لمن يمتلك شاهين 1600 سؤال من فضلك

[د.محمود صلاح]

سؤال من فضلكم للي معاه او ركب او جرب الشاهين 1600 ,,
بالنسبة للمكيف أخباره ايه في الحر ؟
وهل يبؤدي لسخونة العربية ؟

والباور كويس على العربية ؟

والسحب اخباره ايه ؟

وأقصى سرعة للعربية كم ؟

[د.محمود صلاح]

آسف جداً الموضوع مكرر

http://www.nilemotors.net/Nile/126575-1600.html

ارجو الحذف او الدمج ...

[NoRmAl]

كنت جاوبت حضرتك قبل كده يا دكتور على موضوع التكيف
وقلت لحضرتك أن دى فشره كبيره
العربيه مفهاش تكييف ولو أعتمدت عليه هتتحمص هتتحمص
أفتح الشبام أفضل مليون مره

الباور ربما أفضل ما فى العربيه وكويس جدا جدا

السحب مش بطال ومناسب جدا لوزن السياره

أقصى سرعه 165 كم فى الساعه وممكن تجيب 170 بالعافيه وساعات ساعات

[damasry]

دكتور محمود منور والله

ورجالة فيات ياريت اجابة مخصوص موصى عليها للدكتور محمود

[NoRmAl]

دكتور محمود منور والله

ورجالة فيات ياريت اجابة مخصوص موصى عليها للدكتور محمود

مينفعش رجاله كيا :))

[damasry]

الموضوع التانى قديم يا دكتور

شوف انهى موضوع عايزه يتلغى وابعت للادارة تقرير مشاركة تطلب حذف الموضوع

[damasry]

مينفعش رجاله كيا :))

رجالة كيا اللى ها تحول لفيات تنور وتشرف القسم كله يا باشا

[NoRmAl]

رجالة كيا اللى ها تحول لفيات تنور وتشرف القسم كله يا باشا

[gdwl]هههههههههههه
الله يخليك يا محمد :)[/gdwl]

[د.محمود صلاح]

الموضوع التانى قديم يا دكتور

شوف انهى موضوع عايزه يتلغى وابعت للادارة تقرير مشاركة تطلب حذف الموضوع

انا مش عارف مين اللي اتلغى ,,, بالفعل بعثت تقرير .

انا رديت اليوم بس حضرتك NoRmAl جزاك الله خيراً وآسف اني اتاخرت في مشاهدة ردك

[د.محمود صلاح]

دكتور محمود منور والله

ورجالة فيات ياريت اجابة مخصوص موصى عليها للدكتور محمود

جزاك الله خيراً ,, العضو الفاضل نورمال جاوب علي من زمااان وان مخدتش بالي

[ahmedbasto]

بس ليه التكييف فشرة كبيرة يعنى

[NoRmAl]

بس ليه التكييف فشرة كبيرة يعنى

* ضعيف للغايه
* للفريون طرق سحريه فى التسرب
* دوره الهواء منعدمه "الى صمم مش عارف يعنى أيه دوره هوا"
* فتحات التكيف واطيه للغايه
* المروحه ضعيف على أعلى درجاتها
* الفتحات الجانبيه تقريبا مسدوده...ملهاش لازمه...منظر...متفهمش يعنى بتطلع نفس كدا مش هوا :)

كفايه كده الضرب فى الميت حرام :)

[D.Tarek]

واحد صاحبي عنده دوجان 1600 والتكييف عنده تلاجه
هو كان وحش بس ظبطه

[3ateef]

حضرتك يا دكتور بتفكر فى عربية عشان لما تنزل مصر بأذن الله ؟؟؟!!

[د.محمود صلاح]

إن شاء الله والخيارات متعددة في نظري وكل اسبوع أرسى على واحدة من كلام الناس في المنتدى وبعدين أصرف نظر عنها أيضاً من كلام الناس في المنتدى !