اداء الدوالوجيك Dualogic Performance

[3dwizard]

مكتوب في المانيوال انه مش محبذ ابدا وضع الجير على n وانتا ماشي اصلا , انا بس بحب افهم تكنيك كل حاجه بتعامل معاها في حياتي , العربيه الحمد لله مش محتاجه الواحد يحاول يوفر معاها هي اصلا موفره خلقه و عشان كده بحطلها 95 (و طبعا محتاج اعرف خبرتك في الموضوع ده) , اه كمان بالمناسبه يمكن عشان ال 95 ده صوت الموتور مكانش واضح اوي في الفيديوهات,,, الله اعلم

[yoko]

مكتوب في المانيوال انه مش محبذ ابدا وضع الجير على n وانتا ماشي اصلا , انا بس بحب افهم تكنيك كل حاجه بتعامل معاها في حياتي , العربيه الحمد لله مش محتاجه الواحد يحاول يوفر معاها هي اصلا موفره خلقه و عشان كده بحطلها 95 (و طبعا محتاج اعرف خبرتك في الموضوع ده) , اه كمان بالمناسبه يمكن عشان ال 95 ده صوت الموتور مكانش واضح اوي في الفيديوهات,,, الله اعلم

انا بحط ٩٢ بس ال٩٥ بيهدي صوت الموتور جامد وبيحسن الإستهلاك بنسبة ٢٠٪ كحد أقصى وبتحسن السحب على ال٥ لكن قبل كده مش ملحوظ!!!
لكن معايا مينفعش لإني بفول كل ٣ أيام

[khalid_adel]

طب صحيح هو لو انا واقف بالعربيه بيبقى استهلاك البنزين كااااام ؟؟ لان العربيه بتقول زيرو او مش بتحسب استهلاك اصلا
وحته ان ازاي عدد لفات الموتور على 6000 لفه في الدقيقه استهلاكه اقل من 1000 مش فاهم دي الصراحه ياريت توضيح اكتر

[yoko]

طب صحيح هو لو انا واقف بالعربيه بيبقى استهلاك البنزين كااااام ؟؟ لان العربيه بتقول زيرو او مش بتحسب استهلاك اصلا
وحته ان ازاي عدد لفات الموتور على 6000 لفه في الدقيقه استهلاكه اقل من 1000 مش فاهم دي الصراحه ياريت توضيح اكتر

بيبقى إستهلاك السلانسيه (شيء لا يذكر) بس الإستهلاك بيتحسب كام لتر لكل ١٠٠ كم لكن إنت هتمشي لحد ال١٠٠كم إزاى وإنت واقف فا بيبقى ما لا نهايه بس الإستهلاك بيبقى قليل إلا لو مشغل التكيف!!!

أما إزاي حوار ال٦٠٠٠ وال١٠٠٠ إن إنت لما بتشيل رجلك من على البنزين العربيه بتقطع بنزين خالص بدام الموتور داير بسرعة العجل لكن مجرد ما تمور هتسحب بنزين بتاع السلانسيه

[3dwizard]

هتسحب بنزين بتاع السلانسيه

الكلام ده منطقي اوي ,,, الله يفتح عليك

[khalid_adel]

طب ابقى اكلمك احسن يا يوكو عشان لسه مش فاهم او مش واخد بالي من وجهة نظرك
بس خليها لما تخلص امتحانات احسن عشان متطلعش هم المذاكره عليا :)

[yoko]

طب ابقى اكلمك احسن يا يوكو عشان لسه مش فاهم او مش واخد بالي من وجهة نظرك
بس خليها لما تخلص امتحانات احسن عشان متطلعش هم المذاكره عليا :)

ماشي يا باشا وجربها عندك في المبريزا وشوف برده عشان تقتنع بكلامي

[Ghamrawy]

انا بحط ٩٢ بس ال٩٥ بيهدي صوت الموتور جامد وبيحسن الإستهلاك بنسبة ٢٠٪ كحد أقصى وبتحسن السحب على ال٥ لكن قبل كده مش ملحوظ!!!
لكن معايا مينفعش لإني بفول كل ٣ أيام :i_angr1[1]:

انا جربت الاتنين بصراحة و فيه فرق لصالح ال 95 فى الصوت فعلا
بس انا حاسس ان العربية تقيلة و مش بتسحب و مكلبشة فى الارض و لو عايزها تسحب يبقى لازم واحد كيك داون محترم و خد عند لغاية ال 4500 لفة او 5000 كمان و طبعا الصوت حدث و لا حرج
انا عندى حاجة مش مظبوطة ؟ صح ؟؟
مع العلم انى ماشى دلوقتى 790 كم بس
قولى ايه رايك

[yoko]

جيبها التوكيل هنا في جسر السويس لإن واضح إن فيه عندك مشكلة

[Ghamrawy]

جيبها التوكيل هنا في جسر السويس لإن واضح إن فيه عندك مشكلة

شكلى خلاص فعلا مش حاستنى ميعاد الصيانة بكره ان شاء الله حاحجز يوم الخميس اللى جاى على طول

بس هو انت عندك العربية متقفلة من تحت undertray ؟
يعنى الموتور كله متقفل من تحت ؟
انا شاكك ان السخونية عاملة عمايلها مع الموتور
ده انا باحط ايدى على الرفارف بلاقيها مولعة
حاجة عجيبة

[yoko]

شكلى خلاص فعلا مش حاستنى ميعاد الصيانة بكره ان شاء الله حاحجز يوم الخميس اللى جاى على طول

بس هو انت عندك العربية متقفلة من تحت undertray ؟
يعنى الموتور كله متقفل من تحت ؟
انا شاكك ان السخونية عاملة عمايلها مع الموتور
ده انا باحط ايدى على الرفارف بلاقيها مولعة
حاجة عجيبة

أيوه متقفلة كلها بس مفيش سخونة وعمر ما الكبوت بيبقى سخن لدرجة مولع!!

[CryptonX]

شكلى خلاص فعلا مش حاستنى ميعاد الصيانة بكره ان شاء الله حاحجز يوم الخميس اللى جاى على طول

بس هو انت عندك العربية متقفلة من تحت undertray ؟
يعنى الموتور كله متقفل من تحت ؟
انا شاكك ان السخونية عاملة عمايلها مع الموتور
ده انا باحط ايدى على الرفارف بلاقيها مولعة
حاجة عجيبة

معظم عربيات فيات الجديدة متقفلة من تحت حتي الباليو

العربية لما جبتها في الاول .. و كنا في الصيف و بقف جنب صحابي او حاجة .. الناس كانت تبتعد من حوالين العربية من كتر الحرارة .. من الرفارف و الكبوت ..

كنا بنقف نتدفى حوليها في الشتاء ..

بس دلوقتي قل الموضوع جامد معرفش من ايه ..

بس غربية اوي موضوع الكلبشة ده و انك محتاج تحرف !

لا يكونوا ادولك واحدة 77 حصان :)

[Ghamrawy]

الكابوت عمره ما حايسخن لانه متبطن من جوه
السخونية بتبقى من الرفارف من ناحية الكشافات لغاية الانوار الصغيرة بتاعة الاشارات اللى على الجنب

انا شاكك فى حاجتين
التربو مش مظبوط
البنزين مش كويس

[damasry]

الكابوت عمره ما حايسخن لانه متبطن من جوه
السخونية بتبقى من الرفارف من ناحية الكشافات لغاية الانوار الصغيرة بتاعة الاشارات اللى على الجنب

انا شاكك فى حاجتين
التربو مش مظبوط
البنزين مش كويس

اللى فى ايدك انك تغير البنزينة، جرب اى بنزينة تانية نضيفة

[wildesso]

الرفارف بتكون سخنة ساعات (أنا مرة كنت بجرى و لما روحت كانت الرفارف مولعة بس الكبت عادي)
أظن بنزينة التعاون اللى في صلاح سالم كويسة زي إمارات مصر الصحراوي
التفويلة عاملة تقريبا 535 كم لغاية ما اللمبة نورت + تكييف شغال طول الوقت
أظن غستهلاك كويس ولا إيه رأيكو؟؟؟
دامصري: كلمتك إمبارح كتير و مردتش عليا