتا من هناك هتلم حاجاتها فى نص ساعة