فكرة معرفش صح ولا غلط

[caniashna]

بسم الله الرحمن الرحيم

احلى تحية لاحلى منتدى واحلى شباب.
الفكرة دى عن 128
عندى عربية128 الحمدلله مريحانى ومصارفها على قدى وقد مرتبى
كان عندى جولف 1 موديل 77 اة العربية عفية ومتينة واتعلمت عليها وبهدلتها معايا
بس كانت وخدا المرتب بتاعى كلة مصاريف عليها المهم بعتها وجبت 128
الفكرة هى
شركة النصر هى الى بتصنع 128 هل من الممكن الشركة تغير شوية فى الشكل
وتحسن العيوب اللى فى 128 زى سلك الدبرياش وتخليها على شاسية وباور تكيف تخليها من غير شداد تغير شوية من شكل التابلوة تركب ازاز كهربه سنتر حجات سهلة ممكن تتعمل يعنى
مش حنخترعوها ونغير الاسم ولا ترخيص ولا وجع دماغ وتبى عربية رخيصة وشغل للبطالة وفيدة للبلد كلها وفى اعتقادى احسن من الصينى اللى عاوز سيدان اللى عايز هتش باك
كة يعنى
ولا انا مش عايش معاكوا ولا اية!!!!!!
واسف على كتر الكلام
دمتم بخير

[bembodeniro]

صباح الفل
شركه النصر حكومتك الموقره صفيتها ليه معرفش ولصالح مين برضه معرفش بس اكيد فى واحده من كبار رجال دولتنا الشرفاء ليه مصلحه فى كده

[heshamzaky]

ازيك يا باشا الكلام جميل بس لو انت تفتكر لما ال 128 الجديدة نزلت من كام سنة كانت ب 38 او 40000 جنية مكانش الاقبال عليها جامد والناس اتجهت الى الكورى وبعدين فيات لما كانت بتنزل فى مصر عربيات كانت نسبيا فقيرة جدا وموديلات تعبانة لو ترجع بالزمن كان فية فيات باندا و شينكو تشينو محدش يعرفهم الناس فاكرة فيات يعنى 127 و 128 و 131 و 132 والسيات معلش احنا كدة الموجود حاليا من فيات زى البرافو واللينيا مش كل انسان يستحمل مصاريفهم

[caniashna]

انا فكرتى ان النصر تعمل العربية وتغير عليها يعنى تشيلها من السبعينات
ودخلها حتى فى2000 حتى وتغير اسمها وتبقى مصرى 100%
ويبى سعرها معقول
وبالنسبة ليا احسن من الصينى وانا عن نفسى بقول يجمعم العربيات القديمة
ويستفيدوا بالحديد بتعها واللى يخدوا منة العربية يدوة عربية من الجديدة ويدفع الباقى كاش او اقساط ويبى فية رواج للمنتج
ومين عالم ممكن العملية تكبر ويعملوا مديلات جديدة منافسة للحديث
شوف فية كام مالك فيات 128فى مصر
بدل ما الشركة حالها واقف
وياريت كل واحد يقول راية ونوصل لكلام معقول ونقدر نوصل الكلام دة لاى حد يقدر ينفذ الكلام
ولا احنا ملانش حق نتكلم مع الناس دول
ولا الشركة دى قطاع خاص وانا نايم
مع الشكر..

[yoko]

شركة النصر بطلت تصنع ال١٢٨ خلاص!!!!