شحن التكييف

[mikology]

يا جماعه انا التكييف عندى بيسقع متأخر قوى يعنى بيقعد 10 ل 15 دقيقه كده لحد ما يسقع و بردو مكنش عاجبنى
روحت امبارح كشفت عليه
قالى مافيهوش فريون وعاوز يتشحن
شحنته و سألته انت حطيت رقمه ايه - قالى رقمه 605 - قولتله اول مره اسمع عنه
قالى لا هو ده بتاعها
المهم بعد الشحن محستش بفرق كبير التسقيع بردو ضعيف بس بقى اسرع شويه بس مش هو اللى مطلوب خالص قولتله بس كده بردو ضعيف - قالى لا هى واخده ال 950 جرام بتوعها خلاص - جربها تانى لحد بكره و تعالالى نشوف
وانا رايحله كمان شويه تانى
ممكن يا جماعه اللى يعرف رقم الفريون اللى بيتشحن للتمبرا يكون كام ؟؟
وايه احسن نوع
وهلى ممكن تبقى مشكله تانيه غير الفريون ؟؟
وشكرا مقدما

[heshamzaky]

134 يا باشا بتاع التمبرا و فية ناس نتستهبل و مرة الراجل حط لى فريون 12 و على فكرة عاملين مقلبلة يوم الجمعة و بعت لك رسالة بالموضوع

[heshamzaky]

على فكرة انا اتفرجت على الاعلانات بتاعتك فنان و استاذ

[mikology]

شكرا يا هشام قوى - هاروحله النهارده و هاحاول اشحنه تانى ل 134 و نشوف
بالنسبه للمقابله - انا شفتها اهو - بس صعب الساعه 10.30 دى - لو بليل كنت ابقى معاكو - لكن الصبح يوم الجمعه هاعمل صيانه للاسف
بالنسبه للفيديو ميرسى جدا جدا جدا كلك ذوق

[heshamzaky]

يا راجل زعلتنى بس على فكرة الشحن اقصد نوعية الفريون مش هو العامل الكبير للتبريد بسرعة يعنى انا كنت حاطط فريون 12 و ما كنتش عارف موضوع انة 134 الا لما شحنتة فى محطة موبيل مدينة نصر ما تيجى شوية الصبح و امشى و بالمرة نبص كلنا على العربية و التكيف قبل الغرامة المالية الجديدة

[heshamzaky]

فكر فى الموضوع و انت غيرت عربيتك ؟؟؟؟ المقصود اللون فى صورة التوقيع هييييييه

[mikology]

يعنى ال 12 ده كان فارق عن ال 134 ولا مكنش فارق ؟
العربيه اللى فى التوقيع اصلا مش بتاعتى
عربيتى زيتى ميتالك هابقى اصورهالك عشان انا عارفك غاوى تصوير ههههههههه

[heshamzaky]

لا بلاش ال 21 دة دا كان ريحتة عامل زى فريون التلاجة الايديال ال 10 قدم بتاعت زمان الكباس الصامولة ولا البلف بتاعة 134 انا شحنت فى موبيل الى بعد مدرسة النهل مدينة نصر بس مش تصليخ كبير هناك بس الولد الى بيشحن فاهم شوية و دفعت 120 جنية شحن بس اعتقد انة حط 650 جرام تقريبا او 700 بالكتير

[galilio_mad]

نوعية الفريون مش هو العامل الكبير للتبريد بسرعة

لأ بيساعد طبعا
المفروض تشوف العربية بتاخد فريون كام و تشحن على هذا الاساس
لو حطيت 12 مكان 134 او العكس بعد فترة الكومبريسور حيبوظ
و بيبقى نوع الفريون مكتوب على الكومبريسور
و التمبرا نزلت بكومبريسورات 12 و 134 ( 12 القديم و غيروه ب 134 عشان اكثر صداقة للبيئة )

[heshamzaky]

يا عمو جاليليو انا اقصد ب نوعية الفريون هو العامل ان باقى الدورة كلها تبقى سليمة و السربنتينة الامامية نظيفة و بعدين اصحى بدرى بكرة ابوس ايديك علشان ما اتوهش هييييييييييييييه

[galilio_mad]

و بعدين اصحى بدرى بكرة ابوس ايديك علشان ما اتوهش هييييييييييييييه

بكرة ايه بس , النهاردة الاربعاء و بكرة الخميس مش الجمعة

[mikology]

لأ بيساعد طبعا
المفروض تشوف العربية بتاخد فريون كام و تشحن على هذا الاساس
لو حطيت 12 مكان 134 او العكس بعد فترة الكومبريسور حيبوظ
و بيبقى نوع الفريون مكتوب على الكومبريسور
و التمبرا نزلت بكومبريسورات 12 و 134 ( 12 القديم و غيروه ب 134 عشان اكثر صداقة للبيئة )

'طيب انا دلوقتى هاروح كمان ساعتين للراجل تانى هو فى بنزينه وطنيه فى المعادى - اعرف منين نوع الفريون بتاعى انا عربيتى لانشيا ديدرا 93 والكتالوج فى البيت ومش عارف اوصل لحوار التكييف ده من النت - من الصبح قاعد مش لاقى حاجة وايه حكايه ال 605 ده - حد يفيدنى

[galilio_mad]

و الله اعلم , حتبقى 134
فى ستيكر ملزوق على الكومبريسور بيبقى مكتوب عليه نوع الفريون

ومن الانترنت دلوقتى مفيش حاجة اسمها فريون 605
Chlorofluorocarbon - Wikipedia, the free encyclopedia

[mikology]

طيب هو فين مكان الكمبريسور ده ؟؟

[caysersosaih]

لما تكون فاتح الكبوت وواقف قصاد العربية هتلاقية علي الشمال تحت وفيه سير جنب سير الكاتينة