المقابلة الاولى لأصحاب التمبرا و محبينها

[heshamzaky]

لا اله الا الله , يعنى امارات مصر و لا روكيت ؟؟؟؟
و الساعة كام ؟؟؟؟

انا مش كل شوية حاغير الميعاد اللى حاصحى فيه

يا سيدى أصحى بدرى :انك رايح الشغل هييييييه المكان روكيت شارع الثورة الساعة 12 قبل الصلاة و لو عايز بدرى ممكن و بونانزا النشيط جاى من الهرم وانت حا تعدى الشارع و عاوز تنام أقول أية جالى الضغط و حرام عليكم سنى لا يسمح بكدة يا جدو..............

[heshamzaky]

الحمد لله تم الاتفاق المكان روكيت دار المدفعية امتداد شارع الثورة الحاضرون ان شاء الله هشام و عادل و بونانزا و دكتور ضياء الابعة تم التأكيد بينهم و الميعاد 12 ظهرا و ان شاء الله عادل باشا سيكون هو و هشام هناك من الساعة 11 تقريبا من يود الحضور فليتفضل

[heshamzaky]

تم بحمد الله الخوة الحاضرون جاليليو و دكتور ضياء و بونانزا و هشام و عادل بية كعب الغزال وفى انتظار المزيد

[ZALABANY]

كان نفسي ابقى معاكم يا شباب بس تتعوض ان شاء ولازم تحكولنا على المقابلة

[heshamzaky]

كان نفسي ابقى معاكم يا شباب بس تتعوض ان شاء ولازم تحكولنا على المقابلة

الى حضر عادل باشا و بونانزا باشا و هشام باشا بس كانت حلوة

[heshamzaky]

متشكرين يا عدولة الباشا عادل أمبارح يا رجالة كان منور مصر الجديدة هو و أبنة أحمد و بونانزا و طبعا حفظة الله عادل بك كعب الغزال ( حاسب عل المشاريب يارجالة ) ربنا يخليك لين يا باشا و عاش عاش عادل بية هيييييييه انا بعد لما انت مشيت يا عدولة رحت انا و بونانزا عزبة شلبى و مش عايز أقول كل حاجة بونانزا يقول و جبت علبة الشكمان المثلثة

[Bonanza]

السلام عليكم

احكيلكم بقي المقابلة كانت عاملة ازاي
طبعا و قبل كل شيئ انا اتشرفت بمعرفة اخين ليا و هم عادل بك و هشام بك ,, ناس بصراحة قمة في الادب و الاخلاق و الجدعنة ( و فعلا عادل بك حاسب علي المشاريب ,, كتر خيرك يا كبير و يدوم اول دور ههههههه)
كانت مقابلة حلوة و انا استفدت منها كتير

1- طبعا مقابلة الناس المحترمة دي اهم شيئ و امتع شيئ
2- بخصوص المكان انا لازم احيي هشام بصراحة لاختيارة للمكان ده كان احسن بمراحل من لو كنا اتقابلنا عند بنزينة الامارات
3- انا و هشام اتفرجنا علي عربيات بعض و بسم الله ماشاء الله اللهم لا حسد عربية هشام زي الفل و هو واخد باله منها ربنا يحرسهالة و للاسف عادل مشي بدري بدري مالحقناش نتفرج علي عربيات بعض ربنا يحرسلة عربيتة بردو ماشاء الله

بعد ما مشي عادل قعدنا ندردش انا و هشام و بعدين قولنا نروح عزبة شلبي ... كتر خيرة هشام مكانش عاوز حاجة من هناك و راح معايا عشان يعرفني الطريق و يعرفني علي الراجل اللي هو بيتعامل معاه

الراجل اللي هو بيتعامل معاه بقي محترم جدا و مؤدب و هادي و ترتاحلة اوي بصراحة
و ماشاء الله المخزن و المحل مليان بما لذ و طاب للتمبراوية من قطع غيار استيراد تشتهي لها الانفس بعد تجربة قطع الغيار الجديدة

و نيجي بقي لاهم حاجة في الموضوع الاسعاااااااار

يا جماعة والله حاجة ببلاش كده عندهم
حاجات انا لما سمعت اسعارها زهلت و خليت هشام يسأل تاني علي سعرها عشان نتأكد ،،، و بردو المهم في الموضوع انك مرتاح للراجل اللي بتشتري منه و واثق فيه ان لو الحاجة طلعت بايظة هاتروح ترجعها بدون مشاكل ولا مضايقة

و بعدين هشام مسيطر هناك يا رجالة و هو واسطتنا عند الراجل ده يعني اي حاجة ماتعجبكمش .... ابقوا بلغوا عن هشام

بجد المقابلة كانت مفيده جدا و كانت ناقصة كل الشباب والله

علي العموم ان شاء الله هاتتعوض و نتجمع قريب و نعمل قافلة لعزبة شلبي و نستولي علي المحل و ناخد هشام رهينة

و مرة تانية انا اتشرفت والله بمعرفة اخين ليا هم هشام و عادل

[galilio_mad]

انا فى غاية الاسف يا جماعة , كنت تعبان جدا و نمت طول اليوم حتى لسه داخل المكتب من نص ساعة

باتأسف لكل الناس و ان شاء الله اكون معاكم المرة الجاية

[kdosoki]

انا كده شكلى خسرت كتير قوى علشان مشفتكوش بس ان شاء الله تتعوض
بس انا مستنى اشوف الصور يا عم هشام

[heshamzaky]

يا جماعة قبل اى كلام الدكتور ضياء caysersosaih لم يحضر لظرف قهرية و هى وفاة خالة رحمة الله علية و العزاء واجب

[heshamzaky]

بالنسبة لموضوع المقبلة بقى و الله لقد سعدت جدا بمقابة عدولة باشا و اسامة باشا بونانزا و أحكيلكم يا رجالة عن مشوار العزبة كما قلت لكم من قبل اننى أتعامل مع محل واحد تقريبا و زى ما بونانزا باشا قالكم كدة انا عامل سيطرة تامة هناك لان طولى حواى مترين و مفتول العضلات هييييية صح يا عولة و يا اسامة هييييية...... الكلام الجد بقى أقولكم عن بعض الاسعار يا رجالة الفتيس بتاع التمبرا كامل ب 300 جنية و الشنطة الخلفية ب 300 جنية كاملة لو حبيت تجيب الكالون لوحدة 180 جنية و الكالون بالمرايا ب 200 جنية بالنسبة للفرش انا ما كنتش مصدق فرش الابواب الى هانى كان بيسئل علية ب 100 جنية الاربعة أبواب و بونانزا كان سامع الكلام بودانة من بق الراجل و صورنا شوية حاجات جوة المحل لو شفتوها يا تمبراوية بجد تتخضو بس مش عارف هل المنتدى لو نزلنا الصور يعتبرها أعلان مش عايزين مشاكل و ليس لى أى مصلحة مع المحل فى عزبة شلبى طبعا بس لقينا حاجات لقط يا جدعان

[heshamzaky]

انا فى غاية الاسف يا جماعة , كنت تعبان جدا و نمت طول اليوم حتى لسه داخل المكتب من نص ساعة

باتأسف لكل الناس و ان شاء الله اكون معاكم المرة الجاية

شو فيا جاليليو يا ابو النوم انت بقى علشان ما جيتش حكمنا عليك بغرامة واحد بيبسى صاروخ و حرمان من الصور علشان تبقى تصحى بدرى يا معلم ما انت كنت فى الشارع لغاية باليل يا باشا فطبعا بعد السهر لازم تروح و تنام

[Bonanza]

حط يا هشام باشا الصور مافيهاش اعلان ولا حاجة خالص ان شاء الله

[hany121]

البقاء لله يا دكتور ضياء

[hany121]

بالنسبة لموضوع المقبلة بقى و الله لقد سعدت جدا بمقابة عدولة باشا و اسامة باشا بونانزا و أحكيلكم يا رجالة عن مشوار العزبة كما قلت لكم من قبل اننى أتعامل مع محل واحد تقريبا و زى ما بونانزا باشا قالكم كدة انا عامل سيطرة تامة هناك لان طولى حواى مترين و مفتول العضلات هييييية صح يا عولة و يا اسامة هييييية...... الكلام الجد بقى أقولكم عن بعض الاسعار يا رجالة الفتيس بتاع التمبرا كامل ب 300 جنية و الشنطة الخلفية ب 300 جنية كاملة لو حبيت تجيب الكالون لوحدة 180 جنية و الكالون بالمرايا ب 200 جنية بالنسبة للفرش انا ما كنتش مصدق فرش الابواب الى هانى كان بيسئل علية ب 100 جنية الاربعة أبواب و بونانزا كان سامع الكلام بودانة من بق الراجل و صورنا شوية حاجات جوة المحل لو شفتوها يا تمبراوية بجد تتخضو بس مش عارف هل المنتدى لو نزلنا الصور يعتبرها أعلان مش عايزين مشاكل و ليس لى أى مصلحة مع المحل فى عزبة شلبى طبعا بس لقينا حاجات لقط يا جدعان

100 جنيه!!!!!!!

انا عايز الاسم والوصفه ورقم التليفون ضروري يا استاذ هشام علشان اروحله ولو ممكن رقم تليفونك علشان لو احتاجت اكلمك وانا عنده..