عربيتى البرافو اتخبطت,اصلحها فين؟

[dodger111]

السلام عليكم ورحمة الله.

العربية واحد بيعدى من جنبى خبطلى الحتة اللى عند الرفرف واللون اتشال ودخلت لجوا شوية.

اصلحها فين فى التوكيل ولا واحد بتاع دوكو؟! . هي هتحتاج تترد على البارد و تترش, وانا معنديش خبرة خالص فى الحجات دى
حد يعرف بتاع دوكو كويس؟

[aymoz]

أنا لو مكانك اسيبها زي ما هيا لو الخبطة مش كبيرة علشان تاخد العين :b4_444:

[yoko]

لو صغيرة سيبها
لو مأمن إعملها يا في التوكيل يا عند العقيد خالد وإن كنت أفضل العقيد خالد

[damasry]

http://www.nilemotors.net/Nile/118993-a.html

[dodger111]

الف شكر يا جماعة بس العربية سودا والخبطة باينة فيها... بس على العموم انا فعلا كنت هسيبها بس كنت عاوز اعرف هتيتكلف كام عشان ادفع الراجل اللى خبطها.لان هوا كان قاصد يخبطها مش غصب عنو عربيتو كبيرة ومتعديش من جنبى ومع ذلك عدى وخبطهالى , والله الناس بقت ماشية بالبركة...لا انا مش مأمن عليها (فى شركة تأمين كويسة مش نصابة و سعرها كويس ,انا مش بمشى بالعربية كتير)

معلش طولت عليكو شكرااا يا رجالة


يرجى مراعاة الدقة عند كتابة لفظ الجلالة
100609
11:21p.m
مشرف القسم
11ب

[khalid_adel]

انا شايف افضل شركه تأمين مناسبه هي شركه قناة السويس
ده لان المعدل بتاعها قليل
ولانهم بيتعاملو مع التوكيل اوماترا مباشره يعني لو حصل حاجه بتوديها التوكيل هما يصلحوها وتيجي تاخدها من غير ماتدفع الاول والكلام ده
انا ليا واحد شغال هناك قالي ممكن اجيبلك بمعدل 3% سنويا مع نفس المزايا بس انا لسه مظبطتش اوي

[semsem_uno]

الناس قامو بالواجب :)
انا بردو من اسبوعين ماشي الساعة 3 بليل عند الحديقة الدولية لقيت برافو مشيت جمبة لقيت الرفرف كله واخد خابطة جايباه صح من اوله لأخره
بجد صعب عليا اوي
عربية لونها احمر و تربو كمان
ربنا يحفظكم و يحفظنا من العين يا رب