ناوي اشتري بنتو ايفو الجديده

[hitham_sh]

السلام عليكم ورحمة الله وبركاته
انا ناوي ان شاء الله اشتري بنتو ايفو الجديده اوتماتك الي ب 106 الف وكنت حابب استشير اهل الخبره في الفيات هل انا اختيار صح ولا
يعني كنت حابب اعرف هل فعلا التوكيل مش كويس وقطع الغيار مش موجوده
طيب لو كده هل في حد بره التوكيل بيتعامل في قطع غيارها او الجراند بنتو او ماشابه
كنت حابب برضو اعرف على التكيف بتاعها مش قوي
هل هحس بنقله بينها وبين عربيتي القديمه الي هيا سريون 2007
هل هناك مشاكل معينه فيها ياريت الي يقدر يفدني باي حاجه ميبخلش عليا
ولكم جزيل الشكر

[damasry]

السلام عليكم ورحمة الله وبركاته
انا ناوي ان شاء الله اشتري بنتو ايفو الجديده اوتماتك الي ب 106 الف وكنت حابب استشير اهل الخبره في الفيات هل انا اختيار صح ولا
يعني كنت حابب اعرف هل فعلا التوكيل مش كويس وقطع الغيار مش موجوده
طيب لو كده هل في حد بره التوكيل بيتعامل في قطع غيارها او الجراند بنتو او ماشابه
كنت حابب برضو اعرف على التكيف بتاعها مش قوي
هل هحس بنقله بينها وبين عربيتي القديمه الي هيا سريون 2007
هل هناك مشاكل معينه فيها ياريت الي يقدر يفدني باي حاجه ميبخلش عليا
ولكم جزيل الشكر

اختيار موفق ان شاء الله، العربية حلوة اوى وكانت عملة شغل جامد فى معرض اوتوماك اللى فات.
التوكيل كل مشكلته انه مش بيعمل دعاية لعربياته، هو شايف ان اكبر دعاية ان عربياته تمشى فى الشوارع وعشان كده هو بينزلها بسعر قليل، حاجة كمان وهى الضغط على مركز صيانة واحد لكن المشكلة دى ها تتحل مع افتتاح ثلاثة مراكز خدمة اخرى على اخر السنة.
قطع الغيار الميكانيكية هى هى بتاعة الجراند عشان هو هو نفس الموتور ودى ميزة عشان قطع الغيار بتاعته ابتدت تنتشر بره التوكيل.
بره التوكيل اشهر واحد بيتعامل فى جميع قطع الغيار هو الكيلانى فى شارع شامبليون فى وسط البلد
التكييف بتاعها ممتااااااز عشان يابانى
موضوع النقلة ببقى هى كا تكنولوجيا افضل من السيريون والخامات الداخلية افضل بردو، يبقى انك تروح اى معرض وتشوف العربية على الحقيقة وانت اللى تحكم، وطبعا الاداء شبه واحد لان الايفو 1400 سى سى والسيريون 1300 سى سى

المشاكل بس ممكن تكون سعر اعادة البيع مش حلو اوى، يفضل انك مش تبيع قبل اربع او خمس سنين عشان مش تخسر فيها.

[hitham_sh]

اختيار موفق ان شاء الله، العربية حلوة اوى وكانت عملة شغل جامد فى معرض اوتوماك اللى فات.
التوكيل كل مشكلته انه مش بيعمل دعاية لعربياته، هو شايف ان اكبر دعاية ان عربياته تمشى فى الشوارع وعشان كده هو بينزلها بسعر قليل، حاجة كمان وهى الضغط على مركز صيانة واحد لكن المشكلة دى ها تتحل مع افتتاح ثلاثة مراكز خدمة اخرى على اخر السنة.
قطع الغيار الميكانيكية هى هى بتاعة الجراند عشان هو هو نفس الموتور ودى ميزة عشان قطع الغيار بتاعته ابتدت تنتشر بره التوكيل.
بره التوكيل اشهر واحد بيتعامل فى جميع قطع الغيار هو الكيلانى فى شارع شامبليون فى وسط البلد
التكييف بتاعها ممتااااااز عشان يابانى
موضوع النقلة ببقى هى كا تكنولوجيا افضل من السيريون والخامات الداخلية افضل بردو، يبقى انك تروح اى معرض وتشوف العربية على الحقيقة وانت اللى تحكم، وطبعا الاداء شبه واحد لان الايفو 1400 سى سى والسيريون 1300 سى سى

المشاكل بس ممكن تكون سعر اعادة البيع مش حلو اوى، يفضل انك مش تبيع قبل اربع او خمس سنين عشان مش تخسر فيها.

اشكرك على سرعة الرد وربنا يجزيك كل خير

[fouady]

demasry قام بالواجب وزيادة

[Ralliart]

اكيد هتحس بفرق في كل حاجه بالذات في الخامات حاجه تانيه خالص وهتحس بالتكنولوجيا في البلو اند مي وكمبيوتر العربيه وامكانياته
بس في الاداء السيريون تتفوق في السرعات العاليه والفرق قليل في السرعات الصغيره علشان عزم الفيات 115 عند 3000 rpm وعزم السيريون 123 عند 4400 rpm
بس السيريون اكتر من الفيات ب 15 حصان

[abdelrahman82]

طب ياجماعة الفتيس الاوتو في الايفو او الجراند في شكوى منه؟؟؟؟؟؟؟؟؟؟؟

[damasry]

اشكرك على سرعة الرد وربنا يجزيك كل خير

العفو يا فندم ولو ليك اى استفسار تانى تحت امرك

demasry قام بالواجب وزيادة

يا باشا انا يادوب قلت شوية معلومات على قدى عارفها.
جزاك الله خيرا

اكيد هتحس بفرق في كل حاجه بالذات في الخامات حاجه تانيه خالص وهتحس بالتكنولوجيا في البلو اند مي وكمبيوتر العربيه وامكانياته
بس في الاداء السيريون تتفوق في السرعات العاليه والفرق قليل في السرعات الصغيره علشان عزم الفيات 115 عند 3000 rpm وعزم السيريون 123 عند 4400 rpm
بس السيريون اكتر من الفيات ب 15 حصان

شكرا يا باشا على الاضافة القيمة وفيه ناس بيعدلوا على الموتور بتاع الجراند (اللى هو هو بتاع الايفو) وبيزودوا القوة الحصانية للموتور

طب ياجماعة الفتيس الاوتو في الايفو او الجراند في شكوى منه؟؟؟؟؟؟؟؟؟؟؟

الفتيس نفسه مفيش شكوى، بس هو محتاج شوية تعود منك عليه عشان هو فتيس مانيوال فى الاصل بدبرياج كهرباء

[amrseba]

طب ياجماعة الفتيس الاوتو في الايفو او الجراند في شكوى منه؟؟؟؟؟؟؟؟؟؟؟

هو فتيس جديد فلازم تتعود عليه وتتعامل معاه صح والعربببببيه مفيهاش عيوب خالص

[Abdo_Eldesokey]

أنا رأيي تراجع المواضيع الخاصة بصيانات الأعضاء في أوماترا قبل اتخاذ قرار الشراء

وربنا يوفقك للي فيه الخير

[MedaSam]

What do you mean by electrical debreage? ..... sorry I do not have Arabic keyboard now

[damasry]

نفس الدبرياج العادى ولكن كهرباء بيقوم بالنقل فى الوقت المناسب بدلا من ان تقوم انت بالنقل، طبعا كل ده جوه الفتيس، انت كل الظاهر عندك بدال ينزين وفرامل فقط.