اخر اخبار اوماترا مصر

[Ghamrawy]

يا جماع مركز اسكندرية مش فى العامرية خالص و لا على الطريق الصحراوى
ارض الصحراوى دى فى وراها تبة الدفاع الجوى و الموضوع واقف و اوماترا مش عارفة و لا حاتعرف تعمل اى حاجة فى الموضوع ده
المركز ان شاء الله حايكون على الطريق الزراعى فى اتجاه دمنهور بعد سموحة ب 10 دقايق تقريبا و الحفر ابتدى و حايكون جاهز كمان شهرين ان شاء الله

[yoko]

يا جماع مركز اسكندرية مش فى العامرية خالص و لا على الطريق الصحراوى
ارض الصحراوى دى فى وراها تبة الدفاع الجوى و الموضوع واقف و اوماترا مش عارفة و لا حاتعرف تعمل اى حاجة فى الموضوع ده
المركز ان شاء الله حايكون على الطريق الزراعى فى اتجاه دمنهور بعد سموحة ب 10 دقايق تقريبا و الحفر ابتدى و حايكون جاهز كمان شهرين ان شاء الله

يمكن أكون أنا الي مهيس وفهمت الزراعي إنه الصحراوي

[damasry]

يا جماع مركز اسكندرية مش فى العامرية خالص و لا على الطريق الصحراوى
ارض الصحراوى دى فى وراها تبة الدفاع الجوى و الموضوع واقف و اوماترا مش عارفة و لا حاتعرف تعمل اى حاجة فى الموضوع ده
المركز ان شاء الله حايكون على الطريق الزراعى فى اتجاه دمنهور بعد سموحة ب 10 دقايق تقريبا و الحفر ابتدى و حايكون جاهز كمان شهرين ان شاء الله

يمكن أكون أنا الي مهيس وفهمت الزراعي إنه الصحراوي

لا يا باشا مش مهيس ولا حاجة بس المهندس خالد هو اللى قال على الطريق الصحراوى

ويا محمد لو الكلام كده يبقى فعلا المركز بتاع الزراعى هو اللى ها يبتدى الاول

نفس الكلام على مركز العباسية، بتاع العباسية هو اللى ها يبتدى الاول وبعديه بتاع القطامية.

[yoko]

الحمد لله طلعت مركز

[mazennet2010]

مجهوووووووووووووووووود اكتر من رائع
بس دا حرام الجراند متنزلش تانى وصوصا ان الايفو 77 حصان بس

[yoko]

مجهوووووووووووووووووود اكتر من رائع
بس دا حرام الجراند متنزلش تانى وصوصا ان الايفو 77 حصان بس

أعتقد الجراند التربو هتفضل تنزل ده غير إحتمال تنزل الملتي إير

[macdiv]

مجهود اكثر من رااااائع يا شباب ..سايبين مذكرتكم و اشغالكم عشان الكل يستفيد ،،،، الله يباركلكم

[damasry]

مجهود اكثر من رااااائع يا شباب ..سايبين مذكرتكم و اشغالكم عشان الكل يستفيد ،،،، الله يباركلكم

انا مخلص دراسة من 5 سنين يا باشا، يوكو هو اللى الله يعينه

[yoko]

مجهود اكثر من رااااائع يا شباب ..سايبين مذكرتكم و اشغالكم عشان الكل يستفيد ،،،، الله يباركلكم

انا مخلص دراسة من 5 سنين يا باشا، يوكو هو اللى الله يعينه

إيه ده إنتوا كنتوا معايا وأنا بتهزق عشان سايب مذاكرتي!!!!

[macdiv]

انا مخلص دراسة من 5 سنين يا باشا، يوكو هو اللى الله يعينه

ياريس عارف ،،الكبير كبير انا برده قول المذاكره و الاشغال

إيه ده إنتوا كنتوا معايا وأنا بتهزق عشان سايب مذاكرتي!!!!

الجيران قالولنا

[damasry]

إيه ده إنتوا كنتوا معايا وأنا بتهزق عشان سايب مذاكرتي!!!!:pointiy2[2]:

يبنى الصوت كان واصلى هنا، ابقى خليهم يوطو صوتهم شوية، قولهم بلاش احراج ههههههه

ياريس عارف ،،الكبير كبير انا برده قول المذاكره و الاشغال

الجيران قالولنا :f_eyeb1[1]:

يا باشا كبير يه بقى، احنا لسه صغيرين اوى قدام عمالقة فيات هنا.

[تامر.محمد]

شكرا على المحهود
:)

[Ghamrawy]

لا يا باشا مش مهيس ولا حاجة بس المهندس خالد هو اللى قال على الطريق الصحراوى

ويا محمد لو الكلام كده يبقى فعلا المركز بتاع الزراعى هو اللى ها يبتدى الاول

.

ايه ده ؟؟ هو حايبقى فيه مركزين فى اسكندرية ؟؟
ممممم اعتقد ان المهندس خالد كان بيقول على الصحراوى كمركز صيانة للايفيكو و السيفا و النيوهولاند يعنى الحاجات التقيلة ..بس الارض عليها مشاكل
مركز الزراعى ده حايكون على مساحة 900 متر و اجمالى 1200 متر للمبانى و الارض الفضاء اللى حواليه و حايبقى للفيات بس و حايكون دور تحت الارض للسمكرة و الدهان و دور ارضى لمركز الصيانة و الدور التانى للادارة

فى حاجة كمان
المهندس خالد هو المسئول عن ادارة النقل الثقيل بتاع فيات
الاستاذ تادرس هو اللى مسئول عن الفيات بعد فصل ادارتها

[CryptonX]

العفو يا ريس وبصراحة انا احترمت التوكيل انه نزل الايفو بنفس سعر الجراند
ه

الايفو برة نفس سعر الجراند للفئات الاولي و اغلى حاجة بسيطة للفئات العالية برة .. فلو كانوا نزلوها اغلى كانوا يبقوا حرامية لا مؤاخذة :)
------------------------

الف شكر على الاخبار ..

بس بصراحة مش شايف اي حاجة مغرية ... بل بالعكس دي اخبار حزينة !

ال EVO سعرها كويس . و بقت احلى من الجراند فعلا ... بس نفس المحرك التعبان .. و الي حيجيب سيرة الحصان الكوري والحصان الايطالي حطخه ! :P

البرافو اول فئة ( ارخص واحدة ) طارت !

و اللينيا مفيش !

و الاونو مش نازلة !

و الجراند الكوبيه بقت 77 حصان !

يعني مش شايف اي خبر كويس من عندهم غير نزول الايفو !

وبعد ماالجراند عملت سوق وقطع غيارها ابتدت تنتشر برة التوكيل .. الشكل الجديد حلني بقى عقبال ماتلاقيله حاجة !

و مازلت مش شايف ادنى " لازمة " لل 500 !

باعوا كام منها ؟ 4 ؟ انا شفت مرة واحدة بيضاء من سنة .. و مرة واحدة زرقاء ! و الاتنين FOR SALE !

انا شايف انهم يوقفوا البونتو دي خالص و معاها ال 500

و يجيبوا الباندا .. تبدل البونتو كلاسيك و يحرقوا المحرك ابو 77 حصان ده خالص !

الناس كلها خدت فكرة زي الزفت على فكرة بسبب الموتور ده !

بوري ابويا اللينيا من كام يوم ( قبل الحادثة طبعا :P ) علشان كان بيقولي فيات مش بتعمل سيدان , لقيناها راكنة Tjet سوداء عند عمارات العبور ...

بيقولي اه حلوة او وشيك جدا ! بس كام حصان ؟ 20 ؟؟

طبعا بيتريق لاسباب واضحة !

كفاية بقى محركات تعبانة !

و تصدق بالله !
الحاجة الوحيدة الي انت عملتها بالموضوع ده , رغم كرهي الحالي لكل ماهو ايطالي ... هو انك دخلت الايفو في حساباتي تاني :) بس لو نزل منها Multiair .

[Ghamrawy]

يا باشا انت لو تعرف قصة ال 500 دى حاتستغرب جدا

طبعا انت عارف ان ال 500 فى اوروبا عاملة شغل جامد جدا و انتشارها كويس و فيات مخططة ان ال 500 تبقى العربية "الشعبية" ( الشعبية دى عندهم مش عندنا) الاولى على مستوى العالم بدليل انها انشات مصنع لتصنيع مكن المالتى اير ال 1400 سى سى فى ميتشجان فى امريكا و مصنع امريكا الجنوبية لتصنيع باقى العربية ...يعنى انتشار عالمى فعلا
نيجى بقى لقصتها فى مصر
اولا لغاية اول امبارح كان فيه فى الاستوك عربيتين 2008 زيرووووووووو من ال 500
ايطاليا تجبر (تفرض ) على الوكيل هنا فى مصر انه يعمل فروع هه و اخد بالك فرووووع مش فرع لل 500 بس
لوحدها و اعتقد ده حاصل فى الفرع اللى كان فيه لؤى الكنانى
بس العربية عندنا بكام ؟؟؟؟ تبدأ من 112000 لل 1200 سى سى لغاية 160000 اعتقد لل 1400 ال 100 حصان يعنى فكرها فى مصر مش نافع
مهما كان صعب انك تلاقى واحد يدفع المبلغ ده فى عربية بالشكل ده الا لو هاوى و غاوى
يعنى الغباء المرة دى هو غباء ايطالى بحت
و العربية دى اللى عايزها تيجيلوا بالطلب بس
نهاية قصة ال 500
نيجى بقى للموتور ال 77 حمار ده
انا معاك فى كل اللى انت قلته بالنسبة للموتور ده و افتكر ان انا قلت قبل كده ان انا على استعداد انى امشى حافى على اسفلت الساعة 2 الظهر فى شهر 8 على انى احط رجلى فى عربية فيها الموتور ده
موتور ذل ذل ذل
مع ان فيه موتور بنزين للجراند 90 حصان 16 صباب ليه مش بينزل ؟؟ الله اعلم

انا مش معاك فى حتة انهم يوقفوا البونتو خالص
البونتو دى عاملة زى اللبان فى محل حلويات فاخر ممكن فى اليوم ما يبعش قطعة حلويات بس يبيع 5 لبانات
هى بس محتاجة سعرها ينزل شوية لتحت و يبقى 65000 مقفولة و ده ممكن يحصل لما الصربى بتاعها ينزل

بالنسبة للجديد
الايفو حاتعمل برضوا شغل علشان التابلوه و الحاجات الحلوة اللى فيها و انت سيد من يعرف ان احنا شعب بيموت فى الحاجة اللى شكلها حلو و مش مهم الباقى

و نزول المالتى اير مش حايطول و حايعتمد على مدى تقبل الناس للشكل الجديد للجراند
و لو عايز جراند تربو قولى وانا احجزلك واحدة بس حاتكون لونها اسود

و كلها كام يوم و نشوف ايه اللى حايحصل فى المعرض و اتمنى انى اشوفك هناك