حد يعرف جنوط فيات الاسبور بتتباع فين

[mikology]

مساء الخير يا رجاله
كنت عاوز اعرف منكم حد شاف جنوط اسبور لفيات بتتباع استيراد - زى الجراند او اللينيا او اى حاجة من الحديث ؟؟

[semsem_uno]

مفتكرش انك تلاقي اصلا
ممكن تلاقي بتاع تمبرا او لانشيا او اونو تربو او ريتمو

[mikology]

لا يا سمسم الفكره ان جنوط العربيات دى مش سبور يعنى كلاسيك قوى مش زى الحاجات الجديده
تانى حاجة كلهم 14 انش وانا عاوز اكبر - 15 او 16
الاقى فين الحل ؟

[Moe86]

أنا رحت الحرفيين و الوكالة كذا مرة و ما شوفتش جنوط فيات جديدة خالص

[semsem_uno]

و ممكن يجيب جنط مومو او جنط حلو و يحط لوجو فيات او ابارث

[mikology]

هو فين المومو الاستيراد ده - انا سمعت ان فى الحرفيين كتير بس لما روحت ماشفتش حد خالص - هو عند مين يا جماعه الحاجات دى
انا مش عاوز علامه فيات انا عاوز خامه الفيات - حاجة اصلى و قويه و بتعييش ولول مفيش يبقى مومو او او زد

[heshamzaky]

هو فين المومو الاستيراد ده - انا سمعت ان فى الحرفيين كتير بس لما روحت ماشفتش حد خالص - هو عند مين يا جماعه الحاجات دى
انا مش عاوز علامه فيات انا عاوز خامه الفيات - حاجة اصلى و قويه و بتعييش ولول مفيش يبقى مومو او او زد

ازيك يا باشا انا شفت طقم مومو ب 600 جنية فى عزبة شلبى مقاس 14 بس مش شكل جديد بس مومو

[mikology]

عند مين شوفته طيب و فى اشكال و مقاسات و لا كانت حته كده بس - وحالتها ايه بردو ؟

[heshamzaky]

عند مين شوفته طيب و فى اشكال و مقاسات و لا كانت حته كده بس - وحالتها ايه بردو ؟

أزيك يا باشا لك وحشة بص يا سيدى فاكر الراجل الى كتبت لك تيليفونة فى عزبة شلبى هو دة كان طقم 4 جنوط مقاس 14 يركبو فى التمبرا بس كانو مومو ايطالى يا باشا انا مركب طارة مومو اصلى فى ال 127 من 15سنة تقريبا وعارف الماركة دى من زمااااااان واخى كان عاوز يأخذهم لعربيتة بس هوة معاة اكسيل والجنوط بها مقاس 13 والشكل تقليدى نسبيا بس كان عندة الجنوط بتاعت التمبرا الاصلية فى الصورة الى رفعتها وعلى فكرة هى جنوط محترمة واوعى تجيب الصينى حا يتشرخو

[Moe86]

طب فى حد عنده مقاسات أكبر 15 و 16 ؟؟

[mikology]

يعنى مفيش غير الاوريجينال مممممممم يعنى علينا وعلى بورسعيد و الامر لله - حد بقى يعرف حاجة فى بورسعيد لاحسن اخوكم فى الهلاهوزا خالص

[heshamzaky]

طب فى حد عنده مقاسات أكبر 15 و 16 ؟؟

للأسف لا انا ما شوفتش وعلى فكرة هى الجنوط الاصلية بتاعت العربية بس الى عندهم بيفكوها مع الشغل الى جايلهم من برة وعلشان تبقى متأكد الجنط بيكون راكب فية ربع الكاوتش من الناحيتن علشان ميتجرحش و بتلاقى الكاوتش نوعيات غريبة عن الى عندنا فى مصر و لما تروح تركب الجنط والكاوتش بتاع الكاوتش بيفكهم و بيعرف على طول انهم استيراد مش خلع

[Mostafa_Sherif]

Try Alfa Romeo wheel rims, they are the same patern and got the size you want

[mikology]

try alfa romeo wheel rims, they are the same patern and got the size you want

ده اجيبه منين بالظبط ؟؟

[Moe86]

Try Alfa Romeo wheel rims, they are the same patern and got the size you want

If fait rims are hard to find , finding Alpha rims would be 100 times harder !