تجربتى للبونتو كلاسيك 2008

[ahmedbasto]

اولا أحب اشكر دكتور محمد (moe) على سعة صدره وسماحه لى بتجربة العربية الرائعة بسم الله ماشاء ربنا يحفظها عربية جميلة جدا نبدا التجربة
مميزات العربية:
1_الباور ناعم جدا دة من غير سيتى بعد تشغيل السيتى نحس اننا بنلعب بلاس ستيشن مش سايقين عربية.
2_التكييف جميل جدا بس بيأثر على سحب العربية .
3_العربية مريحة جدا فى المطبات حبيت اخد مطب بسرعة علشان اشوف نعمومة العفشة ناعمة جدا رغم ان الدكتور محمد مركب جنط 16 .
4_فرامل العربية بسم الله ماشاء الله رائعة انا متعود على الفرامل عندى فى البولونيز لازم اكرك فرامل علشان تقف دى بسم الله ماشاء الله واحد باسبيرانزا كان بيرجع فانا دوست فرامل العربية وقفت فى مكانها.
5_الفتيس ناعم جدا ومفيش اى عض فى النقلات.
6_وضيعة القيادة فى العربية جميلة جدا الكرسى مش عالى ولا وطى الزجاج الامامى كبير .
السلبيات:
1_قطع الغيار غالية اووى فانوس امامى ب1300 جنيه حرام.
2_صاج العربية خفيف .
3.الدهان سهل يتجرح لو جربت تجرحه بايدك هيتجرح.
4_الموتور سحبه بيقل بنسبة 30 فى المائة مع التكييف .
بس كدة وفعلا العربية دى محترمة جدا وشكرا ليك يا دكتور محمد على سماحك لى بأجراء التجربة

[Moe86]

هاهاها, ماكنتش متصور انك هاتعمل تقرير , عموما أنا مبسوط انها عجبتك و ان شاء الله تجيب الجراند قريب
وضعية القيادة حلوة فعلا , تحس انك متحكم فى العربية , بس مساحة الرجل مش قد كدة
بالنسبة لقطع الغيار زى ما قلتلك الحل انك تجيب قطع تقليد بالنسبة للفوانيس و كدة , بالنسبة للحاجات المهمة (كبالن , مقص) فى محلات زى الكيلانى بيبعها بنص تمنها فى التوكيل
و الأحسن طبعا انك تأمن عليها

[fouady]

تقرير جميل وأنا بحبها من غير حاجة

[ahmedbasto]

هاهاها, ماكنتش متصور انك هاتعمل تقرير , عموما أنا مبسوط انها عجبتك و ان شاء الله تجيب الجراند قريب
وضعية القيادة حلوة فعلا , تحس انك متحكم فى العربية , بس مساحة الرجل مش قد كدة
بالنسبة لقطع الغيار زى ما قلتلك الحل انك تجيب قطع تقليد بالنسبة للفوانيس و كدة , بالنسبة للحاجات المهمة (كبالن , مقص) فى محلات زى الكيلانى بيبعها بنص تمنها فى التوكيل
و الأحسن طبعا انك تأمن عليها

اصل انا لما بسوق حاجة لاول مرة لازم اعمل تقرير عنها أية رايك انفع اعمل تقارير
انت كنت فى شارع النادى على عشرة شوفت بولونيز مفيمة اسود عند دهب قدام الرملاوى قعدت ازمرلك بس شكلك مخدتش بالك ولا كنت بتهرب من تنفيذ الصفقة مصيرك هتنفذها

[Moe86]

لأ ما خدش بالى خالص , لأنى أحيانا ببقى مشغل التكيف و الكاسيت بصوت عالى و منفض لكل حاجة
و بعدين يا عم أنا مش هقدر أدفعلك فرق البلونيز من البونتو , هايبقى كتير قوى على

[amrbakly]

انا بفكر جديا في العربية بس عندي حفنة من الأسئلة

العربية انا جربت اسوقها، و سوقتها فعلا بتاع مسافة 100 متر

العربية جرااااااااااااااية بطريقة غريبة يعني من ربع كبسة تلاقيها بتجمع بسرعة جدا و عليها فرامل قمة في القوة لدرجة توصل لمرحلة الرزالة يعني رغم انها مش إية بي إس

مجربتش فيها التكييف، و عايز اعرف تأثيرة عليها قوي ولا نص نص، يعني بإختصار في مطلع كوبري رزل وواقف زي مطلع اكتوبر من التحرير تحتاج تفصلة علشان العربية تبقي سلسة؟

و هل التكييف نفسة كويس و تحديدا في الشمس و الزحمة ولا بيتحول لمروحة ؟ و دة سؤال يخلينا نسأل برضة عن عزل العربية، علشان لو انت مركب تكييف مرسيدس إس كلاس علي عربية مش معزولة بيكون ملوش اي لزوم

كمان انا بحس ان العربية ضيقة من قدام لدرجة اني كنت حاسس ان التابلوة كابس علي نفسي، هل دة برضة حقيقي ولا أنا اللي كسلت ارجع الكرسي ؟؟؟؟ كمان انا محستش كدة في الجراند الصراحة يمكن الجراند انا حسيتها اوسع من ال 128 :dddd

أخيرا نفسي حد بقي يعمل تقرير مفصل بقي عن العربية العجيبة دية المثيرة للجدل دائما !

[ahmadmidop]

ياريت تقرير ويكون مصور من جوه

[د.محمود صلاح]

شكراً لنقل التجربة .. ممكن تضع المشاركة في قسم تجارب القيادة

[ahmedbasto]

لأ ما خدش بالى خالص , لأنى أحيانا ببقى مشغل التكيف و الكاسيت بصوت عالى و منفض لكل حاجة:f_eyeb1[1]:
و بعدين يا عم أنا مش هقدر أدفعلك فرق البلونيز من البونتو , هايبقى كتير قوى على

ولايهمك موضوع الفرق هعملك خصم 10الف جنية يبقى كدة مش هتدفع فرق اية رايك

[fouady]

انا بفكر جديا في العربية بس عندي حفنة من الأسئلة

العربية انا جربت اسوقها، و سوقتها فعلا بتاع مسافة 100 متر

العربية جرااااااااااااااية بطريقة غريبة يعني من ربع كبسة تلاقيها بتجمع بسرعة جدا و عليها فرامل قمة في القوة لدرجة توصل لمرحلة الرزالة يعني رغم انها مش إية بي إس

مجربتش فيها التكييف، و عايز اعرف تأثيرة عليها قوي ولا نص نص، يعني بإختصار في مطلع كوبري رزل وواقف زي مطلع اكتوبر من التحرير تحتاج تفصلة علشان العربية تبقي سلسة؟

و هل التكييف نفسة كويس و تحديدا في الشمس و الزحمة ولا بيتحول لمروحة ؟ و دة سؤال يخلينا نسأل برضة عن عزل العربية، علشان لو انت مركب تكييف مرسيدس إس كلاس علي عربية مش معزولة بيكون ملوش اي لزوم

كمان انا بحس ان العربية ضيقة من قدام لدرجة اني كنت حاسس ان التابلوة كابس علي نفسي، هل دة برضة حقيقي ولا أنا اللي كسلت ارجع الكرسي ؟؟؟؟ كمان انا محستش كدة في الجراند الصراحة يمكن الجراند انا حسيتها اوسع من ال 128 :dddd

أخيرا نفسي حد بقي يعمل تقرير مفصل بقي عن العربية العجيبة دية المثيرة للجدل دائما !

بوص أنا هكلمك على اللي كانت معايا مش عرف بقى الجديدة زيها ولا لأ أنا اللي معيا بونتو 2003 التكيف كان تأثيره عادي يعني سنة بنزين زيادة وال دنيا هتبقى عدي يعني وال تكييف كان مرضي جدا معايا بس هو يمكن لما بتكون مثلا درجة الحرارة overا وي وال عربية مركونة فـال شمس كانت بتخدلها حبة عبال ماتعمل حاجة فـأنا كنت الدور واشغلوه لحد متري كده و اركب وبال نسبة للمساحة جرب ترجع الكرسي وبتهيألي إن الجراند أكبر بس اعدت البونتو بجد من أحسن الاعدات لو ظبط الكرسي

[Moe86]

ياريت تقرير ويكون مصور من جوه

أنا كنت ناوى أعمل تقرير من زمان , بس بعد ما عملت حادثة بيها و بهدلتها ما بقاش ينفع أصورها من جوة مثلا و هية متوسجة و مكان الأيرباج مكسور و باين !

مجربتش فيها التكييف، و عايز اعرف تأثيرة عليها قوي ولا نص نص، يعني بإختصار في مطلع كوبري رزل وواقف زي مطلع اكتوبر من التحرير تحتاج تفصلة علشان العربية تبقي سلسة؟
و هل التكييف نفسة كويس و تحديدا في الشمس و الزحمة ولا بيتحول لمروحة ؟ و دة سؤال يخلينا نسأل برضة عن عزل العربية، علشان لو انت مركب تكييف مرسيدس إس كلاس علي عربية مش معزولة بيكون ملوش اي لزوم
كمان انا بحس ان العربية ضيقة من قدام لدرجة اني كنت حاسس ان التابلوة كابس علي نفسي، هل دة برضة حقيقي ولا أنا اللي كسلت ارجع الكرسي ؟؟؟؟ كمان انا محستش كدة في الجراند الصراحة يمكن الجراند انا حسيتها اوسع من ال 128

العزل كويس , طبعا مش زى المرسيدس ! بس مرضى جدا
التكيف بقى غريب جدا , ساعات بيبقى حلو قوى تلاجة و ساعات لما العربية تبقى مركونة فى الشمس فترة طويلة بيتحول لمروحة

ولايهمك موضوع الفرق هعملك خصم 10الف جنية يبقى كدة مش هتدفع فرق اية رايك

بس كدة ! دى فرصة ما تتعوضش ! طب ما تعملنا تقرير عن البولو...نيز كمان ؟

بوص أنا هكلمك على اللي كانت معايا مش عرف بقى الجديدة زيها ولا لأ أنا اللي معيا بونتو 2003 التكيف كان تأثيره عادي يعني سنة بنزين زيادة وال دنيا هتبقى عدي يعني وال تكييف كان مرضي جدا معايا بس هو يمكن لما بتكون مثلا درجة الحرارة overا وي وال عربية مركونة فـال شمس كانت بتخدلها حبة عبال ماتعمل حاجة فـأنا كنت الدور واشغلوه لحد متري كده و اركب وبال نسبة للمساحة جرب ترجع الكرسي وبتهيألي إن الجراند أكبر بس اعدت البونتو بجد من أحسن الاعدات لو ظبط الكرسي

الله ينور عليك

[ahmedbasto]

بس كدة ! دى فرصة ما تتعوضش ! طب ما تعملنا تقرير عن البولو...نيز كمان ؟

ان شاء الله هخلص امتحانات هنزل التقرير فى المنتدى بس المشكلة الفاميه اللى فى العربية وفيها شوية خبطات كدة بس مش مهم برضو معادنا مع التقرير يوم الجمعة الموافق28/5 واوعدكم بتقرير ينال اعجابكم ان شاء الله ويارب ان شاء الله تعجبكنم العربية