حد يعرف جنوط فيات الاسبور بتتباع فين

[mikology]

أزيك يا استاذ mikolgy عامل اية شفت المسامير يا باشا

معلش اتاخرت فى الرد
شوفتهم يا معلم و جارى التنفيذ من اول الشهر اللى جاى

تاعبك معايا انا عارف

[mikology]

من عند كرستين - الفا روميو - ورا مستشفي الجنزوري - الحلمية و عندهم محل في بورسعيد واقف فيه واحد اسمة اشرف
رقم التليفون :- 0122131528
أسأل على جنوط ألفا 155 أو 146

انا اتصلت بيهم دلوقتى و لاقيت عندهم جنوط لانشيا حديثه مقاسات 15 و 16 و 17 كمان
لك تحياتى

[heshamzaky]

شكرا يا هشام باشا على الشرح المفصل - مع انى لما اروح هاتعب لانى ماعرفش اروح الحلميه اصلا - ده انا ممكن اروح بورسعيد اسهلى :f_eyeb1[1]:

بص يا سيدى العنوان تفصيليا عارف ميدان قصر الطاهرة حا تلاقى مستشفى الجنزورى على ايدك اليمين و حا تدخل شارع طومان باى و سور قصر الطاهرة بالتالى سيكون على ايدك الشمال عدى اول شارع يمينك و ثانى شارع على ايدك اليمين هو دة الشارع على شمالك نهاية سور قصر الطاهرة و على يمينك الشارع المذكور و اسمة شارع الجامع على ناصيتة محل فكهانى و كوافير أدخل الشارع تانى عمارة على ايدك اليمين حا تلاقى المحل بس خلى بالك الشارع مكسر شوية و الارضية عايمة فى شوية مية بس مش على طول يعنى و المحل تنزل لة بسلمتين كدة و الاسعار أسأل انت و اقى قولى ....

[Moe86]

أنا متابع معاكو , و نفسى الجنوط يبقى شكلها حلو زى المومو كدة مش تبقى شكل الطاسات البلاستيك
على فكرة أنا مركب جنوط تايلاندى اللى فى التوقيع , بس مقاسهم 4x100 مش 98 و ال offset بتاعهم كبير شوية علشان كدة داخلين لجوة
دة غير انهم بيتعوجوا حاجة بسيطة قوى لو كلت مطب جامد
بس أنا نفسى فى حاجة أوريجنال و شكلها حلو

[mikology]

طب خلاص لو طلع الحاجات اللى عند كرستين حلوة ظبط و جيب من هناك - وانا هابقى اصور الحاجة كده كده

[Moe86]

ألف شكر ليك

[Moe86]

لسة مارحتش عنده ؟ و لا نسيت تصور الجنوط؟

[mikology]

لا لسه - على اول الشهر ان شاء الله

[mikology]

انا روحت المحل النهارده
للاسف مالقتش جنوط عدله
لاقيت ال 14 بتاع الانشيا متبهدل
وواحد تانى باين 15 او 16 نفس الشكل بس كان 3 قطع بس
وواحد تانى بقى كان جامد جدا جدا بس 5 مسامير للاسف
ع العموم هو هايجيب تانى كمان اسبوع كده - لما يتصل بيا هاقولكو

[Moe86]

ok, شكرا انك افتكرتنا
أنا نفسى أركب جنط أصلى نظيف بدل العك اللى بنعمله دة

[mikology]

العفو يا باشا انا فى الخدمه

[semsem_uno]

طب ما ربنا يكرمكم كده تسألولي بالمرة علي جنوط اونو تربو او تمبرا ال2000 سي سي :d :d

[mikology]

انا بعد ما خلصت من عند كرستين الفا روميو نزلت احمد سعيد
وشفت كذا محل - منهم محل بيبيع استيراد - عنده اشكال كتيييير جدا و حلوة جدا - بس مالقتش 15 لعربيتى غير 2 متبهدلين اخر تلا اربع حاجات - لو حد حابب يروح يتفرج و ياخد فكره - هو على الشمال لو انت جاى من عند البنزينه على اول الشارع - امشى على طول خليك باصص على شمالك هتلاقى واحد عارض جنوط كتيير و كلها استيراد - هو باين جدا يعنى و معتقدش انى شوفت غيره بيبيع استيراد

[Mostafa_Sherif]

في واحد صاحبي عايز يبيع جنوط ألفا روميو 14" بتوع 164 بتاعته
هما شكلهم زي الجنوط بتاعتي بس 14" مش 15"
ديه عربيتي و فيها الجنوط

[heshamzaky]

في واحد صاحبي عايز يبيع جنوط ألفا روميو 14" بتوع 164 بتاعته
هما شكلهم زي الجنوط بتاعتي بس 14" مش 15"
ديه عربيتي و فيها الجنوط

مبروك على العربية و معلش سؤال انت جبت التيبو دى بكام و عاملة معاك اية