التربو والحر

[aymoz]

امبارح حسيت فعلا الحر عامل عمايله مع العربية كنت مشغل التكيف و لوحدي في العربية و حسيت التربو كان زي مايكون بيهنج في أول السحبة يعني على 3000 rpm آجي أدوس ألاقي التربو فتح على آخره بس العربية بتاخد بتاع 3 ثواني علشان تبتدي تسحب زي العادي رحت قافل التكيف وفاتح الشباك لقيت التربو صوته شغال فعلا بس برضه العربية سحبتها تقيلة عن العادي
حد حصل معاه كده ولا أنا بس ؟؟ أنا مقدرتش أحكم اذا كان ده بسبب الحر أو لأ لأني منزلتش بيها انهارده

[yoko]

العربيه معايا زي الفل وروحت بيها حلوان إمبارح في عز الحر والدنيا تمام التكيف أثر على السحب حاجة بسيطة لكن عادي جرب تاني النهاردة وشوف

[MMamdouh]

الحر بطبيعتة بيخنق العربيات سواء كان فيها تربو او لا... يمكن يكون التاثير على العربيات التربو اكبر شوية

MMamdouh

[M.almaghraby]

انا عربيتي عادية مفيهاش تربو بس فعلا الجو دا صعب عالعربية اوي بالتكييف كمان

[aymoz]

ألف شكر يا جماعة أصل أنا بصراحة أول مرة انزل بالعربية في جو زي امبارح باقعد في بيتنا علشان أنا مش بستحمل الحر
بس واضح من كلامكم أنه عادي ان العربية تتقل في الحر ده ولو كده يبقى أمشي براحة في الحر مش هابقى أنا والجو عالعربية

[ayman2]

كان سحبها تقيل بسيط جدا وانا على التالت وبسرعه 30 وبحاول اكبس لأنى كنت مكسل انقل وارجع على التانى وبعدين تنطلق ده فقط اللى لاحظته فعلا وغير كده زى الفل

[yoko]

كان سحبها تقيل بسيط جدا وانا على التالت وبسرعه 30 وبحاول اكبس لأنى كنت مكسل انقل وارجع على التانى وبعدين تنطلق ده فقط اللى لاحظته فعلا وغير كده زى الفل

نفس الي حصل معايا لكن مش بالدرجة دي قوي وطبعا زي ما ممدوح باشا قال وده طبعا بسبب كثافة الهواء
لكن مش لدرجة إن العربيه تبقى مخنوقة

[wildesso]

انا العربية عملت معايا حاجة غريبة أوي
1- كنت في مصر الجديدة و كنت مروح الشيخ زايد (الحرارة كانت 44) التكييف كان شغال تحفة لغايت ميدان سفنكس
2- الدنيا كانت واقفة أوي و فجأة التكييف بقي يجيب هواء سخن
3- طفيته و بعد 15 دقيقة من الوقوف شغلته تاني و مفيش فايدة
4- طفيته و أول ما طلعت المحور شغلته إشتغل و سقع في ثواني
5- لمل وصلت تابيت المروحة فضلت شغالة ييجي 5 دقائق و بعدين بطلت
النهاردة التكييف ثلاجة و أنا مروح
أنا لسة مش فاهم اللي حصل امبارح!!!!

[yoko]

انا العربية عملت معايا حاجة غريبة أوي
1- كنت في مصر الجديدة و كنت مروح الشيخ زايد (الحرارة كانت 44) التكييف كان شغال تحفة لغايت ميدان سفنكس
2- الدنيا كانت واقفة أوي و فجأة التكييف بقي يجيب هواء سخن
3- طفيته و بعد 15 دقيقة من الوقوف شغلته تاني و مفيش فايدة
4- طفيته و أول ما طلعت المحور شغلته إشتغل و سقع في ثواني
5- لمل وصلت تابيت المروحة فضلت شغالة ييجي 5 دقائق و بعدين بطلت
النهاردة التكييف ثلاجة و أنا مروح
أنا لسة مش فاهم اللي حصل امبارح!!!!

روح التوكيل لإن كده ممكن يكون الكومبريسور بيعلق!!!
أما أنا بالنسبالي العكس وأنا في الزحمة التكيف أسقع!!!
يمكن عشان لما بطلع على طريق مفتوح دايما بجري وتسارع بفترى فالكومبريسور بيفصل عشان يديك التسارع

[wildesso]

كلمت التوكيل فالرد كان: روح محطة و خليهم يغسلوا سربنتينة التكيييف (العربية 16000 كم)
طبعا مش هعمل كدة (النهاردة كان زي الفل صبح و أخر اليوم)!!!!
ممكن اروحلهم التوكيل بس في الحالة دي لازم أكلمهم أحجز؟؟

[yoko]

كلمت التوكيل فالرد كان: روح محطة و خليهم يغسلوا سربنتينة التكيييف (العربية 16000 كم)
طبعا مش هعمل كدة (النهاردة كان زي الفل صبح و أخر اليوم)!!!!
ممكن اروحلهم التوكيل بس في الحالة دي لازم أكلمهم أحجز؟؟

وحضرتك سكتلهم بعد الرد ده!!!!
وتابع التكيف كده لو ظهرت تاني رحلهم التوكيل ولازم طبعا تحجز

[wildesso]

حاولت أكلم لؤي مردش عليا روحت مكلم واحد في المعرض بس شكله مش فاهم
النهاردة كانت عادية زي كل يوم و ماشي علي 160 (rpm 4) تقريبا
الواضح عشان امبارح كانت في الشمس طوووول اليوم!!!!!
بدور علي نمرة damasry

[yoko]

حاولت أكلم لؤي مردش عليا روحت مكلم واحد في المعرض بس شكله مش فاهم
النهاردة كانت عادية زي كل يوم و ماشي علي 160 (rpm 4) تقريبا
الواضح عشان امبارح كانت في الشمس طوووول اليوم!!!!!
بدور علي نمرة damasry

لؤي ساب التوكيل خلاص!!!
وهبعتلك نمرة دمصري على الخاص

[Medo.Malek]

انا العربية عملت معايا حاجة غريبة أوي
1- كنت في مصر الجديدة و كنت مروح الشيخ زايد (الحرارة كانت 44) التكييف كان شغال تحفة لغايت ميدان سفنكس
2- الدنيا كانت واقفة أوي و فجأة التكييف بقي يجيب هواء سخن
3- طفيته و بعد 15 دقيقة من الوقوف شغلته تاني و مفيش فايدة
4- طفيته و أول ما طلعت المحور شغلته إشتغل و سقع في ثواني
5- لمل وصلت تابيت المروحة فضلت شغالة ييجي 5 دقائق و بعدين بطلت
النهاردة التكييف ثلاجة و أنا مروح
أنا لسة مش فاهم اللي حصل امبارح!!!!

نفس اللى حصل معايا بس انا فضلت مشغله بتاع 5 دقايق كده و انا فاتح الازاز و بعدين قفلت الازاز لقيته رجع تانى يسقع !!!!!!!!!

[Ralliart]

طبيعي ان اداء العربيه يقل في الحر بسبب كثافة الهواء القليله وقلة نسبة الاكسوجين
ولو حد متابع توب جير كان في حلقه راحو بالعربيات لحته مرتفعه جداً وكان الاكسوجين قليل والعربيات كانت بتمشي بصعوبه لحد ما عطلت لان الموتور محتاج يتنفس زينا علشان يحرق بنزين كويس