العجله الشمال اخرت

[adelco]

عادى يا باشا انا لبست بلاعه قبل كده وعملت زرجينه ومش بتاخد اكتر من نص ساعه وثمنها 40 جنيه تقريبا

السلام عليكم
الله يطمنك يارب يطلع الموضوع زى ما بتقول
وتكون بسيطه ان شاء الله
شكرا يا باشا على ردك

[heshamzaky]

ابقى طمنا و بخر العربية شكلك كدة حد مركز معاك من ساعة ما جبت العربية و عينة وحشة اللهم احفظنا

[adelco]

ابقى طمنا و بخر العربية شكلك كدة حد مركز معاك من ساعة ما جبت العربية و عينة وحشة اللهم احفظنا

السلام عليكم
والله يا هشام يا اخى انا ما اخبيش عليك قلقان
لكن ان شاء الله ربنا هايسترها
وحكايه البخور دى مش غاويها كله بامر الله
وان شاء الله ربنا يحفظنا انا وانت وجميع المنتدى

[yoko]

حمد لله على السلامة الأول
وروح للعقيد خالد وخد رأيه ولو المشكله في مقص يبقى جيب واحد جديد أضمن من الزرجينة

[heshamzaky]

يا جماعة انا بصراحة مستبعد ان المقص يكون حصل لة حاجة دا عامل زى الداهية شايل حمل العربية من الامام مش عارف ان شاء الله بسيطة روح لواحد يا عادل بتاع ظبط زوايا و هو ممكن يعمل الزرجينة عادى جدا

[yoko]

يا جماعة انا بصراحة مستبعد ان المقص يكون حصل لة حاجة دا عامل زى الداهية شايل حمل العربية من الامام مش عارف ان شاء الله بسيطة روح لواحد يا عادل بتاع ظبط زوايا و هو ممكن يعمل الزرجينة عادى جدا

أيوه بس المقص معمول للإجادات الرأسيه مش الأفقيه وممكن ينزل تحت العربيه ويبص على المقص أنا في الشيفروليه الي كانت معايا تنت المقص من حكه في الرصيف !!!! مش خبطة

[heshamzaky]

أيوه بس المقص معمول للإجادات الرأسيه مش الأفقيه وممكن ينزل تحت العربيه ويبص على المقص أنا في الشيفروليه الي كانت معايا تنت المقص من حكه في الرصيف !!!! مش خبطة

ازيك يا استاذ يوكو دى اول مشاركة بينى و بينك وفرصة علشان اقولك بطل جرى و شقاوة بال لينيا و يربنا يحرسها لك و الاستاذ عدولة ما تتخضش الصورة دى بس علشا تعرف المقصات راكبة ازاى و شكلها اية

[kayson]

يا جماعة المقص مالوش دعوة الى حصل ان الشاسيه فتح سم و نصف و ده عادى جدا فى الفيات فى مصر لان الطرق كلها مطبات و بلاعات و حقر واى عربية شاسيه علب يحصلها كده ماتقلقش يا استاذ انت هتعمل زرجينة هيحاول يعدل الشاسيه الم و نصف ده عادى جداااااااا و بعدين فيه اخ فى منتدى فيات معاه سينا عمل حادثة مع نيسان ياريت تشوف عربيته حصلها ايه هتحمد رينا و تيوس ايدك وش و ظهر انت هتعمل زرجينة و هتظيط زوايا بعديها هتلاقى الدنيا زى الفل و شكرا

[heshamzaky]

و الصورة دى العفشة كاملة دى بتاعت تيبو بس الفكرة واحدة

[heshamzaky]

و اخيرا المقص لوحدة

[yoko]

ازيك يا استاذ يوكو دى اول مشاركة بينى و بينك وفرصة علشان اقولك بطل جرى و شقاوة بال لينيا و يربنا يحرسها لك و الاستاذ عدولة ما تتخضش الصورة دى بس علشا تعرف المقصات راكبة ازاى و شكلها اية

الله يخليك يا باشا والحمد لله هديت شويه بس مش قوي لسة

يا جماعة المقص مالوش دعوة الى حصل ان الشاسيه فتح سم و نصف و ده عادى جدا فى الفيات فى مصر لان الطرق كلها مطبات و بلاعات و حقر واى عربية شاسيه علب يحصلها كده ماتقلقش يا استاذ انت هتعمل زرجينة هيحاول يعدل الشاسيه الم و نصف ده عادى جداااااااا و بعدين فيه اخ فى منتدى فيات معاه سينا عمل حادثة مع نيسان ياريت تشوف عربيته حصلها ايه هتحمد رينا و تيوس ايدك وش و ظهر انت هتعمل زرجينة و هتظيط زوايا بعديها هتلاقى الدنيا زى الفل و شكرا

الإحتمالين قائمين عشان كده قلتله يبص على المقص الأول سليم يبفى شاسيه مش سليم يبقى يتغير هو
ونصحته بالعقيد خالد عشان مجربة في ال١٢٨ الشاسيه كان مخاصم بعضة وعملوا حلو جدا!!!

[heshamzaky]

ازيك يا يوكو باشا بص انا عندى سوبر فيورا نظام التمبرا مختلف تماما و التمبرا ما شاء الله عربية قوية جدا جدا من ناحية الشاسية مليش دعوة يا عم بالموتور لتقولى تعال نشد و انت بالتربو هههههههههههه

230510
10:41pm
مشرف ١٨ب

[yoko]

ازيك يا يوكو باشا بص انا عندى سوبر فيورا نظام التمبرا مختلف تماما و التمبرا ما شاء اللة عربية قوية جدا جدا من ناحية الشاسية مليش دعوة يا عم بالموتور لتقولى تعال نشد و انت بالتربو هههههههههههه

ولا يهمك يا باشا ولأ مش هقولك أصلي من يومين لاقيت سيننا ١٦٠٠ بيشد قمت مزعلة ووقفني بعديها قالي عربيه تحفة ما شاء الله بس خلي بالك على نفسك منها
والفيات عموما شسيها حلو معادا ال١٢٨ وإخواتها!!!
وعشان خطري الله بتتكتب بال ه مش بال ة
يا ريت تعمل تقرير مشاركة عشان المشرف يصلحها

[heshamzaky]

معلش يعنى اية تقرير مشاركة بص اكيد مشرف القسم حيصلحا و يكسب ثواب لة و لينا معلش انا بجد ما كتبتش على الكى بورد عربى الا من ساعة المنتدى بس

[yoko]

دوش على عندك في المشاركة وأكتب لفظ جلاله