تكيييف شاهين 1400

[didooo1]

أرجو المساعدة

الأخ سبعاوي :
بسم الله ما شاء الله عليك ، أستاذ ومعلم ...
عندك خبرة جامدة بالسيارات وأسمك بشوفه في منتديات كتيرة معرفش هم واحد بس ولا تشابه أسماء
المهم أنا عندي شاهين 1400 موديل 99 مكيفة ، يقال انه ساندن أنا بصراحة معرفش تكييف الفابريقة نوعه ايه...
بقاله 7 سنين مغيرتلوش أي قطعة غيار بس عندي الهواء الداخل للصالون ضعيف والتبريد كويس من حيث درجة الحرارة
مش عارف ايه الحل ؟ هل فيه مروحة داخلية بتتغير مثلاً ؟
أنا روحت لواحد متخصص قالي أغيرلك الكويل ... بس الكلام ده بـ 1900 جنيه بالمصنعية وكله...
هل العملية دي تستحق ولا ممكن أعمل صيانة مثلاً ؟؟ هل تراكم تراب على أجزاء التكييف ممكن يؤثر في قوة الهواء الداخل للصالون ....
أكون شاكر يا أخ سبعاوي لو تكرمت بالإجابة ... أفيدني أفادك الله وبارك لك في علمك....

وياريت لو تشرح لنا طريقة عمل دورة التكييف في السيارة شاهين ومكوناته وأماكن وجوده بالسيارة...

[aif]

تجربتي مع تكييف الشاهين 1400

انا ركبت تكييف ساندن في الشاهين من 2002 وزي الفل ولما باشغل التكييف الحرارة بتنزل مش بتسخن و لم تحدث اي مشاكل به اواعطال او حتي صيانة
انا كنت مركبه في شركة اسمها ديافيا في كوبري القبة خلف بنزينة موبيل اللي بعد الششنجي بتاع الملابس العسكرية في شارع ابن سندر
هو طبعا ليس مثل التكييف الياباني بتاع الفبريكة لكنة جيد جدا
المشكلة اللي موجودة ان مخارج الهوا في الشاهين موجودة تحت يعني عند ركب الركاب السواق واللي جنبه ودي عبقرية من مصممين الشاهين لسة مصممين عليها لغاية دلوقت ومن غير اي سبب مع ان باقي السيارات فتحات المكيف عاليه والكاسيت واطي
المشكلة التانية ان مع تشغيل التكييف بالاحظ وجود بخار علي الزجاج الخلفي الداخلي للسيارة
وهو مش بخار ماء لكنة زي ما يكون مادة زيتية خفيفة جدا وبتؤدي الي عدم وضوح الرؤيا وان اي نور من السيارات اللي خلفي بيفرش في الزجاج الخلفي ويضايقني جدا وذهبت الي اكتر من متخصص قالوا ان ده مالوش علاقة بالمكيف لأن المكيف بيطلع برودة وهي لا تؤدي الي التبخير بل العكس هو الصحيح الحرارة هي التي تؤدي للتبخير يعني دة مش بخار بتاع زيت او ما شابهه
وطبعا لازم انضف الزجاج الداخلي باستمرار بفوطة مبلولة واعتقد ان دة بسبب ردائة الخامات المستخدمة في التابلوة الامامي والخلفي حيث يتصاعد منهم هذا البخار ( غير منظور )مع حرارة الجو والسيارة مغلقة وعندما تشغل المكيف يؤدي دفع الهواء الي تراكم هذا البخار علي الزجاج الداخلي للسيارة وخاصة الزجاج الخلفي
الخلاصة ان الملاحظات في السارة وليس في التكييف ومش عارف الوضع كما هو في الموديلات الجديدة والا لأ انا عربيتي 2001
دي تجربتي مع تكييف الشاهين وهي ناجحا باستثناء الملاحظتين دول

[adel_edrees]

بص ياسيدى الفاضل أنا ركبت التكييف عند مقار فى المعادى و هو ساندن و السربنتينة ساندن و لكن التكييف لكى يعمل بصورة جيدة لابد أن يكون أحكام أغلاق السيارة ممتاز يعنى من الأخر تشوف كاوتش الباب فيه حاجة تانية مهمة جدا و أعتقد أن دى فرقت معايا العربية الزجاج اللى فيها مش ملون و بالتالى يسمح بدخول الحرارة مش زى الأصلية اللى فيها تكييف الزجاج فيها ملون يمنع دخول الحرارة

[grgabra]

اشكركم بالنسبه لذلك الموضوع المفيد لى شخصياً ، ارجو من العضو adel_edrees ان يقول لى تكلفة تقريبية لسعر التكييف بالمصنعية وما إلى ذلك ، لو كده انت تنصح بأن اقوم بتركيبه عند مقار فى المعادى زيك ولا فى حاجه ماريحتكش معاهم ؟ مع الشكر

[adel_edrees]

أهم حاجة الأستمرارية و دول ناس بقالهم أكتر من 15 سنة فى المجال ده و بصراحة الناس دول تعاملهم ممتازو ناس كويسين و الكومبريسور اللى حيركب الموديل بتاعه 507 للسيارات اللى أكثر من 1300 cc

[grgabra]

استفسار للمهندس سبعاوى
انا ركبت التكييف عند ساندن فى منتصف شهر مارس ، لم استعمله كثيرا ، درجة البروده به كويسه لكن من يومين كنت طوال اليوم فى الشارع وكان الجو حر جدا ، التكييف كان شغال كأنه مروحه ، ما كنش عامل حاجه خالص طفيته وفتحت الزجاج ، سؤالى للبشمهندس هل ارجع للتوكيل هيعمله حاجه ، ولا هى دى امكانياته مع العلم طبعا ان عربيتي شاهين 98 فممكن تكون مفتحه وموضوع ان الزجاج الراكب مش عاكس للحرارة احتمال ليه تأثير برده

مع الشكر

[sab3aawy]

استفسار للمهندس سبعاوى
انا ركبت التكييف عند ساندن فى منتصف شهر مارس ، لم استعمله كثيرا ، درجة البروده به كويسه لكن من يومين كنت طوال اليوم فى الشارع وكان الجو حر جدا ، التكييف كان شغال كأنه مروحه ، ما كنش عامل حاجه خالص طفيته وفتحت الزجاج ، سؤالى للبشمهندس هل ارجع للتوكيل هيعمله حاجه ، ولا هى دى امكانياته مع العلم طبعا ان عربيتي شاهين 98 فممكن تكون مفتحه وموضوع ان الزجاج الراكب مش عاكس للحرارة احتمال ليه تأثير برده

مع الشكر

بص، اداء التكيييف له وسيلتين لقياسه، الأولى هى كمية الهواء والثانية حرارته، بالنسبة لكمية الهواء فهات ورقة كلينكس واقعد فى الكنبة الخلفية وامسكها امامك وتكون مشغل المروحة على الآخر ومشغل الكباس

لو الهواء خلى الورقة افقية يبقى كميته كويسة

بالنسبة لدرجة الحرارة فهات ترمومتر وحطه على مخرج التكييف بشرط تكون واقف فى الضل ومدور المحرك وخلى التكييف على 1(فيه ترمومترات بسيطة جدا بتتباع عند بتوع اكسسوار العربيات او ممكن تجيب ترمومتر من عند اى بتوع لوازم معامل اللى بيفتحوا امام كليات الطب او العلوم)

مفروض انه فى حالة التكييف شغال على 1 يكون درجة حرارة الهواء فى حدود 6 مئوية تقريبا بعد حوالى 5 دقائق من تشغيل التكييف

لو الشروط دى متحققة يبقى راجع تقفيل العربية وان الفتحة بين الموتور والصالون مسدودة ، الخ ، كما يمكن استعمال ستائر جانبية وخلفية لتحسين اداء التكييف

اما لو مش متحققة ، لو الهواء ضعيف يبقى اكشف على مروحة الكويل، وتأكد ان الكويل مش بيربى تلج ، ولو الهواء ساخن اكشف على دورة التكييف وراجع شحن الفريون،

[grgabra]

بشكرك على ردك واهتمامك وسوف انفذ ما قلته لى ، مع الشكر

[anase]

يا سادة لقد أبهرني بل أدهشني شرح الأستاذ سبعاوي فله عظيم الشكرز

[ymoniem]

السلام عليكم
نصيحه : - اذا انتهت سنه الضمان وعند وجود مشكله في التكييف بلاش التوكيل عشان بيشتغل الناس


انا ركبت التكييف في التوكيل بعد ما بدأت الموضوع ده . المهم ان التكيف بدأت فيه مشاكل بعد نهايه سنه الضمان بشهر و احد
1- و كان متوقف عن العمل و رحت توكيل ساندن اللي في المعادي المهم قال في تسريب و انها محتاجه شحن فريون و قال ان كان في لاكور مفكوك و ربطه وشحن و خد 90 جنيه
2- بعدها بيومين لاقيت التكييف ضعيف وا ضح انه لم يجد مكان التسريب فقال حكايه اللكور دا و بعدين قالي كمان الثرموستات بايظ و عايزين 80 جنيه فحسيت انها اشتغاله جبت الثرموستات ب 30 جنيه و غيرته بنفسي

هل حد عنده بتاع تكييف كويس غير التوكيل عشان يكشف ع التسريب

[sab3aawy]

هل حد عنده بتاع تكييف كويس غير التوكيل عشان يكشف ع التسريب

الجندى فى شارعه دمشق-مصر الجديدة امام محطة التعاون، واسأل عن الأسطى سيد افضل صنايعى عنده

[hythem82]

طيب إيه أخبار تكييف الريجاتا
التكييف الأصلي كويس وشغال ولا محتاج يتعدل فيه حاجات
ولا مافيهوش امل خالص ونعتبرها من غيرر تكييف مع الشكر

[fiaa06]

أنا عملت تكييف ساندن يابانى حكاية عند محمد سعيد المعادى بجوار شركة جابكو فعلا ناس محترةمة و محترفة رقم موبيل الورشة هو 0101584119

[fiaa06]

محمد سعيد بجوار شركة جابكو

[yassereid]

تكييف شاهين 1400

انا ركبت تكييف ساندن في الشاهين من 2002 وزي الفل ولما باشغل التكييف الحرارة بتنزل مش بتسخن و لم تحدث اي مشاكل به اواعطال او حتي صيانة
انا كنت مركبه في شركة اسمها ديافيا في كوبري القبة خلف بنزينة موبيل اللي بعد الششنجي بتاع الملابس العسكرية في شارع ابن سندر
هو طبعا ليس مثل التكييف الياباني بتاع الفبريكة لكنة جيد جدا
المشكلة اللي موجودة ان مخارج الهوا في الشاهين موجودة تحت يعني عند ركب الركاب السواق واللي جنبه ودي عبقرية من مصممين الشاهين لسة مصممين عليها لغاية دلوقت ومن غير اي سبب مع ان باقي السيارات فتحات المكيف عاليه والكاسيت واطي
المشكلة التانية ان مع تشغيل التكييف بالاحظ وجود بخار علي الزجاج الخلفي الداخلي للسيارة
وهو مش بخار ماء لكنة زي ما يكون مادة زيتية خفيفة جدا وبتؤدي الي عدم وضوح الرؤيا وان اي نور من السيارات اللي خلفي بيفرش في الزجاج الخلفي ويضايقني جدا وذهبت الي اكتر من متخصص قالوا ان ده مالوش علاقة بالمكيف لأن المكيف بيطلع برودة وهي لا تؤدي الي التبخير بل العكس هو الصحيح الحرارة هي التي تؤدي للتبخير يعني دة مش بخار بتاع زيت او ما شابهه
وطبعا لازم انضف الزجاج الداخلي باستمرار بفوطة مبلولة واعتقد ان دة بسبب ردائة الخامات المستخدمة في التابلوة الامامي والخلفي حيث يتصاعد منهم هذا البخار ( غير منظور )مع حرارة الجو والسيارة مغلقة وعندما تشغل المكيف يؤدي دفع الهواء الي تراكم هذا البخار علي الزجاج الداخلي للسيارة وخاصة الزجاج الخلفي
الخلاصة ان الملاحظات في السارة وليس في التكييف ومش عارف الوضع كما هو في الموديلات الجديدة والا لأ انا عربيتي 2001
دي تجربتي مع تكييف الشاهين وهي ناجحا باستثناء الملاحظتين دول

ياترى ماهو تليفون شركة ديافيا ؟ وهل فعلا التكييف يعمل بكفاءة عالية ؟ يعنى الجالس فى الكنبة الخلفية سيشعر به