ازاى اشترى سيارة الشعب؟؟ 127 او 128 طبعا

[aymangalal510]

السلام عليكم جميعا
معلش استحملونى شوية انا لسه جديد فى الـ car وعايز حد يدلنى بالراحه وبوضوح ويكسب فيا (صواب)
انا معايا اول عن اخر 14 الف ونويت (والنية لله) ابقى من اصحاب العربيات و وبما انى من الشعب ... رسى اختيارى على سيارة الشعب 127 او 128 لانهم فى حدود الميزانية
وترتيبى كالتالى: طبعا بالنسبة للسعر بس والباقى بقى على الله ثم على مشورتكم
اجيب حاجة فى حدود 10 او 12 واخلى 2 للتظبيط والذى منه .... لانى عرفت ان اى عربية قديمة اكيد هتحتاج تظبيط حتى لو متظبطة عشان تتباع
المطلوب بقى الاجابة على الاسئلة الاتيه (اجبارى): طبعا بهزر انا بطلب بأدب
هل الترتيبة دى كويسة ومعقولة ولا لأ؟؟
والمبلغ المقترح يجيب موديلات من كام لكام؟؟؟؟
والافضل ايه؟ 128 ولا 127؟؟ ملحوظة(الاستخدام عائلى مش شبابى)
وايه الفرق بينهم؟؟؟؟
الاهم من ده كله بقى وبصفة عامة وبخلاف الميكانيكى والسمكرى والحد الفاهم ازاى اقدر اعرف حالة العربية الحقيقة(ازاى اشترى واقدر الحالة يعنى من باب العلم بالشىء) اخد بالى من ايه ؟؟؟؟
(الايه ده اللى هى الحاجه اللى انا ماعرفهاش طبعا عشان كده برمز لها بـ إيه
والايه ده موجود فى انهى مكان فى العربية ؟؟؟ ولو الايه ده كان كذا يبقى ماشتريهاش ؟؟
انا عارف ان العربيات القديمة معظمها فى حالة يرثى لها لكن على قد اللى معايا
انا عارف انى هسمع مقترحات بأنى ازود المبلغ شوية واجيب حاجة احسن لكن للأسف نو امكانيات اكتر من كده

عشان كده ياريت بقى من اهل الخبرة مع النوعية دى من العربيات انهم يفيدونى بكل حاجة كل حاجة كل حاجة عشان ابتدى رحلة كفاح مع العربيات وانهى رحلة كفاح مع المواصلات
ويا سلاااااااااااااااااااااااام لو فى معلومة بالصورة عشان الواد يبقى متخيل شكل الحاجه
وربنا مايوقعقوا فى سيارة الشعب

[bakkoor]

السلام عليكم جميعا
معلش استحملونى شوية انا لسه جديد فى الـ car وعايز حد يدلنى بالراحه وبوضوح ويكسب فيا (صواب)
انا معايا اول عن اخر 14 الف ونويت (والنية لله) ابقى من اصحاب العربيات و وبما انى من الشعب ... رسى اختيارى على سيارة الشعب 127 او 128 لانهم فى حدود الميزانية
وترتيبى كالتالى: طبعا بالنسبة للسعر بس والباقى بقى على الله ثم على مشورتكم
اجيب حاجة فى حدود 10 او 12 واخلى 2 للتظبيط والذى منه .... لانى عرفت ان اى عربية قديمة اكيد هتحتاج تظبيط حتى لو متظبطة عشان تتباع
المطلوب بقى الاجابة على الاسئلة الاتيه (اجبارى): طبعا بهزر انا بطلب بأدب
هل الترتيبة دى كويسة ومعقولة ولا لأ؟؟
والمبلغ المقترح يجيب موديلات من كام لكام؟؟؟؟
والافضل ايه؟ 128 ولا 127؟؟ ملحوظة(الاستخدام عائلى مش شبابى)
وايه الفرق بينهم؟؟؟؟
الاهم من ده كله بقى وبصفة عامة وبخلاف الميكانيكى والسمكرى والحد الفاهم ازاى اقدر اعرف حالة العربية الحقيقة(ازاى اشترى واقدر الحالة يعنى من باب العلم بالشىء) اخد بالى من ايه ؟؟؟؟
(الايه ده اللى هى الحاجه اللى انا ماعرفهاش طبعا عشان كده برمز لها بـ إيه
والايه ده موجود فى انهى مكان فى العربية ؟؟؟ ولو الايه ده كان كذا يبقى ماشتريهاش ؟؟
انا عارف ان العربيات القديمة معظمها فى حالة يرثى لها لكن على قد اللى معايا
انا عارف انى هسمع مقترحات بأنى ازود المبلغ شوية واجيب حاجة احسن لكن للأسف نو امكانيات اكتر من كده

عشان كده ياريت بقى من اهل الخبرة مع النوعية دى من العربيات انهم يفيدونى بكل حاجة كل حاجة كل حاجة عشان ابتدى رحلة كفاح مع العربيات وانهى رحلة كفاح مع المواصلات
ويا سلاااااااااااااااااااااااام لو فى معلومة بالصورة عشان الواد يبقى متخيل شكل الحاجه
وربنا مايوقعقوا فى سيارة الشعب

بص ياباشا انا هاقولك انا عملت ايه لانى برضه زيك لسه جديد فى الكار

اولا انا دورت على عربيه اكون عارفها يعنى حد من اصحابى او كده ولما فلست قولت انزل السوق بس حسيت انه هايتنصب عليا وربنا بعتلى عربيه معرفه بس من بعيد علشان كده اشتريتها على طول بسعر يعنى ممكن تقول غالى شويه انا جيبت 128 موديل 91 ب 18 الف

تانى حاجه انت عايز العربيه ليه ؟ تتعلم عليها السواقه وتبيعها والا هاتخليها معاك

لو هاتتعلم عليها بس يبقى فيه اقتراحين

الاول انك تجيب موديل فى التسعينات علشان ماتتعبكش وتتعلم عليها وتاخد فلوسك تانى لما تبيعها
التانى انك تجيب حاجه كده سبعينات بحاجه بسيطه كده وتقلبها على طول

اما لو كنت هاتخليها فاانصحك ماتجيبش غير 90 او 91 او 92 بس علشان ماتقرفكش كتير واو مش معاك يكمل اصبر لما تكمل وماتستخسرش فى حاجه لانه كله حسب حالته وسيبك من اللى يقولك اييييييييييه 128 ب 18 الف لييييييييييييييييييييييييييييييييييه


كل جنيه هاتدفعه هتاخد مزايا قصاده وهاتريحك فى السير

اما الاختيار فانصحك ب 128 لانها عائليه اكتر من 127

الحاجات الفنيه بقا انا ماليش فيها لانى لسه جديد انا قولتلك على قد ما اعرف

[mohamed9999]

18000 جنيه على 128 موديل 91 كويس اوى يا ريت كانت قبلتنى من سنه كنت اشترتها علىطوووووووووول ربنا يباركلك فيها يا باكووووور بس مقلتليش بتحط بنزين كااااااااام(ههههههههه) بهزر معاك

[mohamedrabia]

انا من وجهة نظري 128 عائلية اه بس الشاسية كبير اووي والماتور قواعده ضعيفة جداااااا اعرف ان 127 احسن في الناحية ده بس ماتور اقل في السعة بس هتلاقي موديلات عاليه في ال127 بسعر افضل من 128 علشان الشنطة وان الناس بتفضلها في 128 بس انت فعلا ناوي تشتري ليه علشان تركب ولا تتعلم ولا تبيع لو هتركب ممكن تزود شوية وتشتري سوزوكيس ماروتي مثلا هتكون موديل عالي سيارة حديثة اقتصادية لان القديم اكيد البروما مدلعه ده رائي وربنا يكرمك

[aymangalal510]

شكرا على سرعة الرد والافادة يا bakkoor
لكن ايه الفرق بين حد معرفة او حد غريب؟؟
عندى واحد زميلى فى الشغل قال هيجيبلى مو90 على تقريب20 وفيه كلام وممكن ادفع اللى معايا والباقى بعدين
ماحنا موظفين بقى وبنتقابل اخر الشهر هههههههه
هوه لسه ماجابهاش وهالمفروض هيجيبها يوريهالى بكره ونشوف
ومعايا واحد تانى مر بتجربة الشراء دى بس هوه عنده هيونداى اكسل وهيبقى يشوفها معايا وعنده برضه فكره عن حالة تقدير العربية وقالى بس الاضمن ننزل على الحرفين نوريها لكام صنايعى يقدرها(انا شغلى فى العبور جنب السلام والنهضة يعنى العملية قريبة) فا ربنا يسهل ان شاء الله وهقولكم ع اللى هيتم
بس انا كان املى ان حد يدينى كام معلومة ااقدر اشوف بيها العربية واقدرها كويس ده غير التقدير المادى اللى تستاهله طبعا
وشكرا مرة تانية على ردك والنصايح الغالية

[aymangalal510]

معلش نسيت ااقول
انى هشتريها استخدام عائلى ومشاوير توصيل على خفي مرة او اثنين فى الاسبوع
انا كل ماسمع سيرة زود شوية دى بتنرفز ماهو لو فيه اكتر من كده كنت هجيب احسن طبعا
وبالنسبة للماروتى مالقيتش ااقل من 25 موديل الفينات واخر تسعينات انا عارف انه حلوه قوى واقتصادية جدا للاستخدام العائلى بس عالية اوى عليا
وبعدين انا عامل حسابى على حاجه بـ 13 الف + 2 للتظبيط
لانى مش عايز احط الـ 15 كلهم بالتأكيد اة موديل هيحتاج تظبيط حتى ولو قليل

مش كده ولا إييييييييييه؟؟؟؟؟؟؟؟؟؟؟؟؟؟

[aymangalal510]

عندى استفسار تانى
لو حبيت اجيب عربية ينفع لها تركيب تكييف اكيد هحتاج اسقط موتور بتكييفة صح كده؟؟؟
ايه الموتور ابو تكييف والنوع الانسب له فى كل حاله 127 و 128 وتكلفته كام تقريبا
يهمنى اوى موضوع التكييف ده يا جماعه خصوصا الايام اللى جايه
وماحدش يقولى اصبر وكمل وهات لان ااقل عربية مكيفة مش هتقل عن 30 الف
ياريت حدى يقولى

[mmffor]

the air condition can be fixed in the fiat 128 and it will cost you 2800 pounds if its new with japanese compressor or from 1800 - 2000 for used aircond. but i recommend the new air condition because it has guarantee! i prefer the fiat 128 than 127 because the body parts are much more available thn the 127 and the rust alwys much less than the fiat 128

[aymangalal510]

مشاركتك محتاجه نقاش تفصيلى يا mmffor

[aymangalal510]

the air condition can be fixed in the fiat 128 and it will cost you 2800 pounds if its new with japanese compressor or from 1800 - 2000 for used aircond. but i recommend the new air condition because it has guarantee! i prefer the fiat 128 than 127 because the body parts are much more available thn the 127 and the rust alwys much less than the fiat 128

المناقشة بقى يا mmffor باشا كالتالى:
حضرتك بتقول ان التكييف ممكن للـ 128 ازاى وموتورها 1100 وبالكتير 1300؟؟؟
تانى حاجه هل ينفع للـ 127 على موتورها الاصلى؟؟
بالنسبة للسعر سواء جديد او مستعمل (مع ان الجديد فضل لان له ضمان) فى معدل مقبول ويمكن شراؤه (وشكرا لتوضيح متوسط السعر)
النقطة الاهم ان حضرتك بتفضل الـ 128 عن الـ 127 فى الموضوع ده ليه؟معلش الترجمه مش مجمعة معايا فى النقطه دى رجو التوضيح

[mmffor]

i didnt say you can fix A/C for 127 i said its possible with 128 ! and whats wrong with 1100 cc engines? the polo has 1000 cc and have a/c and the maruti has 800 cc and have a/c and the smart car have 650 cc and also have a/c!! then about the 128 is better than 127 because its spare parts is much more available and it doesnt rust easily like the 127

[Piowood]

عندى استفسار تانى
لو حبيت اجيب عربية ينفع لها تركيب تكييف اكيد هحتاج اسقط موتور بتكييفة صح كده؟؟؟
ايه الموتور ابو تكييف والنوع الانسب له فى كل حاله 127 و 128 وتكلفته كام تقريبا
يهمنى اوى موضوع التكييف ده يا جماعه خصوصا الايام اللى جايه
وماحدش يقولى اصبر وكمل وهات لان ااقل عربية مكيفة مش هتقل عن 30 الف
ياريت حدى يقولى

انا فهمت سؤالك .. بص يا باشا انت عشان تركب تكييف في عربية 128 لازملك موتور ريجاتا 1500 سي سي ودة ممكن يركبلة تكييف عادي بس اقل من كدة مستحيل يعني لا موتور 1100 وللا 1300 . هو بتاع الريجاتا ال 1500 سي سي

بس خلي بالك ان كل حاجة ليها حاجتها يعني مثلا العفشة هتضايقك مع الموتور دة لأنها مصممة لموتور 1100 او 1300

..

[Piowood]

)
النقطة الاهم ان حضرتك بتفضل الـ 128 عن الـ 127 فى الموضوع ده ليه؟معلش الترجمه مش مجمعة معايا فى النقطه دى رجو التوضيح[/quote]


ممكن انا ارد على حضرتك . ان ال 128 أفضل من ال 127 في :

1- موتور أقوى
2- عفشة متينة عن ال 127
3- صالون أوسع
4-فيها شنطة ودة بيفرق في السفر
وكمان شكلها بيعجبني عن ال 127
انا بجد سوقت دي و دي لكن ال 128 أفضل مش هاقولك بمراحل لا .. بس ولو أفضل نسبيا ..

[aymangalal510]

متابع عشان استفيد

[bassem.naguib]

يا جماعة الخير .. وجهة نظري صعب تركيب تكييف في الـ 128 .. ومش حيبقى بالكفاءة المطلوبة .. ولإمكانية تنفيذ الكلام ده يجب مراعاة الأتي :

1) مراجعة جميع أجزاء الصالون الخاص بالسيارة من فتحات والتأكد تماماً من سدها وخلوها من أي تسريبات ممكنه للهواء .
2) تركيب موتور جديد ولا أنصح بأقل من 1500سي سي ، وما يتبع ذلك من تعديلات في الحوض والشاسيه ، وإن كانت غير مضمونة العواقب .. واللينك ده اعتقد فيه الكلام المفيد من جميع وجهات النظر .. وكل واحد ممكن يقرر أنسب قرار ليه .

http://www.nilemotors.net/Nile/152979-128.html

3) تغيير الكاوتش الخاص بالأبواب لضمان عدم تسريبه للهواء الخارجي .
4) من وجهة نظري تغيير التابلوة بتابلوه أونو على سبيل المثال (إذا كان مناسب للـ 128).. وذلك للتغلب على سوء وضعية فتحات تهوية 128 .

وفي النهاية لو جينا حسبنا تكاليف الكلام ده كله أعتقد أنه حيكلف كتير بخلاف التعب والمجهود المبذول في التعديل .

أنا مش ضد التعديل .. بس لو الواحد غاوي وعنده استعداد أنه يصرف بغض النظر عن المردود وده في مقابل الشد والجري وتركيب تكييف .. إنما لو واحد عاوز يركب العربية لتقضية مشاويره العائلية يبقى منصحوش يعدل كتير .