رايكم في سيارة تمبرا 1991

[heshamzaky]

استاذ زلاباني هيا ماشية 26 الف كيلو وليست 260 الف كيلو

معلش يا باشا انا خايف لحسن يكون الراجل مغير العدادات دول كلهم ب 200 او 250 جنية ايوة كل مجموعة العدادات الى بتنور بص حا اقولك ممكن تقفش الموضوع ازاى بص يا سيدى بص على طارة الدريكسيون كويس مكان ما بتطغت على الكلاكس حتلاقية محبب و خشن شوية لو مكان زرار الكلاكس ناعم و ممسوح اسمحلى الراجل الى بيبيع العربية بيهرج فهمت قصدى الطارة اول حاجة ممكن تفقس الموضوع و بعدين لما تفتح الكبوت هناك ظواهر اخرى

[ZALABANY]

معلش يا باشا العتب على النظر بس 26 الف دي غريبه جدا ياراجل دا العربيات الكسر زيروا موديل سنتسن فاتوا بتبقى ماشيه اكتر من كده عامة بص على العربية نفسها حالة الفرش الدهان فابريكه ولا ايه برده الحاجات دي يتديلك مدي استخدام العربية والله اعلم

[heshamzaky]

صباح الفل يا زلبانى باشا

[hany121]

صباح الفل يا رجاله..

أ. هشام العدادات بالكيلومتر وليس الميل وفي حالة العربيه المعروضه علي زميلنا start انا انصحه انه ما يشتريش من الراجل ده لانه غير امين بالمره . ازاي عربيه بقالها 20 سنه وماشيه 26 الف كيلو؟!!!

العربيه اكيد مغيره عدادات او العداد بايظ وما بيعدش ولو ان الاحتمال ده مستبعد لانه صعب عدادات تمبرا تبوظ بعد 26 الف كيلو..

طالما الراجل كدب في حاجه زي ده يبقي كل اللي هيقولهولك كدب واولهم قصه كمبروسير التكييف.. وبعدين عايز 36000 جنيه وانت اللي تركب الكمبروسر وطبعا تشحن فريون واحتمال كبير جدا تلاقي دورة التبريد كلها فيها مشكله..

[heshamzaky]

هانى باشا صباح الفل يا باشا بص انا مش قصدى على عداد السرعة انا قصدى على عداد الكيلو مترات انا شفت عدادات ديجيتال بالميل و عدادات اخرى بالكيلو متر انت قصدك ان عندك عداد السرعة و عداد الكيلومتر بالكيلومترات

[heshamzaky]

بص دة عداد التمبرا الديجيتال ال 1400 سى سى [youtube]http://www.youtube.com/watch?v=bqLAQhD3gAA&feature=related[/youtube]

[heshamzaky]

[youtube]http://www.youtube.com/watch?v=ZtOvEE7bBeI&NR=1[/youtube]دة فيديو تانى للعداد الديجيتال بس دة برضو بالكيلو اصل انا مرة شوفت تمبرا استراد العدادات بتاعتها كانت بالميل و ليس بالكيلو متر بص المهم فعلا مش ممكن العربية تكون عاملة 26 الف كيلو لو العربية داخلة استيراد ممكن من 90 الف كيلو بس 26 الف دى مستبعدها شوية

[hany121]

هانى باشا صباح الفل يا باشا بص انا مش قصدى على عداد السرعة انا قصدى على عداد الكيلو مترات انا شفت عدادات ديجيتال بالميل و عدادات اخرى بالكيلو متر انت قصدك ان عندك عداد السرعة و عداد الكيلومتر بالكيلومترات

مظبوط يا باشا

[hany121]

بص دة عداد التمبرا الديجيتال ال 1400 سى سى [youtube]http://www.youtube.com/watch?v=bqLAQhD3gAA&feature=related[/youtube]

اهو انا نفسي اللمبه الخضراء بتاعت ال economy ده ترجع تنور عندي تاني. هي كانت شغاله قبل ما اعمل طقم الشمبر . الميكانيكي ربنا ينتقم منه ما رجعش السلك بتاعها مكانه وانا مش عارف هو فين وبيركب فين..

ما تفتح القاموس يا استاذ هشام صفحة الشرح الوافي بالصور وتحاول تقولي اشغلها ازاي ..

[heshamzaky]

اهو انا نفسي اللمبه الخضراء بتاعت ال economy ده ترجع تنور عندي تاني. هي كانت شغاله قبل ما اعمل طقم الشمبر . الميكانيكي ربنا ينتقم منه ما رجعش السلك بتاعها مكانه وانا مش عارف هو فين وبيركب فين..

ما تفتح القاموس يا استاذ هشام صفحة الشرح الوافي بالصور وتحاول تقولي اشغلها ازاي :c_laugh[1]:..

بص انا حا اقولك توقعاتى قابلة للصواب او الخطأ من غير ضرب ماشى ههههههههه بص يا سيدى انا مستبعد تماما ان العيب يكون من ناحية العدادات لانة لما عمل طقم الشنبر فك الموتور مش العدادات و بالتالى فيش العدادات زى ما هية لا اتفكت و لا اتلمست ممكن يكون العيب من السلك الى واصل من الموتور الى العداد و فية حل اخر عارف مجموعة الفيوزات الى على ايدك الشمال الى شمال الدريكسيون لو كهربائى شاطر يعمل تيست بيبقى معاة سلكة صلبة او سلاح قطر و موصل فية لمبة بيشك السلك و يشوف انهى لمبة الى مش بتنور و يكشف على السلك

[adelco]

حقيقي شكرا يا شباب علي ارائكم المتميزة دي وهوا فعلا السيارة المعروضة عليا تمبرا موديل 1991 و1400 سي سي كاملة ديجيتال عدادات وهيا صاحبها بيقول ماشية حوالي 26000 كيلو بس لكن انا الحقيقة مش مصدقه اوي لان كمبروسور التكييف فيها عطلان وهو بيقولي انا شاري واحد استيراد وانا اركبه... انا بقول يعني لو هيا ماشية 26000 كيلو المفروض ده مش يبهدل التكييف لدرجه انه محتاج تغيير كمبروسور فانا بقول هيا ماشية اكتر من كده... لكن هوا بيقولي ان العدادات الديجيتال مش بيتلعب فيها ولا حاجة وهيا فبريكة برة وجوة والسيارة معروضة ب 36000 الف جنيه فايه رائيكم؟؟

السلام عليكم
والله الكلام اللى انت بتقول عليه ده صعب قوى يتحقق بس انا عاوز التمبراويه يفكروا بطريقه تانيه
تعالوا نصدق الكلام ده ونسال نفسنا شويه اسئله تساعد صاحبنا انه يعرف يميز الكلام ده صح ولا غلط
اول سؤال انا هسئله وانتوا كملوا
هل شكل العربيه مش متبهدله يعنى زى ما يكون واحد مشترى عربيه زيرو من سنتين
عاوزين حد يتكلم عن الفرش
حاله الدواخل ومنين يقدر يكتشف ان العربيه متهانه ولا لا من الدواخل
وحاله الموتور وازاى من النظرة الاولى يعرف الموتور بحالته ولا لا
حاله العفشه او العربيه من تحت ازاى يعرف منها حاله العربيه
الكاوتش ازاى يبص عليه
الجنوط
المرايات اى حاجه تدى للراجل مؤشر ان الكلام غلط او صح بس بنقاط محدده عشان هو اللى شايف مش احنا
مش جايز بنسبه 1% تكون العريه حاله شاذه

[hany121]

بص انا حا اقولك توقعاتى قابلة للصواب او الخطأ من غير ضرب ماشى ههههههههه بص يا سيدى انا مستبعد تماما ان العيب يكون من ناحية العدادات لانة لما عمل طقم الشنبر فك الموتور مش العدادات و بالتالى فيش العدادات زى ما هية لا اتفكت و لا اتلمست ممكن يكون العيب من السلك الى واصل من الموتور الى العداد و فية حل اخر عارف مجموعة الفيوزات الى على ايدك الشمال الى شمال الدريكسيون لو كهربائى شاطر يعمل تيست بيبقى معاة سلكة صلبة او سلاح قطر و موصل فية لمبة بيشك السلك و يشوف انهى لمبة الى مش بتنور و يكشف على السلك

خلاص بلاش ضرب المره ده

كلامك صح وانا فعلا عندي اسلاك في حوض الموتور خارجه من ضهر التابلوه ومش متوصله بحاجه بس المشكله اني مش عارف هي اي سلكه في دول ومكانها فين وممكن تكون ولا واحده في دول ويكون الميكانيكي اللي عايز قطع ايده قطعها وهو بيفك الموتور .. اللي خلاه بهدل الصالون والشنطه اللي ما لوش شغل فيهم مش هيقطع حتة سلك..

[heshamzaky]

خلاص بلاش ضرب المره ده

كلامك صح وانا فعلا عندي اسلاك في حوض الموتور خارجه من ضهر التابلوه ومش متوصله بحاجه بس المشكله اني مش عارف هي اي سلكه في دول ومكانها فين وممكن تكون ولا واحده في دول ويكون الميكانيكي اللي عايز قطع ايده قطعها وهو بيفك الموتور :i_angr1[1]:.. اللي خلاه بهدل الصالون والشنطه اللي ما لوش شغل فيهم مش هيقطع حتة سلك..

طالما عديت من الضرب هههههههههه يبقى حاول تبص فى الموتور لو فيشة مش راكبة او سلكة نفس اللون مقطوعة شكل السلك المقطوع حديثا حا يبان يعنى مش حا يبقى علية جنزرة و ووساخة فتعرف انة مقطوع حديثا

[hany121]

طالما عديت من الضرب هههههههههه يبقى حاول تبص فى الموتور لو فيشة مش راكبة او سلكة نفس اللون مقطوعة شكل السلك المقطوع حديثا حا يبان يعنى مش حا يبقى علية جنزرة و ووساخة فتعرف انة مقطوع حديثا

هحاول اجرب .. شكلي كده لو ما وصلتش لحل هوديها مركز جاليليو لتشخيص واصلاح العطال واسيبهاله 5 دقايق وارجع اخدها متصلحه وبتتكلم كمان مش بتنور بس ..

[galilio_mad]

هحاول اجرب .. شكلي كده لو ما وصلتش لحل هوديها مركز جاليليو لتشخيص واصلاح العطال واسيبهاله 5 دقايق وارجع اخدها متصلحه وبتتكلم كمان مش بتنور بس ..

حبيبى و الله , يا باشا انا فى الخدمة

بص , فى اختراع صغير مدور حتلاقيه راكب ورا البطارية و داخل فيه خرطوم فاكيوم من فوق و فيشة من تحت
هو ده بتاع لمبة الـ Economy/Power