شكل العجل الخلفى فى 128

[aboomar2010]

السلام عليكم اهل المنتدى الكرام
قمت بشراء سياره 128 من فتره قريبه ولاحظت انا العجل الخلفى مقوس للداخل شويه فهل ده طبيعى ولا فى مشكله فى السياره
سؤال تانى بعد اذنكم لما بدور العربيه الصبح لازم اقعد ادى بنزين شويه عشان ماتبطلش سمعت ان فى مفتاح شداد للهواء ارجو منكى توضيح مكانه وكيفية عمله
وجزاكم الله عنى خير الجزاء

[heshamzaky]

أزيك يا باشا بالنسبة لموضوع العجل دة مش مظبوط روح لواحد بتاع زوايا علشان يستعدلة والا حتلاقى الكاوتش يتأكل من الحروف الداخلية بالنسبة لموضوع شفاط البنزين هو طبعا مفيد فى حالة تدوير العربية صباحا فى الشتاء خاصة ولة فايدة اخرى عن تجربة لو لاقدر الله سلك البنزين انقطع منك ممكن تشد الشفاط وتمشى بالعربية على سرعة بطيئة وهى مقدار شدة السلك فى الكاربراتير للوصول الى الميكانيكى وتغير السلك المقطوع

[Khaled_Nowaihy]

العجل ممكن يكون مظبوط بس برضه بتاع الزوايا لازم يؤكد هذا الاحتمال
معظم ال 128 (وأنا منهم) بيقنطروا السوستة الخلفية ودى بتخلى شكله العجل شكلها مايل كده
ولما العربية بتحمل تلاقيهم معدولين
والله أعلم

[memononos]

انا السوسته عندى كانت قرفانى اخر قرف فى الدنيا لحد ما روحت لواحد بتاع سوست فى الخصوص ظبطهالى تمام الحمد لله
وبعدين خلى بالك من حاجه انا اول ما اشتريت العربيه السوسته كانت 3 ورقات وكانت منشفه العربيه جامد لدرجه انها كسرتلى الركب بتاعه القنطره لو عندك السوسته 3 ورقات خليها 2 علشان تحافط فى العربيه

[Eng_Mostafa_89]

الشفاط فى ال128 موجود بجوار الولاعة بتاعت العربية
بتشدة بيشتغل ولما خلاص حضرتك متحتجوش بتنزلة