تكيييف شاهين 1400

[michohat]

ممكن توضيح اكتر لكلمه قطع غير القطع العادية
وما هي القطع العادية اللي المفروض لعربيتك
متابع مع حضرتك الموضوع لبيان الفرق فى السعر
هل يمكن بما ان حضرتك عندهم تسأل لي علي امكانيه تزويد فتحه هواء للتكييف للكنبه الخلفيه واعتقد ان المكان المناسب هو بين الكرسيين فى نهايه الكنسولة

[macgiver30]

انا مش هناك
انا فالشغل وهروح استلم العربية باليل
بس انا عربيتى بوينتر 1000cc
المهندس سمير قالى هيركب كباس مشرشر !!
فالسعر زاد 300 جنيه

[michohat]

هل حضرتك الاجزاء كلها جديده ام توجد اجزاء مستعمله او استيراد

[macgiver30]

كلو جديد طبعا

[macgiver30]

انا ركبت التكييف
الحمد لله مش هينفع اشغلو خالص
عشان بيخلىالعربية تقطع وتبطل
فابتوع التكييف قالولى اغير طرمبة البنزين واسلك الانجكشن
الكلام ده صح وللا استعوض ربنا فال3100 جنيه والعربية
واللعب اللىاتعمل فالتبلوه

[michohat]

قبل ما تغير طرمبه البنزين اسئل ايه علاقه التكييف بالطرمبه و الطرمبه الحاليه عيبها ايه؟
وخد رأي الصنايعي المسئول عنها ( كهربائي او ميكانيكي ) ولو غيرتها والتكييف لسه بيخلي العربية بتقطع روح لبتوع التكييف تاني
المهم الموضوع ده مش ياخد منك وقت طويل علشان يبقي الموضوع لسه مش قدم

[michohat]

قبل ما تغير طرمبه البنزين اسئل ايه علاقه التكييف بالطرمبه و الطرمبه الحاليه عيبها ايه؟
وخد رأي الصنايعي المسئول عنها ( كهربائي او ميكانيكي ) ولو غيرتها والتكييف لسه بيخلي العربية بتقطع روح لبتوع التكييف تاني
المهم الموضوع ده مش ياخد منك وقت طويل علشان يبقي الموضوع لسه مش قدم

[macgiver30]

انا متشكر جدا للنصيحة
المفروض كانو يفهمونى كده فمركز ساندن
مش نظام عاوز تكييف اه عاوز
زى نظام عاوز ودنك دى.؟... لا..... يقطعها
عاوز التانية؟ تقولو اه عاوزها..... يقطعها برضو ويديهالك
مفيش كده صراحة ولا وضوح
يلبسوالواحد والمهم ادفع وخلاص
ربنا يكرم ان شاء الله

[michohat]

ممكن بس استفسار بالنسبة لموضوع التكييف
هل حضرتك رحت ليهم من غير اتفاق ولا كان فيه اتفاق وتربيط الاول وانك كلمتهم و قولت ليهم انك عاوز تركب و نوع عربيتك كذا و هياخد وقت قد ايه و بكام وباقي التفاصيل

عاوز اوصل لفرق القيمه حصل اثناء التركيب ولا تم معاينه السيارة قبل التركيب وذكر لك القيمه

[macgiver30]

منغير معاينة
عرف النوع بس
مع انىفالمرة الولى فالتليفون فى مرحلة التربيط قالى 2800
ولما رحت بالعربية قالى العربية ليها حجات خاصة والحركات دى
المهم انا مشكلتى دلوقتى فالعكة بتاعة طرمبة البنزين
وياترا العربية هترجع عربية تانى
لانهم ركبو مروحة زيادة للرادياتير وبقى صوت التبرييد عاااااااااااااااااااالىىىى
فضيحة

[michohat]

مستنين اراء الخبراء بالنسبة لموضوع علاقة طرمبه البنزين و تقطيع العربية والتكييف

[macgiver30]

كل سنة وحضرتك طيب

[michohat]

وحضرتك بافضل صحه واسعد حال

[michohat]

حضرتك ركبت فى الفرع ده ولا ايه

http://www.nilemotors.net/Nile/299452-a.html

[macgiver30]

هو فعلا المكان
دنا بقى لقيت الاشارة اليمين مش شغالة خلتهم يشغلوها
ولاقيت تنقيط مية جوة الكبينة من التكييف اللى مش هيشتغل
وصوت العربية عالى
ومش عازلين الكبينة حاسس انى واخد الموتور على حجرى
ده كووم والتبلووه كوم بقى زرار الانتظار حطوه فىاقصى اليمين
وجابو طبة من ضمن الزراير الفاضية حطوها مكانو
والتابلو متكسر منو حتت ويقولولى عشان الشمس
والدركسيون عوجينو مش متسنتر كده وعلامة العربية مظبوطة
والمروحة اللى ركبوها عالرادياتير مش مطبعة كده معاه ال معووجة
سألت المهندس سمير قالى دا هى المفروض تبقى كده
اللهم لك الحمد
انا عملت ايه وحش فى مين مش فاااااااكر