إعـــــــلان

Collapse

.

,
See more
See less

ايه رايك فى عربيتى

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    ايه رايك فى عربيتى

    السلام عليكم ورحمه الله وبركاته
    والله يا جماعه انا عندى فكرة لموضوع ويا رب ما يكونش قديم
    والموضوع ببساطه ان كل واجد يصور عربيته من جميع الاتجاهات بحد اقصى مثلا 8 صور
    ويرفع الصور دى على الموضوع ونفضل مثلا 2 : 5 يوم نتكلم مع بعض عن راينا فى العربيه وكمان نقول اقتراحتنا لصاحب العربيه عشان عربيته تبقى اجمل عربيه
    وكمان مع الاقتراحات نديله وسائل مساعده
    يعنى مثلا انت محتاج تغير الكشاف الامامى الشمال وده هتلاقيه فى الحته الفلانيه بالسعر الفلانى
    او مثلا انت محتاج تغير الفرش وممكن تروح معرض كذا
    المهم ان صاحب العربيه هيرد علينا لمده يومين او حسب ما نتفق وكمان يطلب مساعدته فى ما يريد لتكون عربيته افى اجمل صورة
    وانا اتمنى ان اول واحد يعرض عربيته يكون هشام لانه غاوى تصوير واعتقد انه هيدينا افكار كويسه عشان نعرف احنا ممكن نعرض عربياتنا ازاى
    وبعد ما العرض بتاع هشام يخلص هنكون مع بعض كونا فكره كويسه عن طريقه العرض وكمان كل واحد يكون حجز الميعاد اللى هيرفع فيه صور عربيته
    ينى الميعاد اللى بعد هشام مثلا هيكون يوم 30 واللى بعده يوم 5 وهكذا
    ولو الموضوع نجح احنا ممكن نقسمه فئات عشان يكون فى تركيز
    انا قلت الفكرة ويارب ما تكونش اتعملت قبل كده
    وانا فى انتظار ارائكم و اقتراحاتكم فى الموضوع
    وانا باعرض ان هشام يعرض عربيته يوم 25-5-2010
    ومن اليوم وحتى يوم 25-5-2010 ميعاد عرض عربيه هشام
    ممكن نتناقش فى اسلوب العرض ونحط لنفسنا قواعد للموضوع عشان ننظم نفسنا
    وكمان نتعلم رفع الصور وكل واحد يفكر كويس هو عاوز يعمل ايه فى عربيته
    واتمنى ان يعم النفع علينا جميعا
    [CENTER]أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ[/CENTER]
    [SIGPIC][/SIGPIC]
    الكلمات الدلالية (Tags): ايه, رايك, عربيتى
  • #2
    موضوع لذيذ و كمان لو حد شاف عربية التاني قبل كده يقولو بردو
    و ده لينك البوم كل صور حبيبي و معشوقتي و صاحبتي و كل حاجة ليا الأونو ههههههههههههههههه
    Esmail Semsems Fotos - ThE LoVeLy Fiat Uno :) | Facebook
    FIATIAN INSIDE...

    Comment

    • #3
      موافق يا عدول بك انت يا باشا اى حاجة تقولها تبقى اوامر و علشان يرفع الصور ادخل على النت و اكتب الرابط الى حقولك علية و احفظة فى ال favorites على الكمبيوتلر علشان يبقى سهل و ما تنساهوش الرابط هو ImageShack® - Online Media Hosting و بعد كدة دوس على كلمة brows و اختار الصور من الكمبيوتر عندك و بعدين دوس على كلمة upload سيبدأ الكمبيوتر فى رفع الصور و بعد ما يخلص اعمل كوبى على العنوان الى مكتوب فى الشاشة على الكمبيوتر ال address و لما تكتب موضوعل على المنتدى عادى اعمل كليك يمين و اختار past حتلاقى العنوان اتكتب مع موضوعك و بعدين اضغط عادى على كلمة أضف الرد السريع و لو وقفت قولى احاول اشرحها مرة اخرى

      Comment

      • #4
        الصور دى الى موجودة حاليا ممكن احطها و لما اصور تانى بالصباح ارفعهم و يا ريت الكل يشارك بعد اذن السيد عادل بك فى اى وقت و عايز اشوف عربيتك يا عادل باشا و اشوف صورتك انت يا مدوخنى معاك ImageShack Album - 8 images

        Comment

        • #5
          شكرا ياسمسم

          المشاركة الأصلية كتبت بواسطة semsem_uno مشاهدة المشاركة
          موضوع لذيذ و كمان لو حد شاف عربية التاني قبل كده يقولو بردو
          و ده لينك البوم كل صور حبيبي و معشوقتي و صاحبتي و كل حاجة ليا الأونو ههههههههههههههههه
          esmail semsems fotos - the lovely fiat uno :) | facebook
          السلام عليكم
          ازيك يا استاذ سمسم
          ربنا يكرمك وشكرا لذوقك
          بس ا انا مش عاوزك تدينا رابط انا عاوزك
          تنزل الصور فى الموضوع وتسينا نقولك راينا
          وطبعا ده يكون بعد الميعاد اللى اتفقنا عليه مع ا/ هشام
          يعنى هشام يكون يوم 25-5-2010
          وانت 30-5-2010
          ويا ريت نتفق اتجاهات الصور تكون عامله ازاى يعنى مثلا صورة للشنطه وصوره للعربيه من الامام وصورة من الجانب الايمن والايسر وصورة للتابلوة يبقى كده خمس صور اساسيه ويتبقى 3 صور دول نسيبهم لابداع صاحي العربيه يمكن يكون فى جزء جميل فى العربيه عاوز يوريه لنا
          او يكون جزء فيه عيب عاوز يتصرف فيه وعاوز راينا يعنى حاجه زى كده
          وانا نفسى كل المنتدى يدخل الموضوع ويحجز دورة عشان نتفرج على العربيات
          وانا نفسى زلبانى وجاليليو وعبد المسيح والدكتور وكل حبايبنا يعرضوا عربياتهم
          كده الموضوع محجوز لحد يوم 30
          الميعاد اللى جاى هيكون يوم 5-6-2010
          وانا فى انتظار ارائكم واقتراحاتكم
          وشكرا
          [CENTER]أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ[/CENTER]
          [SIGPIC][/SIGPIC]

          Comment

          • #6
            شد حيلك يا هش

            المشاركة الأصلية كتبت بواسطة heshamzaky مشاهدة المشاركة
            الصور دى الى موجودة حاليا ممكن احطها و لما اصور تانى بالصباح ارفعهم و يا ريت الكل يشارك بعد اذن السيد عادل بك فى اى وقت و عايز اشوف عربيتك يا عادل باشا و اشوف صورتك انت يا مدوخنى معاك imageshack album - 8 images
            السلام عليكم
            ازيك يا حبيب قلبى
            على فكرة انت صاحب الموضوع ده
            يعنى مفروض انك تشيل الليله وتابع الناس
            عشان انا ما بدخلش كثير
            ومن خلال الموضوعات الناس هتعرف لو حب يعمل التغيير الفلانى هتبقى عربيته شكلها ايه لانه هيشوف التغيير فعلا فى عربيه اخوة اللى اتعرضت فى الموضوع وكمان فى حاجه الموضوع مش بس صور عربيات الموضوع هو انك بتعرض رؤيتك لعربيتك
            وتصورك للتغيرات اللى انت عاوز تعملها فيها
            اما موضوع الصور ده انا شايف ان احسنلك ما تشوفش صورتى
            عموما انا هبعتهالك وانت حر على الكوابيس اللى هتجيلك باليل وانت نايم
            [CENTER]أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ[/CENTER]
            [SIGPIC][/SIGPIC]

            Comment

            • #7
              صباح الفل انا لاجظت ان معظم اوقات دخولك على المنتدى بيبقى صباحا و اهوة ان اجازة النهاردة اما بالنسبة للصورة انت قصدك انهى واحدة

              Comment

              • #8
                المشاركة الأصلية كتبت بواسطة heshamzaky مشاهدة المشاركة
                صباح الفل انا لاجظت ان معظم اوقات دخولك على المنتدى بيبقى صباحا و اهوة ان اجازة النهاردة اما بالنسبة للصورة انت قصدك انهى واحدة
                السلام عليكم
                انا فعلا بادخل تقريبا مرة صباحا ومرة ثانيه حوالى الساعه 12 او 1
                واحيانا لو عندى ضغط شغل ما بدخلش خالص
                انا ان شاء الله بس اطلع من شبرا الخيمه مرة واصورلك العربيه فى مكان كويس وابعتلك الصور تشوفها
                وتقولى ايه التعديلات اللى ممكن تتعمل
                اه على فكرة ايه العدادات اللى فى القائم بجوار السائق دى اللى فى الصور اللى انت رافعها
                بتاعت ايه
                شكرا
                [CENTER]أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ[/CENTER]
                [SIGPIC][/SIGPIC]

                Comment

                • #9
                  بص يا باشا العدادات دى عبارة عن عداد ار بى ام و عداد زيت و عداد حرارة المياة بس دول الديجيتال دول شغالين مش زينة فقط

                  Comment

                  • #10
                    المشاركة الأصلية كتبت بواسطة heshamzaky مشاهدة المشاركة
                    بص يا باشا العدادات دى عبارة عن عداد ار بى ام و عداد زيت و عداد حرارة المياة بس دول الديجيتال دول شغالين مش زينة فقط
                    السلام عليكم
                    ما شاء الله دول شكلهم جميل جدا
                    ودول انت ركبتهم ازاى
                    وجبتهم منين
                    وتكلفتهم الاجماليه كام
                    [CENTER]أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ[/CENTER]
                    [SIGPIC][/SIGPIC]

                    Comment

                    • #11
                      المشاركة الأصلية كتبت بواسطة adelco مشاهدة المشاركة
                      السلام عليكم
                      ما شاء الله دول شكلهم جميل جدا
                      ودول انت ركبتهم ازاى
                      وجبتهم منين
                      وتكلفتهم الاجماليه كام
                      متفكرنيش كانو بكام عموما العدادات دى ب 340 جنية و دفعت 50 جنية حار ونالر وغضب الجبار للكهربائى لان التوصيل بتاعهم مقرف جدا لازم يفك التابلوة الجزء الخاص بالعدادات علشان يوصل ال rpm بدلا من اللعب فى لوحة الفيوزات الكبيرة الى عاملة زى الداهية و للمعلومية العدادات دى بيبقى معاها صباع للحرارة لازم تركبة فى كوعة المية لانة لو وصلت على الترموستات العادية العداد ح يخرف شوية و معاها ماكنة زيت وز دى علشان تركبها لازم خراط يعمل لها قلاوظ علشان تركب و على فكرة فى نفس شكل العدادات دى بس بتنور احمر او ازرق و دى بحوالة 180 جنية بس مش ديجيتال

                      Comment

                      • #12
                        يا سلام عليك يا سمسم

                        المشاركة الأصلية كتبت بواسطة semsem_uno مشاهدة المشاركة
                        موضوع لذيذ و كمان لو حد شاف عربية التاني قبل كده يقولو بردو
                        و ده لينك البوم كل صور حبيبي و معشوقتي و صاحبتي و كل حاجة ليا الأونو ههههههههههههههههه
                        esmail semsems fotos - the lovely fiat uno :) | facebook
                        السلام عليكم
                        ازيك يا سمسم
                        بصراحه طريقتك فى التصوير تحفه وعربيتك جميله جدا
                        بس انا رايى لو العربيه جنطت هتبقى تحفه
                        وكمان لو عرفت تدهن النصف السفلى من الاكصدام باللون الاحمر هيدى منظر جميل
                        زى العربيات التمبرا لان عربيتى اكصدامه متغير وانا ناوى ارش النصف السفلى بتاعه بنفس لون العربيه بيبقى جميل جدا
                        ومرة تانيه يا عينى على الابداع
                        وكمان انت عامل شغل فى الصور يعنى باين عليك محترف فوتو شوب
                        الله ينور عليك
                        بس هو فى حاجه بسيطه ممكن تعمل الصور زى هشام وتخليها تنزل فى الموضوع وما تبقاش لينك
                        ونحب نعرف انت ناوى تعمل ايه فى العربيه
                        وشكرا لبراعتك و مشاركتك
                        [CENTER]أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ[/CENTER]
                        [SIGPIC][/SIGPIC]

                        Comment

                        • #13
                          فكرة تحفه

                          المشاركة الأصلية كتبت بواسطة heshamzaky مشاهدة المشاركة
                          متفكرنيش كانو بكام عموما العدادات دى ب 340 جنية و دفعت 50 جنية حار ونالر وغضب الجبار للكهربائى لان التوصيل بتاعهم مقرف جدا لازم يفك التابلوة الجزء الخاص بالعدادات علشان يوصل ال rpm بدلا من اللعب فى لوحة الفيوزات الكبيرة الى عاملة زى الداهية و للمعلومية العدادات دى بيبقى معاها صباع للحرارة لازم تركبة فى كوعة المية لانة لو وصلت على الترموستات العادية العداد ح يخرف شوية و معاها ماكنة زيت وز دى علشان تركبها لازم خراط يعمل لها قلاوظ علشان تركب و على فكرة فى نفس شكل العدادات دى بس بتنور احمر او ازرق و دى بحوالة 180 جنية بس مش ديجيتال
                          السلام عليكم
                          بصراحه العدادات تحفه
                          ويستاهل المصاريف والتعب
                          وبالذات بعد ما حطيت الصورة فى الموضوع بدل اللينك وضحت اكثر
                          بص بقى يا باشا احنا عاوزين حضرتك تقول لنا انت ناوى تعمل ايه فى العربيه
                          وايه اللى عاوز تعمله ومش عارف يمكن حد يقدر يساعدك من الزملاء
                          وكمان اخر تغيير عملته وكلفك كام ومنين
                          وشكرا لمساهماتك اللى من غيرها المنتدى ما لوش طعم
                          [CENTER]أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ[/CENTER]
                          [SIGPIC][/SIGPIC]

                          Comment

                          • #14
                            ازيم يا عدول باشا عامل اية بص يا سيدى انا اولا بحب اضبط الاساسيات الى فى العربية و بعدين احلى بالكماليات الاساسيات عاوز اغير المساعدين الامامين بمساعدين مونرو و اغير المقصات بالمرة طالما فتحت بطن العفشة و بعد كدة الحمد للة مفيش حاجة ممكن اعملها فى الماليات غير انى ازود قوة الساوند سيستم بص حيران هل اركب gm و لا لآ كلة يبان حسب الميزانية المخصصة لو فية فائض

                            Comment

                            • #15
                              المشاركة الأصلية كتبت بواسطة adelco مشاهدة المشاركة
                              السلام عليكم
                              ازيك يا سمسم
                              بصراحه طريقتك فى التصوير تحفه وعربيتك جميله جدا
                              بس انا رايى لو العربيه جنطت هتبقى تحفه
                              وكمان لو عرفت تدهن النصف السفلى من الاكصدام باللون الاحمر هيدى منظر جميل
                              زى العربيات التمبرا لان عربيتى اكصدامه متغير وانا ناوى ارش النصف السفلى بتاعه بنفس لون العربيه بيبقى جميل جدا
                              ومرة تانيه يا عينى على الابداع
                              وكمان انت عامل شغل فى الصور يعنى باين عليك محترف فوتو شوب
                              الله ينور عليك
                              بس هو فى حاجه بسيطه ممكن تعمل الصور زى هشام وتخليها تنزل فى الموضوع وما تبقاش لينك
                              ونحب نعرف انت ناوى تعمل ايه فى العربيه
                              وشكرا لبراعتك و مشاركتك
                              يا باشا ربنا يخليك والله
                              و والله الفوتوشوب ده تافه جدااا فوق ما تتصور
                              بتجيب الصورة و تدوس place و تختار الصورة اللي هتركبها و تختار بقي عايزها مايلة و كده
                              و بالنسبة لجودة الصورة بعلي الbrightness و الcontrast علي حسب مزاجي
                              و انا بصراحة ده اللي ناوي اعملو ان شاء الله جنط تمبرا او اونو تربو + كاوتش عريض و اسبويلر الكبير اللي في نص الأزاز الخلفي او اللي بيبقي فوق الشنطة بتاع الهاتش باك و ان شاء الله في السمكرة و الدهان هدهن فعلا الجزء التحتاني
                              و انا فوجاتي فوجات شاهين بس هبقي افكهم و اجيب الأكصدام الكامل بتاع الأونو ام فوجات الأونو SX
                              بس كده
                              و ياريت تفاعل اكتر من باقي الأعضاء يا جماعة مش كلو مشاهدات كده و بس عيب يعني
                              و شكرا عالموضوع الجميل و الرد الرائع يا باشا :)
                              FIATIAN INSIDE...

                              Comment

                              السابق 1 2 3 4 template التالي
                              Working...
                              X