اسعار تكييف فيات - تمبرا

[sheashaa76]

السلام عليكم ورحمة الله وبركاته
لو سمحتكم لو ممكن الإفادة لو أمكن
انا اشتريت سيارة Fiat - Tempra
1400 سى سى - موديل 92 هى حالتها فوق الممتازة جدا السيارة فابريقة
عاوز اركب لها تكييف
هل ممكن اركب لها تكييف ولا ما ينفعش لها تكييف
ولو ممكن عاوز اعرف سعر التكييف كام بجميع مشتملاته
وايه افضل انواع التكييفات اللى ممكن اركبه للسيارة ومين افضل واحد اشتريه واركبه عنده

[semsem_uno]

تكييف sanden الياباني و ده افضل تكييف
جديد بكل حاجة من التوكيل ب3000 او 2500 مش فاكر و بالتركيب و ضمان سنة بس اتأكد من سلامة كاوتشات الأبواب و العازل اللي بين التابلوه و الموتور
هتجيب النمرة من الدليل قولو توكيل ساندن لتكييفات السيارات و مكانه في المعادي

[heshamzaky]

مبروك على العربية اولا اما بالنسبة لل أسئلة الموضوع عشان تبنية من البداية اولا التابلوة الى عندك هل راكب فية الثلاجة و لا لآ و ما هى حالتها و على فكرة حا تغير شوية حاجات كتير يعنى العملية مش مجرد تكيف يركب و بس لآ فية مكثف كهرباء لازم يركب و مروحة رادياتير حا تتغير و شوية حاجات كدة الموضوع يطول شرحة و لو رحت لواحد بتاع تكيفات و انت مش عارف العربية الى معاك دى و حافظها العملية مش حا تكون مظبوطة و حا يبقى عك فى عك بالنسبة لرد سمسم عليك الكومبريسور الساندن دة فعلا كومبريسور يابانى محترم بس انا شفتة و هو راكب فى التمبرا مع زميل لنا هنا فى المنتدى و اسمة kdesoki هو الكمبريسور بحتاج ظبتة شوية و الا حا تلاقى سير التكيف بيحك فى جسم العربية عند حوض الموتور و لو جبت تكيف التمبرا الاصلى استيراد كامل ممكن تدخل فى حدود 2000 جنية على اقل تقدير و دة رايى انا الشخصى اسأل فى توكيل ساندن و لازم يشوف العربية و قولى اية الاخبار و قولنا قبل ما تاخد قرار ممكن نفيدك بمعلومات لاننا فى رابطة التمبرا تقريبا حافظين العربية اكتر من بعض الصنايعية او حتى التوكيل بتاع التكيف و دة مش تقليل من شأن توكيل شركة التكيف بس لطبيعة العربية يعنى فى التوكيل هو عايز جديد فى جديد علشان يعرف يشتغل بس العلابية ك عربية احنا حافظين تفاصيل مش حا يعرفها الا الى راكب العربية دى و ايدة فيها و دة راى شخصى يقبل الخطأ او الصواب

[galilio_mad]

التكييف بكامل مكوناته و مشتملاته ( استيراد من بورسعيد ) 1500 قطع و 500-800 مصنعية تركيب
من سنتين واحد قاللى بالتركيب و كل قطعة على التجربة ب 1800ج

[reemnabel]

انا موديل عربيتى 93 و 1400 بس ناس مركبه التكيف على نفس عربيتى والعربيه بتقطع وبتسخن
فا بصراحه خفت اركبه لكن

[ahmedbibo]

ياريت تقولنا يا باشا جبتها بكام ومنين وفبريكا بره وجوه ولا ايه وعدادت ايه دجيتال ولا عادى وهيا كاربيراتير صح ولا انجكشن

[galilio_mad]

انا موديل عربيتى 93 و 1400 بس ناس مركبه التكيف على نفس عربيتى والعربيه بتقطع وبتسخن
فا بصراحه خفت اركبه لكن

بتقطع و بتسخن يبقى التكييف راكب غلط او فيه مشاكل

[m2010]

هتلقيه موجود عند موسى وده رقم تليفونه
اتصل واسال وده هيفيدك فى الاسعار0127371664

[abdelmessih67]

الاخ الفاضل sheashaa76

اهلا بك , كل الشكر للأخوة اللي أضافوا , الاخ سمسم و أساتذة التمبرا الاخوة جاليليو و هشام زكي .

تكييف ساندن ناس كثير بتشكر فيه و لكنه ليس التكييف الاصلي للتمبرا , الكمبرسور الاصلي اللي بيركب في التمبرا هو هاريسون أمريكي و الكلام ده بسؤال ورشة am للتكييف اللي أرشدني لها مشكورا الاخ تامر زلباني و سألت على الكمبرسور جديد عند يوسف ب 2000 جنيه و عند الكيلاني ب 2500 و الاثنان هاريسون امريكي .

يعني تركيب ساندن على التمبرا بيستدعي تغيير قاعدة تركيب الكمبرسور و الخراطيم لو كان أصلا راكب فيها الكمبرسور الاصلي .

لو عايز كمبرسور استيراد ممكن تلاقي كثير جدا في الوكالة سعره من 300 الى 350 جنيه عند واحد اسمه ايهاب النابت و هو بيشتغل في الكمبرسورات الاستيراد فقط و تلاقي المحل عنده كله كمبرسورات بتاعة كافة أنواع السيارات .

أنا فاكر مرة سألت على سربنتينة التكييف اللي في التابلوه لقيتها استيراد عند الكيلاني ب 400 جنيه و ربنا ستر و طلعت عندي سليمة و الكمبرسور كان محتاج طقم اويل سيلات فقط .

لكن المشكلة أن تركيب التكييف للتمبرا لو كانت غير مجهزة معناها لازم تغير المروحة زي ما الاخ هشام زكي قال و كما لازم تغيرر الكاربيراتير لانه حسب معلوماتي فأن الكاربيراتير للعربية المكيفة يحتاج وحدة رفع سلانسيه تعمل أوتوماتيكيا مع تشغيل التكييف و بعدين ستحتاج لتركيب طنبورة على عامود الكرنك لتدوير الكمبرسور فهل هناك طول كافي لتركيبها أم لا .

أنا يهيئ لي الشغلانة صعبة شويتين و ممكن تعمل مشاكل مع واحد مش فاهم في العربية و يقعد يفتي و يلعب فيها و لو عايز رأيي أبعد عن الشر و غني له , طالما العربية فابريكة زي ما بتقول بلاش تعدل فيها كثير .

[heshamzaky]

استاذ abdelmessih67 عامل اية يا باشا مختفى عننا من مدة يا باشا و الكلام الجميل الى انت كاتبة ما اقدرش اقولك الا الله ينور ععلى الكلام الموزون دة بس انت عارفنى بحب الصور و تدعيما لكلامك الصور يا باشا اهية

[heshamzaky]

على فكرة اليوم كنت فى عزبة شلبى انا و الاستاذ هانى و سالنا على موضوع التكيف لل التمبرا ال 1400 سى سى الراجل قال حا تشترى حاجات كتير شوية و لازم تغير رادياتير و مروحة المكيف و طبعا المجموعة الى فيها التلاجة و خراطيم و كومبريسور و مجموعة فيوزات المروحة المكيف الاجمالى كتير نسبيا مش قليل

[abdelmessih67]

أهلا يالاخ الفاضل النشيط جدا هشام زكي , الصور التي تعرضها فعلا مفيدة جدا , أنت و الاخ جليليو مدرسة لتعليم التمبرا أنا فعلا باستفيد جدا منكم و باحاول أحفظ أجزاء العربية عن ظهر قلب بمتابعة ردودكم المفيدة جدا .
على فكرة أنا متبع المنتدى باستمرار لكن بأكتب فقط في المواضيع التي تعرضت لها و سألت عنها لكن لا أحب أكتب عمال على بطال خاصة لو مش فاهم .

أنا رأيي الخاص ان موضوع تركيب التكييف لعربية غير مجهزة له أصلا غير مفيد لانه سيسمح للصنايعية بتغيير ضبط و تصميم الفابريكة و في رأيي أن ده في ضرر كبير بأي عربية

[adelco]

أهلا يالاخ الفاضل النشيط جدا هشام زكي , الصور التي تعرضها فعلا مفيدة جدا , أنت و الاخ جليليو مدرسة لتعليم التمبرا أنا فعلا باستفيد جدا منكم و باحاول أحفظ أجزاء العربية عن ظهر قلب بمتابعة ردودكم المفيدة جدا .
على فكرة أنا متبع المنتدى باستمرار لكن بأكتب فقط في المواضيع التي تعرضت لها و سألت عنها لكن لا أحب أكتب عمال على بطال خاصة لو مش فاهم .

أنا رأيي الخاص ان موضوع تركيب التكييف لعربية غير مجهزة له أصلا غير مفيد لانه سيسمح للصنايعية بتغيير ضبط و تصميم الفابريكة و في رأيي أن ده في ضرر كبير بأي عربية

السلام عليكم
ازيك يا باشا وحشتنا مداخلاتك
والله يا اخى هشام مجننا بالصور اللى مغرقانا مخلى المواضيع بتبان سهله جدا
تحس كده انك ممكن تفك العربيه وتجمعها لو صبرت معاه شويه
يعنى اخر حلاوة ربنا يخليك لينا يا h
عموما انا متفق معاك ان التكييف هيبقى حاجه صعبه جدا ومحتاج صنايعى فاهم وكمان صاحب العربيه لازم يكون قفاهم برضه عشان الموضوع يبقى كويس

[heshamzaky]

أهلا يالاخ الفاضل النشيط جدا هشام زكي , الصور التي تعرضها فعلا مفيدة جدا , أنت و الاخ جليليو مدرسة لتعليم التمبرا أنا فعلا باستفيد جدا منكم و باحاول أحفظ أجزاء العربية عن ظهر قلب بمتابعة ردودكم المفيدة جدا .
على فكرة أنا متبع المنتدى باستمرار لكن بأكتب فقط في المواضيع التي تعرضت لها و سألت عنها لكن لا أحب أكتب عمال على بطال خاصة لو مش فاهم .

أنا رأيي الخاص ان موضوع تركيب التكييف لعربية غير مجهزة له أصلا غير مفيد لانه سيسمح للصنايعية بتغيير ضبط و تصميم الفابريكة و في رأيي أن ده في ضرر كبير بأي عربية

ازيك يا باشا اخبارك اية و عامل اية بص و الله انا لا مدرسة و لا حاجة انا بس بدقق فى الحاجة الى امامى كويس و جاليليو بجد فى الدعم الفنى لة خبرة عنى فى الاساسيات فى الكماليات بعيد عن الموتور تلاقينى شغال و بعدين اتشارك و اكتب خليك معانا مش مهم الموضوع بتاع العربية ان يكون فية معلومة رهيبة ختى لو كلمة منك صغيرة حا تبقى حلوة و بالنسبة للصور انا بصراحة عندى كمية صور و لما بفك حاجة برجع اصورها و احتفظ بها كسجل عندى يمكن تنفعنى او تنفع حد تانى

[heshamzaky]

معلش عاوز اضيق و اوضح حاجة صغيرة لو الكومبريسور الساندن ركب هو حا يركب بس أهم حاجة يركب و يتعلى لفوق شوية لان الحكة ممكن تكون فى سير التكيف من المكان الى معلم علية فى الصورة و بالمناسبة هناك مقاسين من سيور التكيف للتمبرا واحد عريض شوية صغيرة و الثانى أرفع شوية و الصور اهية