عندي كام سؤال لو سمحتم

[3dwizard]

بالنسبه للجراند بونتو


1:ده بقى من اهم الاسئله اللي نفسي حد يديني جواب شافي عنها وهو : زي اي عربيه محترمه و غير محترمه في الحقيقه في الدنيا فين اللوحه المعدنيه اللي المفروض بيبقى مكتوب عليها بيانات العربيه و تشمل
سنة الصنع (انا شاكك تكون اصلا 2010).
و كود الموديل .
و كود اللون .
و بلد الصنع (بردو انا شاكك تكون هندي تركي اماراتي مش ايطالي) اظن حقي ياجماعه اشوف مكان واحد في العربيه يكون مكتوب عليه Made in italia.
وكمان المقاسات المعتمده للجنوط اللي ممكن تركبها عليها.


2:هو وصلة ال AUX تخرجني من ضمان سيستم الصوت (بتتعمل في ادريان جامعة الدول ب 100 جنيه و بتظهر كلمة AUX على الشاشه).


3:و ايه نظام الزينون في موضوع الضمان.


4:و ايه نظام الباركينج سينسورز في موضوع الضمان.


5:الاقي فين احسن مسند (مخدع بلغة المحلات اللي دخت فيها على حاجه كويسه و ملاقيتش طبعا) معنديش مانع اجيب غالي لو حاجه جودتها كويسه مع العلم ان الاوريجينال من فيات ايطاليا بالتركيب تكلفتها حوالي
1600 جنيه بس ...وفيه منتدى ايطالي شفت سعرها فيه على ما افتكر 182 يورو.


6:بعد الغسيل الكشاف اليمين بيشبر هل ده كده فيه مشكله ولا ايه النظام .


يا اصحاب الخبره ياريت تجوبوني ربنا يباركلكو , و طبعا اسف على الاطاله.

[hobaz]

متابع........

[Ghamrawy]

1-لوحة المواصفات او البادج انا عندى فى ارضية شنطة العربية
و كل الجراند اللى فى مصر تجميع ايطالى لان فى الواقع العربية فيها حاجات من تركيا (الجنوط) و حاجات من المانيا ( الكمبيوتر و ممكن الكاوتش)
2-لو اللى بتتركب فى الكاسيت من ورا من غير اللعب فى ضفيرة الكاسيت و عمل بريدجات على كابلات الكاسيت او تقشيرها يبقى مش حاتخرج الكاسيت من الضمان
3-يخرج الضفيرة من الضمان اللى لو ركبتو عندهم و من نوع هما يختاروه
4-زى الزينون
5-انت زوقك عالى و فعلا اللمامة اللى بتتباع فى محلات الكماليات دى مقرفة و الحل انك تستورد واحد او تدفع ال 1600 ج
6-الكشاف كده يبقى فيه مشكلة و غالبا مشروخ شرخ صغير

[3dwizard]

شكرا على مروركم بس عايز استوضح حاجه واحده: الزينون اللي بيختاروه في التوكيل بنفسهم و طبعا بيركبوه بنفسهم معقول يخرج الضفيره من الضمان ولا انا فهمت غلط

[kono]

طب اخبار العربية مع حضرتك ايه ؟

[3dwizard]

والله يا غمراوي بك انا كنت نازل اتفق على ال armrest الاوريجينال ده وواحد صاحبي هو اللي خلاني اشوف اللي في السوق الاول , غالبا كده هخلي حد قريبي في هولاندا يجيبهم ,احسن حاجه ان هما 3 قطع بالسيريال بتطلبهم من اي فيات شوب في اوروبا.

و يارب بقى الكشاف ده يكون في الضمان

[damasry]

بالنسبه للجراند بونتو

يا اصحاب الخبره ياريت تجوبوني ربنا يباركلكو , و طبعا اسف على الاطاله.

1-لوحة المواصفات او البادج انا عندى فى ارضية شنطة العربية
و كل الجراند اللى فى مصر تجميع ايطالى لان فى الواقع العربية فيها حاجات من تركيا (الجنوط) و حاجات من المانيا ( الكمبيوتر و ممكن الكاوتش)
2-لو اللى بتتركب فى الكاسيت من ورا من غير اللعب فى ضفيرة الكاسيت و عمل بريدجات على كابلات الكاسيت او تقشيرها يبقى مش حاتخرج الكاسيت من الضمان
3-يخرج الضفيرة من الضمان اللى لو ركبتو عندهم و من نوع هما يختاروه
4-زى الزينون
5-انت زوقك عالى و فعلا اللمامة اللى بتتباع فى محلات الكماليات دى مقرفة و الحل انك تستورد واحد او تدفع ال 1600 ج
6-الكشاف كده يبقى فيه مشكلة و غالبا مشروخ شرخ صغير

محمد باشا ربنا يباركله، جاوبك وجابلك المفيد كله

[damasry]

شكرا على مروركم بس عايز استوضح حاجه واحده: الزينون اللي بيختاروه في التوكيل بنفسهم و طبعا بيركبوه بنفسهم معقول يخرج الضفيره من الضمان ولا انا فهمت غلط

لا طبعا لو الزينون هما اللى اختاروه مش بيخرج من الضمان ولا حاجة وهو بيكون ماركته Magneti Marelli

[damasry]

و يارب بقى الكشاف ده يكون في الضمان

ان شاء الله يكون فى الضمان بس انا عايزك تروح لهم على طول وبلاش تأخير عشان مش يجوا يقولولك كان لازم تثبته فى محضر الاستلام او يقوله انت اتأخرت اوى فى مطالبتك بتصليحه.

[3dwizard]

طب اخبار العربية مع حضرتك ايه ؟

كونو ازيك انت كنت قلقان من الاوتوماتيك صح؟؟ انا عملت فيديو عن اداء الدوالوجيك لازم تشوفه و تدرسه كويس , الحمد لله العربيه تمام لغاية دلوقت لسه معدتش 2000 كيلو بس الحمد لله تمام.

[3dwizard]

ان شاء الله يكون فى الضمان بس انا عايزك تروح لهم على طول وبلاش تأخير عشان مش يجوا يقولولك كان لازم تثبته فى محضر الاستلام او يقوله انت اتأخرت اوى فى مطالبتك بتصليحه.

علم يا فندم و ينفذ في اقرب وقت , والله شرفتني يا باشا بردك, انا استلمت 24 ابريل يا ترى لسه في امل و هل لازم اقفش عليهم من اولها ولا ايه ,طعا لازم احجز قبل ما روح جسر السويس.

[damasry]

علم يا فندم و ينفذ في اقرب وقت , والله شرفتني يا باشا بردك, انا استلمت 24 ابريل يا ترى لسه في امل و هل لازم اقفش عليهم من اولها ولا ايه ,طعا لازم احجز قبل ما روح جسر السويس.

الشرف ليا انا يا جميل والطبعا لازم تحز وباكد عليه روح على طول وبلاش تتأخر وخد الحكاية عادى من غير قفش لحد ما هما اللى يبتدوا القفش ساعتها اعمل اللى انت عايزه او اطلع على المهندس طارق جبريل قوله انك من نايل موتورز وهو ان شاء الله ها يحللك الموضوع

[kono]

كونو ازيك انت كنت قلقان من الاوتوماتيك صح؟؟ انا عملت فيديو عن اداء الدوالوجيك لازم تشوفه و تدرسه كويس , الحمد لله العربيه تمام لغاية دلوقت لسه معدتش 2000 كيلو بس الحمد لله تمام.

انا تمام الحمد لله .. اخبارك انت ايه ؟ ..انا شوفت الفيديوهات .. بس بصراحة انا قولت اشترى دماغى وحجزت المانيوال باكيدج 2 وحاليا لسه ماخر الاستلام لحد ما اشوف الايفو
ادعيلى بقى استقر

[3dwizard]

الشرف ليا انا يا جميل والطبعا لازم تحز وباكد عليه روح على طول وبلاش تتأخر وخد الحكاية عادى من غير قفش لحد ما هما اللى يبتدوا القفش ساعتها اعمل اللى انت عايزه او اطلع على المهندس طارق جبريب قوله انك من نايل موتورز وهو ان شاء الله ها يحللك الموضوع

ربنا يخليك للفيتاويا كلهم يا كبير.

[Ghamrawy]

والله يا غمراوي بك انا كنت نازل اتفق على ال armrest الاوريجينال ده وواحد صاحبي هو اللي خلاني اشوف اللي في السوق الاول , غالبا كده هخلي حد قريبي في هولاندا يجيبهم ,احسن حاجه ان هما 3 قطع بالسيريال بتطلبهم من اي فيات شوب في اوروبا.

و يارب بقى الكشاف ده يكون في الضمان

ان شاء الله الكشاف يكون فى الضمان و غالبا حاتلاقى السيليكون بتاعه مش طويس و مدخل مياه
و هات حاجاتك من اوروبا ارخص
انا ان شاء الله ناوى على كده برضه

محمد باشا ربنا يباركله، جاوبك وجابلك المفيد كله

الله يخليك يا باشا