سؤال عن الفيات باليو 1300cc

[bebo_bambino]

عايز اعرف الاوبشن بالضبط بالنسبه للموديل اللي في مصر.
و هل هي عربيه كويسه :?:
و كنت عايز شويه صور ليها من بره و من جوه :!:

[Abonora]

بالنسبة للاوبشن الافضل انك تعرفها من التوكيل او الموزعين المعتمدين والافضل كمان انك تروح وممكن تلاقي للعربية بورشور فيه كل مواصفاتها وكمالياتها

وديه ارقام وعناوين الوكيل وبعض الموزعين

الوكيل اوماتر omatra
الادارة 1 ميدان بن عفان الدقي - الجيزة
3374061/65

اوتو ميشو
29103464 - 4175717 الاسكندرية 5844003 - 5844004

المصرية = 19095

الكموني
3059099 - 3032420

نيو جولدن موتورز

3031561 - 3031730

[bebo_bambino]

يعني العربيه كويسه و لا فيها مشاكل
و او قارنتها بالهيونداي جيتز يبقي مين احسن بغض النظر عن الفئه السعريه.

[lord_n]

عن الفيات باليو 1300

السلام عليكم ورحمة الله وبركاته

الباليو 1300 مع واحد صاحبى من ثلاث شهور
انا كنت معاه ساعة ما اشتراه وعقدنا ندور على احسن سعر ليها لما وصلنا لسعر 69500 جنيه
العربية من الداخل تحفة .... شكل التابلوه والعدادات ولكن لا يوجد بها كاسيت ولكن كان فيها اربع سماعات وكان ده من وجهة نظر صاحبى ميزة لاننه كان يريد ان يركب كاسيت بايونير حديث بسى دى .
* سحب العربية ممتاز
* صوت الموتور عالى بعض الشىء فى السرعات العالية
* التكييف بتاعها ممتاز (عاوز اقول لك اننا بنشغله على السرعة الاولى وده مناسب جدا للاحساس ببروده وهو لا يؤثر على الموتور)
* بالنسبة للتوكيل فهو ممتاز ويوجد فى اخر شارع جسر السويس (اوماترا) فى الصيانه الاولى للعربية لم نجلس سوى لساعة واحده فقط غيرنا فيها الزيت والفلتر وتربيط العفشة.
* العربية عالية عن الارض ولكن العلو لايؤثر على ثباتها
* فى شاشة ديجيتال فى التابلوه تحتوى على كمبيوتر رحلات ودرجة الحرارة الدخلية والساعة.
* استهلاك البنزين معقول اعتقد فى حدود 6 لتر لكل 100
* احسن الوانها الكحلى والاسود (بتاعت صاحبى لونها اسود)

اتمنى اكون قد افدتك

نائل عبد الحميد

[Abonora]

بغض النظر عن السعر !!؟

طيب كاداء الجيتز ادائها رياضي اكتر
كاسعار قطع غيار وخدمة الوكيل الجيتز افضل
كسعر اعادة بيع الباليو تكسب

[lord_n]

بالنسبة لسعر الباليو اعتقد ان سعرها غالى بعض الشىء خصوصا ان الجيتز كاداء افضل وذلك يرجع لان محركها وهى1600 وحوالى 105 حصان بنفس السعر تقريبا
وهذا يفسر بعض الشىء انتشار الجيتز عن الفيات باليو

نائل عبد الحميد

[goodwave]

ليه مافكرتش في البوينتر1600 وسعرها في نفس الرانج 70000 الف

وشكرا

GOODWAVE

IF YOU HAVE NOT TRIED, YOU HAVE NOT LIVED

[mohamed el hussien]

اوعي تجيب بوينتر
الناس اللي معاهم البوينتر بيعيطوا

[Abonora]

وانا برضوا شايف ان البوينتر لم ترث من فولكس غير العلامة ده غير ان التوكيل سيء جدا

[Nader]

اوعي تجيب بوينتر
الناس اللي معاهم البوينتر بيعيطوا

اسعار قطع غيارها نار

[lord_n]

ارجوك ابعد عن البوينتر
قطع غيار نار
توكيل سىء

خليك فى الباليو 1300 او الجيتز

[bebo_bambino]

انا عجباني جدا الباليو 1300 اكتر من الجيتز و بالنسبه للموتور 1300 بالنسبالي افضل من 1600 علشان البنزين و غير كده انا الي سمعيه ان موتورها جامد بيعمل حوالي 85 حصان. و انا مستعد ادفع فيها 70000 بس المهم تكون عربيه كويسه.
فيريت تفيدوني برأيكم في العربيه كمميزات و عيوب.
:roll:

[hazem_khidr]

انا خايف اقولك هااتها هيا عربيه حلوه بس متهيالي موديلها خلاص قرب ينتهي(لو تاخد بالك تلاقي السيينا و الباليو و البترا كلهم عربيه واحده) فحايف ان يكون موديلها بينتهي و خصوصا ان بقالها كتير ما اتغيرتش

[Mina W]

انا لو منك كنت اخترت الجيتز لانها تقفيل كورى ، الباليو برازيلى، و كمان الجتيز واخده 4 نقط من 5 فى الeuroencap و اغلب الreveiws بتعتها كانت فى صالح العربية بجانب ان انا شايف ان صالون الجيتز احلى ، افضل حل روح شوف الاتنين فى اى معرض او فى التوكيل و قرر بنفسك ، لان فى الاخر ممكن يبقى فى ارتياح نفسى لعربية اكتر من التانية.

[MohabSaeed]

انا اصوت للباليو ... .. وطبعا مش عن تجربة شخصية ... بس انا ركبت الباليو فى التوكيل وركبت الجيتز فى التوكيل ... بأمانة مطلقة صالون الباليو الافضل فى فئة الهاتش باك .. وبأمانة ومن وجهة نظرى المتواضعة افضل من صالون الفابيا " بمراحل " بالرغم من فرق السعر الكبير .
بجد من اكتر مميزات الباليو الصالون .. شيك ومريح جدا ...

بالنسبة للموتور .. فهو من فئة محركات فيات الشهيرة " جدا " فاير " .. 1248 سىسى وبقدرة خرج 82 حصان .. وطبعا القوة الحصانية بالنسبة للسعة اللترية .. " فوق الممتازة "

فى النهاية الباليو ممتازة .. والجيتز جيدا جدا .. ودة تقديرى الشخصى للعربيتين ..

ملاحظة مهمة :- بالنسبة لموضوع ان الباليو تقفيل برازيلى ... على فكرة ان تقفيل مصنع فيات البرازيل ممتاز جدا جدا جدا .. غير كدة فيات فى البرازيل هية رقم واحد و بنسبة 28 % متفوقة على فولكس وجنرال موتور ...مكتسحة السوق البرازيلى " يعنى عاملة شغل جامد جدا فى البرازيل " فمتحطش ان التقفيل البرازيلى نقطة سيئة .. بالعكس دة احسن من التقفيل الكورة " وجهة نظر متواضعة تانية " ... وفى الاخر اهم حاجة تروح معرض سيارات وتركب الباليو وتركب الجيتز وتشوف حترتاح لانهى اكتر ..

والحكم لك وحدك فى النهاية .