أريد معلومة عن التمبرا

[sherif67]

من فضلكم حضرات السادة مالكي السيارة التمبرا
أرجو أن تدلوني على مكان أستطيع منه شراء الثلاثي :
ردياتير و سربنتينة تكييف و مروحة الردياتير مع حساس
وارجو بعد إذنكم أن تدلوني على السعر وخصوصا الأخوة الذين قاموا بالشراء منذ فترة بسيطة
و هل لابد أن اخذ معي صنايعي معين كهربائي مثلا , وكيف اتأكد أن هذه الأشياء حالتها جيدة عند الشراء
رجائي من الأخوة الذين لديهم أي معلومات الا يبخلوا عليا بها
ولكم جميعا خالص الشكر

[mlav_cbr]

لو استيراد من الوكاله او من عزبه شلبى اما لو جديد عندك يوسف الدقى والكيلانى فى التوفيقيه

[heshamzaky]

أعتقد ان حضرتك تقصد مستعمل استيراد يعنى لانك عاوز تاخد كهربائى معك اذن انت عاوز مستعمل صح و لا غلط .بص اسعار المستعمل طبعا قابلة للزيادة او النقصان لانها تخضع لعملية الفصال بس الاهم من الفصال ان الحاجة الى عاوز تشتريها تبقى كويسة اسعر المستعمل الرادياتير بيتكلمو فى 350 جنية السربنتينة ب 230 جنية الى 250 جنية المروحة ب 150 جنية اما موضوع انك تاخد معاك كهربائى مش مهم لانة مش حا يعرف يكشف على حلجة من دول ما عدا المروحة و دى امرها سهل جدا أهم حاجة لما الراجل يجربها لك ان صوت البلى ما يبقاش خشن بس هية حا تعمل صوت طبعا لانها مركونة و عليها تراب كتير بيروح بعد غسلة كويسة اما بالنسة للرادياتير و السربنتينة لازم يتكيسو هواء علشان تتأكد انهم مش مخرومين و بيسريو هواء و دة بالطبيعى عند بتاع الرادياتيرات الى بالفعل حا تركب عندة الحاجة بالنسة لاسعار الحاجات دى جديدة الرادياتير تقريبا 550 و المروحة فى التوكيل 1000 جنية أكيد فى محلات قطع الغيار أرخص من كدة و أرجو ان اكون قدرت أفيدك و ادخل معانا على رابطة التمبرا أهلا و سهلا بيك ستجد مواضيع عديدة و مفيدة يعنى تتبع مشاركات أصحاب التمبرا من المنتدى و انت تعرف كل صغيرة و كبيرة تقريبا و شكرا لك

[mlav_cbr]

بصراحه يا هشام انت بقيت موسوعه فى التمبرا

[heshamzaky]

بصراحه يا هشام انت بقيت موسوعه فى التمبرا

يا باشا لا موسوعة و لا حاجة انا من هواة تدعيم المعلومة بوثائق يعنى صور للشيىء الى بنتكلم عنة و دة كل الموضوع بس

[sherif67]

الف الف شكر للأخوة الذين لم يبخلوا عليا بالرد
وأخص بالذكر الأخ الفاضل أشتاذ هشام
وأنا في الحقيقة أريد شراء هذا الثلاثي مستعمل لأنه ارخص من ثمن الجديد
والسؤال هل الوكالة ام عزبة شلبي افضل للشراء
وهل هناك اسم حد معين حاجته مضمونة ممكن اشتري منه .
والف شكر مرة اخرى

[heshamzaky]

استاذ شريف العفو يا باشا و صدقنى والله كل الاخوة الى قى رابطة التمبرا مجموعة زى العسل و اخوة أفاضل لا أظن ان واحد منهم سيرى المشاركة ومش حا يرد عليها الموضوع ببساطة اننا أصبحنا مبرمجين تلقائيا على الدخول فى موضوع رابطة مالكى و عشاق التمبرا لو دخلت سؤالك فى الموضوع كلة حا يشوفها و يقولك أراءة انا لا أقصد طبعا ان اقول لك ما تعملش موضوع منفصل بس بوضح لك ان انا و الباشمندس وليد الى ردينا بس ودة لاننا الى شوفنا الموضوع و دة تخيلى انا يا باشا انت تنورنا و على فكرة الرابطة بتاعت التمبرا مش خاصة بأفراد معينين طبعا ممكن تدخل و تكتب دة المنتدى للكل . بالنسبة بقى يا سيدى للسؤال بص انا شخصيا لم اذهب حتى مرة واحدة للوكالة بروح دايما عزبة شلبى وانا بتعامل مع محل واحد بس انا مش عاوز اوجة تفكيرك لشخص معين بمعنى انت اسال فى عدة محلات الاول و السعر الارخص و البضاعة الافضل من حيث الجودة هى الورقة الرابحة الخوف انى اوجهك الية ما تعجبكش الحاجة فيحدث بلبلة بس لو انت حابب طبعا حا اديلك رقمة و اسمة و اوصية كمان يعنى لو رحتلة و قلت لة انا من طرف هشام الى معاة التمبرا الى بفتحت سقف حا يعمل الواجب بس معلش علشان خاطرى اسأل برضو على السعر فى محل اخر لو السعر متعادل اشترى من الراجل الى انت شخصيا حا ترتاح فى معاملتة معاك يعنى انت الى بتقرر قولى لو عايز وتحت امرك يا باشا فى اى استفسار

[sherif67]

استاذ شريف العفو يا باشا و صدقنى والله كل الاخوة الى قى رابطة التمبرا مجموعة زى العسل و اخوة أفاضل لا أظن ان واحد منهم سيرى المشاركة ومش حا يرد عليها الموضوع ببساطة اننا أصبحنا مبرمجين تلقائيا على الدخول فى موضوع رابطة مالكى و عشاق التمبرا لو دخلت سؤالك فى الموضوع كلة حا يشوفها و يقولك أراءة انا لا أقصد طبعا ان اقول لك ما تعملش موضوع منفصل بس بوضح لك ان انا و الباشمندس وليد الى ردينا بس ودة لاننا الى شوفنا الموضوع و دة تخيلى انا يا باشا انت تنورنا و على فكرة الرابطة بتاعت التمبرا مش خاصة بأفراد معينين طبعا ممكن تدخل و تكتب دة المنتدى للكل . بالنسبة بقى يا سيدى للسؤال بص انا شخصيا لم اذهب حتى مرة واحدة للوكالة بروح دايما عزبة شلبى وانا بتعامل مع محل واحد بس انا مش عاوز اوجة تفكيرك لشخص معين بمعنى انت اسال فى عدة محلات الاول و السعر الارخص و البضاعة الافضل من حيث الجودة هى الورقة الرابحة الخوف انى اوجهك الية ما تعجبكش الحاجة فيحدث بلبلة بس لو انت حابب طبعا حا اديلك رقمة و اسمة و اوصية كمان يعنى لو رحتلة و قلت لة انا من طرف هشام الى معاة التمبرا الى بفتحت سقف حا يعمل الواجب بس معلش علشان خاطرى اسأل برضو على السعر فى محل اخر لو السعر متعادل اشترى من الراجل الى انت شخصيا حا ترتاح فى معاملتة معاك يعنى انت الى بتقرر قولى لو عايز وتحت امرك يا باشا فى اى استفسار

أخي الحبيب أستاذ هشام
يعجز لساني في الحقيقة عن شكر حضرتك على رد حضرتك الراقي والرائع والمتحضر
والحقيقة انا طرحت سؤالي في رابطة التمبرا ولكن لم يرد احد لذلك اضطررت لعمل موضوع منفصل
وبخصوص موضوع الشراء فأنا أفضل فعلا عزبة شلبي رغم اني لم ازرها ولا مرة ولكن من كلام الناس اولا ثم من تجاربي المرة مع الوكالة ثانيا
وأخيرا لو تسمح لي بمراسلة سيادتك على الخاص
وتقبل صادق احترامي وجزيل شكري
شريف

[heshamzaky]

أية دة امال انا ازاى ما شفتش الموضوع شكلى حا أعوز اعمل نظارة ما تزعلش ملحوقة و اعت لى الى انت عاوزة يا اهلا و يا سهلا