ايه افضل بطاريه

[bakkoor]

يااجماعه انا هاغير بطاريه لعربيتى 128 مو 91 ياترى ايه افضل بطاريه من حيث الامبير يعنى اجيب 50 ولا 55 ولا 60 امبير ومن حيث النوع سائله ولا جافه ومن حيث الشركه اجيبها منتج ايه فارتا ولا نسر ولا ايه بالظبط

وشكرا ليكو

[medo_sirion]

طبعا لازم تجيب زى اللى نازلة بية العربية
واعتقد 40 امبير
ولية دة الافضل لان الدنمو بيكون متصنع لشحن 40 امبير فقط ولايس اكتر

[amro1965]

للاسف انا معنديش خبرة فى البطاريات رغم انى لسه مغير بطارية جافة ماليزى مش مسمعه
اللى خلانى اشتريها ان توكيلها قريب من مكان منزلى علشان الضمان والصيانة والحمد لله كويسه
لكن عن تجربه احذرك تجيب بطارية مياه كرهتنى فى حياتى اولا الفايز بتاعها بياكل حوض السيارة ثانيا انتى مش هتعرف تزود المياه المقطرة فى العيون مالاخر هاتها جافه تحافظ على حوض سيارتك
والعدسه اللى جواها بتعطى لك بيان دائم من حيث الشحن
اللون الاخضر بطاريتك مشحونه تمام
اللون الاسود بطاريتك فاضية ومحتاجه تمشى مشوار محترم تتشحن بعدها
اللون الابيش بطاريتك محتاجة تتغير
من غير وجع دماغ
اللهم انى بلغت
مع تحياتى
عمرو المصرى

[sweetheart_]

الجافه لازم كهربة عربيتك تكون مظبوطه تمام التمام وعيب الجافه انها ممكن تبوظ فجاءه من عيب فى الكهربا انا جايب سائله فارتا 40 لل27 وكويسه ما شاء الله وطول ما انت مش مزود الميه عن المعدل بتاعها مفيش تفويض واسال برده

[amrbakly]

اية سي ديلكو و اشتري نفسك

داخلة معايا في 8 شهور اهي و شغالة زي الفل كانت عاملة 370 افتكر

انا كنت جايب 55 للأونو علشان فيها تكييف، رغم ان التكييف بايظ يعني و عايز يتصلح
:d

[bakkoor]

انا جيبت بطاريه 70 امبير الكهربائى قالى كل ما الامبير اعلى كل ما كان افضل


ايه رايكو ده كلام صح والا ايه ؟

[ahmedfouad]

لو عندك طاقم صوت ومستهلكات كتيرة يبقى الامبير العالى احسن

[bakkoor]

لا ياباشا

لو عندك طاقم صوت ومستهلكات كتيرة يبقى الامبير العالى احسن

انا ماعنديش طقم صوت انا مركب 4 سماعات وكاسيت