السفر بالتمبرا و الدروس المستفاده

[Bonanza]

بسم الله الرحمن الرحيم

الحمد لله رجعت من رحلة سفر بسيطة مسافتها حوالي 500 كيلو متر رايح و زيهم راجع يعني 1000 كيلومتر

طبعا زي ما انتم عارفين انا غيرت شوية حاجات قبل السفر ( شكمان كامل - رادياتير جديد برازيلي - جوز طنابير امامي - جوز كبالن مايلي الماني - طقم سيور - تيل امامي بولندي ثم تيل امامي اسباني Remsa - طلمبة بنزين - بوجيهات NGK بلاتينيوم )

هابقي احكيلكم حكاية التيل البولندي دي في الاخر

السرعه القصوي في السفر كانت حاجة تكسف 135 كم/ساعة ولكن الثبات علي الملفات كان ممتاز بنفس السرعة 135 كم / ساعة

الشنطة كانت محملة لاخر حمولتها مفيش خرم ابرة ولكنها اخدت كل الاغراض في السفر

الصالون كان محمل اربعة افراد من الوزن المتوسط 85 كيلو / 175 سم بس كانوا مرتاحين تماما

استهلاك البنزين في الـمشوار الفردي نصف التانك علي الـ 500 كم

الحرارة لم تتعدي الـ 90 و ده في المشي الهادي ، اما المشي بسرعة فوق الـ 100 الحرارة كانت بتنزل للـ 70 و ثابتة علي الدرجة دي ، لكن لما شغلت التكييف في اخر 70 كم الحرارة وصلت لـ 91 - 92 و ثبتت عليها مع ان المروحة شغالة دايما

RPM عند سرعة 135 كم كان عند 4500 لفة و صوت العربية كان عالي و محبتش اقرص عليها اكتر عشان الديسك و الاسطوانة تعبانين

الباور علي السرعة العالية كان بنفس النعومة علي السرعة الهادية و اظن ان ده خطر


موضوع التيل البولندي ده بقي الحمد لله اني اكتشفتة بالصدفة قبل ما تحصل لاقدر الله حاجة وحشة
انا لسة مغير التيل ده مع الطنابير من اقل من شهر
روحت للميكانيكي اشيك علي العربية قبل السفر و بالصدفة قولتلة اكشفلي علي الطنابير عشان بحس برعشة في الفرامل
فك العجلة و التيل و بص علي الطنابير لقاهم تمام و جه يبص علي التيل لقاه مشروخ من النص و مشروخ من الجنب يعني في فرق بين لحم التيل نفسة و بين الشفة - الله يخربيت دي قطع غيار
الحمد لله اننا شفناه قبل مااسافر كان ممكن التيل يفك لوحده و ملاقيش فرامل
محدش يجيب تيل بولندي يا رجالة + انه في الاول مش بيصفر و بعد الاستخدام بقي يصفر
انا جبت تيل اسباني اسمة Remsa شكلة كان نضيف اوي الصراحة ومفيهوش نحاس يخلية يصفر و سعرة كان 90 جنيه اغلي من الايطالي اللي لقيتة مليان نحاس

الحمد لله علي كل شيء

اللي يحب يحكي عن سفرة بعربيتة التمبرا ياريت يقول

اه صحيح

عاوزين نتقابل بقي

[adelco]

الف حمد لله على سلامتك

السلام عليكم
الحمد لله على سلامتك وعودتك للقاهرة
بيتهيالى 135 مع الحموله دى كويس قوى
اما بالنسبه لموضوع الـ 4500 لفه rpm انا بصراحه مش عارف الرقم المثالى للسرعه دى كام يا ريت حد يقول لو عنده فكرة
وانا مبسوط منك قوى انك بتفحص العربيه قبل السفر ويا ريت كل الناس تعمل زيك لان ده شىء مهم جدا
بالنسبه لاستهلاك البنزين بيتهيالى كده كويس بس هى العربيه بتاخد 60 لتر ولا اقل يا ريت يفيدنى لانى لحد الان ما اعرفش سعه التنك
واخيرا حمد الله على السلامه مرة تانيه

[heshamzaky]

أزيكو يا رجالة عاملين اية بص يا باشا انا بجيب تيل فرامل تركى و الله قعدا أدور على العلبة و عملت الصورة بالاسكانر النوع دة ماشى معايا تمام ما بيصفرش جالص و ب 60 جنية و يا عدولة التانك 60 ليتر يا باشا

[ZALABANY]

أسامة باشا حمد الله على سلامتك شكرا على موضوعك انا هاعمل نفس مشوارك ده على اخر الشهر وعايز اغير التيل الخلفي والماستر العمومي لأنه بيرشح زيت ومش عارف اذا كان ينفع اركبله جلب ولا لا ياريت الشباب اللي غيروا التيل الخلفي يقولوا احسن نوع جربوه ايه وموضوع الماستر ده اعمل فيه ايه عندي برده المقصات اشتريتها ولسه ما ركبتهاش لحد النهارده الحاجه الأخيره داسما جوان غطاالتاكيهات بيرشح زيت وغيرته متين مره فل الزيت قل بس الجوان باظ بسرعه والمره دي جوان كاوتش بس بيسرب زيت برده

[heshamzaky]

أزيك يا بونانزا باشا عامل اية بص يا سيدى العزيز ملاحظاتى انا المتواضعة اولا بسم الله ما شاء الله الموتور كدة كويس جدا لان استهلاك البنزين جيد انت عملت 500 كيلو ب 30 ليتر بنزين يعنى الليتر بيعمل 16.6 كيلو لو كدة يبقى ماشاء الله استخدام مثالى ممكن يكون عدم السحب اكثر من 135 كيلو بسبب أسطوانة الدبرياج طب هى العربية بترعش و انت طالع على الاول لو بترعش يبقى الاسطوانة و الديسك و الرمان بلى يتغير الطقم كلة و سعرة من 380 الى 450 جنية و فى اغلى دة كل الى انا اعرفة و الباقى من ردود باقى اخوانا التمبراوية نعرفة و الاضافات الحلوة مستنينها منهم و صورة الاسطوانة يا باشا علشانك اهية

[caysersosaih]

انا عملت مشوار 900 كيلو من شهر وعموما انا باسافر كتير
السفر ليلا
وانا رايح كانت العربية محملة زيك بالظبط شنطة كاملة و4 أفراد
متوسط السرعه 140 rpm علي 4000
مع ملاحظة اني مغير الدسك والاسطوانة بطقم أصلي من 3 شهور الحرارة لاتتعدي 70 وبتبقي 90 عند الوقوف الثبات ممتاز وصوت الموتور غير مسموع
مع الطقم القديم صوت الموتور كان بيبقي عالي فعلا

الرجوع ليلا
انا وواحد بس بالعربية
السرعه 160 معظم الطريق (وادي النطرون العلمين)
الحرارة كانت بتنزل عن 70
الثبات ممتاز حتي مع الملفات rpm فبل ال5
ماحستش بمشكلة من الباور

لما اشغل التكييف باليل الحرارة بتنزل
بالنهار في يوم حر بتبقي 90 او 92
شكرا

[caysersosaih]

لما غيرت الدبرياج كنت عامل موضوع عليه و كنت مغيره عشان رعشة في المطالع بسيطة المهم اللي وصلتله:
فاليو تركي 370 جنيه بس الميكانيكي قالي بيرعش
لوك ألماني 450 جنيه
فيات أوريجينال من الكيلاني 680 جنيه
انا جبت الأوريجينال وفرق كتير معايا
شكرا

[caysersosaih]

أسامة باشا حمد الله على سلامتك شكرا على موضوعك انا هاعمل نفس مشوارك ده على اخر الشهر وعايز اغير التيل الخلفي والماستر العمومي لأنه بيرشح زيت ومش عارف اذا كان ينفع اركبله جلب ولا لا ياريت الشباب اللي غيروا التيل الخلفي يقولوا احسن نوع جربوه ايه وموضوع الماستر ده اعمل فيه ايه عندي برده المقصات اشتريتها ولسه ما ركبتهاش لحد النهارده الحاجه الأخيره داسما جوان غطاالتاكيهات بيرشح زيت وغيرته متين مره فل الزيت قل بس الجوان باظ بسرعه والمره دي جوان كاوتش بس بيسرب زيت برده

الماستر الأصلي كنت شاريهم من سنة من السجان في شارع دمشق ب 60 جنيه الجوز الخلفي
كان عندي واحد بس ضارب بس الميكانيكي قال نغير الاتنين أحسن
التيل الخلفي انا كنت حشيته عند الميكانيكي وبقاله سنة زي الفل واتكلف 90 جنيه الاتنين

[heshamzaky]

أسامة باشا حمد الله على سلامتك شكرا على موضوعك انا هاعمل نفس مشوارك ده على اخر الشهر وعايز اغير التيل الخلفي والماستر العمومي لأنه بيرشح زيت ومش عارف اذا كان ينفع اركبله جلب ولا لا ياريت الشباب اللي غيروا التيل الخلفي يقولوا احسن نوع جربوه ايه وموضوع الماستر ده اعمل فيه ايه عندي برده المقصات اشتريتها ولسه ما ركبتهاش لحد النهارده الحاجه الأخيره داسما جوان غطاالتاكيهات بيرشح زيت وغيرته متين مره فل الزيت قل بس الجوان باظ بسرعه والمره دي جوان كاوتش بس بيسرب زيت برده

أزيك يا زلبانى باشا عامل اية بص يا سيدى انا بجيب جوان غطاء التاكيهات من شارع دمشق عند محل سعيد بطرس ب 10 جنية زى الفل و هو فلين ( فلين زى غطاء زجاجة الحاجة الساقعة بتلعت زمان ) و قبل ما تركبة لازم العربية تبقى باردة علشان الغطاء ما يقفعش و قول للميكانيكى يلزقة ب جملكة

[heshamzaky]

الماستر العمومى فية نوع ب 140 جنية و عند الكيلانى تقريبا 170 جنية

[yoko]

حمد لله على السلامة وأنا مش عارف حضرتك غامرت المغامرة دي إزاي أنا معملش حركة زي دي بالعربيه إلا لو موديلها جديد يعني مش أقدم من ١٠ سنين في أسوء الأحوال ولازم أكون مشيك على كل حاجة

[heshamzaky]

يا رجالة بما اننا دلوقت على المنتدى عايزين نتجمع و نحدد ميعاد ( و بشرى لاصحاب التمبرا الاستاذ عادل عامل عزومة جمبرى و استاكوزا لينا كلنا صح يا عدولة باشا كدة )))

[caysersosaih]

الماستر العمومى فية نوع ب 140 جنية و عند الكيلانى تقريبا 170 جنية

يا باشا احنا بنتكلم علي الماستر الفرعي اللي هوا الخزنه الحديد اللي بتركب في الطنابير الخلفيه

[yoko]

إن شاء الله بس أنا مدعوك في الإمتحانات ونفسي أشوفكوا كلكم أنا هخلص ٢٣ الشهر ده فممكن نعملها أخر الشهر

[caysersosaih]

معلس انا ما أخدتش بالي هو فعلا الماستر العمومي معلش يا هشام باشا أصل انا لسه مانمتش من امبارح