الاستاذ ماجد تادرس ورسالة موجهة لاعضاء نايل موتورز

[damasry]

السلام عليكم ورحمة الله

بناء على الشكاوى من مالكى سيارات فيات وبناء على تواجد بعض ممثلى اوماترا مصر معنا على المنتدى على رأسهم الاستاذ/ ماجد تادرس مدير فيات بشركة اوماترا مصر، تم ارسال رغبة فى التواصل من جانبى للاستاذ ماجد

يوم الخميس اتصل بى الاستاذ ماجد تادرس يريد الاستفسار عن شكوتى وعندما علم اننى لست لمالك فيات ولكنى انقل شكاوى المالكين تم التحدث بيننا على الموبايل لمدة ساعة ونصف تحدثنا فيها عن معظم المشاكل والشكاوى وانا بشكر الاستاذ ماجد على سعة صدره للتحدث هذه المدة الطويلة واليكم بعد الاشياء التى يريد توضيحها لكم:

1- اوماترا مصر تسعى بكل جهد لارضاء عملائها والعمل على حل مشاكل العملاء

2- التوجه فورا للمهندس طارق جبريل مدير خدمة ما بعد البيع لحل اى مشكلة واجهت العميل مع الثقة فى حل المشكلة فورا.

3- الاعتذار عن اى اخطاء تمت من مركز الخدمة وذلك لزيادة الضغط عليه ورجاء الانتظار حتى اخر العام الحالى لافتتاح ثلاثة مراكز خدمة جديدة.

4- توفر السيارة بونتو ايفو بجميع فئاتها بدءا من اول يوليو باسعار منافسة لكل السيارات فى نفس الفئة.

[yoko]

تمام يا محمد وبجد الواحد نفسه فيات تبقى رقم ١ في مصر لإنها تستحق

[Moe86]

طب أنا عندى سؤال, أنا كان عندى مشاكل كتيير فى العربية من أول ما جبتها و كل مرة أروح مركز الصيانة ماتتحلش
و بعدين صلحت العربية برة التوكيل لما خبطتها (علشان التوكيل كان هايخلينى عالحديدة)
كدة العربية طلعت من الضمان خلاص ؟ و أخبط رأسى فى الحيطة ؟

[NoRmAl]

هو الراجل شكله نشيط الصراحه
ربنا يديله على قد نيته ولو فعلا ناوين يصلحوا من أومترا ربنا معاهم وأدينا مستنين النتائج
وأيدنا فى أيده طالما عايز يصلح بجد

تصدق أول مره يا محمد أعرف أنك معكش فيات :))
طيب الحمد لله مش أنا الوحيد الدخيل :))))

[damasry]

هو الراجل شكله نشيط الصراحه
ربنا يديله على قد نيته ولو فعلا ناوين يصلحوا من أومترا ربنا معاهم وأدينا مستنين النتائج
وأيدنا فى أيده طالما عايز يصلح بجد

تصدق أول مره يا محمد أعرف أنك معكش فيات :))
طيب الحمد لله مش أنا الوحيد الدخيل :))))

فعلا الاستاذ ماجد لسه ماسك فيات من شهرين ويكفيه رغبته فى حل كل مشاكل المالكين وتحسين صورة التوكيل ويحسب ليه نزول الايفو بالاسعار المنافسة دى، تحياتى يا استاذ ماجد واتمنى التوفيق فى مهمة حضرتك.


هههههه، مش انت لوحدك يا على، ناس كتير هنا عارفة ان معايا فيات رغم انى قولت كذا مرة انى مش معايا، يالا بقى انا مستنى التوكيل تقديرا لمجهوداتى العظيمة والضخمة يدونى برافو هدية

[ahmedbasto]

تمام يا محمد وبجد الواحد نفسه فيات تبقى رقم ١ في مصر لإنها تستحق

+11111111111111111

[NoRmAl]

هههههه، مش انت لوحدك يا على، ناس كتير هنا عارفة ان معايا فيات رغم انى قولت كذا مرة انى مش معايا، يالا بقى انا مستنى التوكيل تقديرا لمجهوداتى العظيمة والضخمة يدونى برافو هدية

هههههههه
دانت داخل على طمع :))

وأول مره أعرف أن أستاذ ماجد لسه ماسك من مده قصيره
يا رب بس يفضل بهذا النشاط ومييأس بدرى
ولو فضل كدا هما نفسهم هيحققوا أرباح كبيره لأن معظم عربيات فيات الافضل فى فئتها
معظم هااااا :)
محدش يخبط أحسنله :))))

[damasry]

هههههههه
دانت داخل على طمع :))

معظم عربيات فيات الافضل فى فئتها
معظم هااااا :)
محدش يخبط أحسنله :))))

هههههه مش من حقى ولا ايه يا عم على؟؟؟

اكيد انت فرحان لغياب اللينيا من السوق والا كانت ها تسحب البساط من السيراتو

[yoko]

هههههههه
دانت داخل على طمع :))

وأول مره أعرف أن أستاذ ماجد لسه ماسك من مده قصيره
يا رب بس يفضل بهذا النشاط ومييأس بدرى
ولو فضل كدا هما نفسهم هيحققوا أرباح كبيره لأن معظم عربيات فيات الافضل فى فئتها
معظم هااااا :)
محدش يخبط أحسنله :))))

هههههه مش من حقى ولا ايه يا عم على؟؟؟

اكيد انت فرحان لغياب اللينيا من السوق والا كانت ها تسحب البساط من السيراتو

مقلتش حاجة أهو!!!

[NoRmAl]

مقلتش حاجة أهو!!!

لا أنت فى السيف سايد كدا
أستنا بقى لما نشوف هنعمل أيه مع محمد

اكيد انت فرحان لغياب اللينيا من السوق والا كانت ها تسحب البساط من السيراتو

مفيش فايده يعنى

[aljurjani]

أنا أعتقد أن عدم وجود اللينيا المانيوال خطأ تسويقي كبير ينم عن إدارة من الهواة لا تدري ما تفعل. كل السيارات في فئة اللينيا تقريباً تنزل بناقل حركة يدوي وناقل حركة أوتوماتيكي، ووجود الاثنين معاً من أسباب انتعاش مبيعات السيارة وتدعيم موقفها السوقي. وعدم وجود الناقل اليدوي يناسب السيارات الأعلى فئة كالتويوتا كورولا والسيفيك. ووجود الإلانترا والسيراتو بناقل يدوي أكبر دليل علىى ذلك.

[damasry]

لا أنت فى السيف سايد كدا
أستنا بقى لما نشوف هنعمل أيه مع محمد



مفيش فايده يعنى

اكييييييد فيه فايدة وفايدة كبيرة كمان، انت تبيع السيراتو وتجيب فيات وبلاش لينيا عشان لما تركبها ها تعرف انك كنت راكب ..........

انت تجيب برافو احسن وكده كده فيات ونبقى حبايب يا عم

[NoRmAl]

اكييييييد فيه فايدة وفايدة كبيرة كمان، انت تبيع السيراتو وتجيب فيات وبلاش لينيا عشان لما تركبها ها تعرف انك كنت راكب .......... بوجاتى

بطل تشجعنى على بيعها يا محمد علشان مش هنولك الى فى بالك ومش هبعهالك :))))

[damasry]

بطل تشجعنى على بيعها يا محمد علشان مش هنولك الى فى بالك ومش هبعهالك :))))

ههههههههههه، انا عارف انك بتحبنى وبتعزنى ولا يمكن ترضى ليا انى اشتريها

وبعدين فعلا فعلا بعد كلمة بوجاتى دى انا عايزك تجيب اللينيا عشان تعرف انت كنت راكب ايه.انتهى السطر، ممنوع الكتابة

[Ghamrawy]

بجانب ان الاستاذ ماجد تادرس لسه ماسك ادارة فيات من شهرين
دى اول مرة تبقى فيات بادارة مستقلة لوحدها بعيد عن باقى توكيلات اوماترا
و انا مؤمن ان التخصص فى الحالات مفيد و ربنا يسهل الامور و ادينا حانشوف ال6 شهور اللى جايين ايه اللى اتظبط