زيت فتيس الفيورا

[sweetheart_]

لو سمحت يا جماعه انا عايز اعرف بس المعلومه الاكيده عن طريقة تزويد زيت الفتيس للفيورا هلى من تحت العربيه ودى انا شاكك فى صحتها لان اصلاً الطبه فى نص الفتيس يعنى النص اللى فوق هيبقى ناقص وكمان لانى مره كنت بغير كاوتشة الزيت فطبعا الزيت نزل ولما رحت ازوده قالى تلت تربع كيلو بس طاب ازاى وانا فكيت الجلده يعنى كنت متوقع يكون نقص 2 كيلو ولا حاجه
ممكن يكون بيتزود عن طريق كابل عداد السرعه زى المازدا القديمه ولا فى الفيورا ملوش دعوه بالزيت

[semsem7777]

التزويد من فوق ليه فتحه بيزود منها

[heshamzaky]

بص يا باشا الراجل زودلك زيت الفتيس كدة صح لا يمكن تزويد زيت الفتيس الا عن طريق الطبة الى ناحية الشمال ناحية الرادياتير و تلت تربع كيلو و معلش انهى كاوتشة زيت الى انت غيرتها انت فكيت الفتيس مثلا او الكبالن و لا لآ

[sweetheart_]

شكرا على الرد وانا فكيت كاوتشة زيت الكوبلن الطويل

[heshamzaky]

شكرا على الرد وانا فكيت كاوتشة زيت الكوبلن الطويل

ما عندكش مشكلة كدة معقول جدا جدا و بص للتأكد لو مش مطمئن ادخل اى محطة تعجبك و اكشف على زيت الفتيس تانى الكلام دة ب 2 جنية بس و شوف حا يقولك ناقص و لا تمام و هو فعلا بيزودة بالمسدس من تحت العربية و عادى جدا هو كدة و بس مفيش تزويد الا من الفتيس من تحت انسى الموضوع كلة فى السليم

[sweetheart_]

شكرا لحضرتك على الرد

[heshamzaky]

شكرا لحضرتك على الرد

العفو يا باشا و تحت امرك فى اى استفسار لل فيورا انا معايا سوبر فيورا من سنة 90 لحد النهاردة ما بعتهاش

[sweetheart_]

شكرا لحضرتك

[semsem7777]

انا كاوتشة الجيربوكس شلتني اوي
الاول كانت بتجيب زيت غيرتهم جابوا زيت وقالولي هات المستورد متجيبش بلدي
جيب اليوغسلافي ابو 15 جنيه الكنز شوية
بقاله شهرين ودلوقتي بدأ يعرق زيت على الاكس الخارج من الجيربوكس من غير نقط
عندكم اقتراحات

[sweetheart_]

انا كاوتشة الجيربوكس شلتني اوي
الاول كانت بتجيب زيت غيرتهم جابوا زيت وقالولي هات المستورد متجيبش بلدي
جيب اليوغسلافي ابو 15 جنيه الكنز شوية
بقاله شهرين ودلوقتي بدأ يعرق زيت على الاكس الخارج من الجيربوكس من غير نقط
عندكم اقتراحات

فعلا دى مشكله النى برده كل شويه الجلده تتقطع واروح اغيرها واخر مره من اسبوعين وجبت اليوغسلافى برده ولسه مبصتش عليها اتقطعت ولا ايه انا شاكك ان ممكن اللى يعمل كده تكون الكاوتشه دى مش راكبه مرتاحه يعنى عمود الكوبلن ميكنش مظبوط مثلا او عايز يتغير وكمان شاكك انها ممكن توكون قواعد الموتور والفتيس متكله فتكون بتضغط على العمود فبيبوظ الجلده بسره وطبعا مش مستبعد ان الجلد اللى فى السوق تعبانه جداً وعامة لو حد ليه راى ممكن يشاركنا