رايكم في سيارة تمبرا 1991

[Innovation]

طيب رجوعا لموضوع التيمبرا .. هقول لحضرتك حاجه .. طبعا التيمبرا ماشاء الله عربيه جميله جدا
فى السفر مريحه و ثابته جدا
تاكيفها حلو اوى .. احيانا بيبوظ و بيتصلح بسهوله و يرجع زى الاول و احسن
مش لازم يكون عدادها ديجيتال يعنى احنا عربيتنا عدادات عاديه بس حلوه جدا بردو

طبعا لو ايطالى اعتقد هتكون احسن لأنها من بلدها

احنا عندنا تيمبرا مانيوال فول اوبشن 1998 ايطالى. بنسافر بيها فى الجمهوريه كلها فعلا .. و والدى عايز يغيرها و يجيب اوكتافيا بس كل مايفكر يتراجع عشان بيحب العربيه دى اوى

واسعه جداااااااا .. لدرجه اننا لما بنسوق عربيات صغيره زى الالتو مثلا و فى مره يطلب نركنله التمبرا و الا حاجه نحس ان احنا بنعوم فيها من وسعها. و شنطتها واسعه خالص.
والكنبه بتاعتها اوسع من النيسان صنى جدا.

كل قطع غيارها متوافره حتى اننا غيرنا الاكصدام قبل كده بسهوله و غيرنا الفوانيس الخلفيه ييجى اربع مرات


سعر قطع الغيار متوسط مش غالى اوى و مش رخيص اوى

خلى بالك انا شفت عربيات تمبرا كل مره اشوف الطابلوه بتاعها شكله مختلف عن العربيات التانيه .. يعنى الطابلوه بتاعها فيه اكتر من شكل .. 1998 ايطالى احلاهم طبعا :)

راعى بأه ان ممكن صاحبها يكون طاحنها و يقولك حالتها كويسه فطبعا خلى بالك يعنى

لكن عموما التمبرا عربيه جميله جدا

[ZALABANY]

أيوه كده عايزين رجالة ومشجعي التمبرا يزيدوا لحد ما كل مالكي التمبرا في مصر ينضموا للرابطه

[galilio_mad]

احنا عندنا تيمبرا مانيوال فول اوبشن 1998 ايطالى.

يا باشا مفيش ايطالى 98
اخر الايطالى 96 وبعد كده مصرى

[caysersosaih]

[QUOTE=galilio_mad;3872841375]يا باشا مفيش ايطالى 98
اخر الايطالى 96 وبعد كده مصرى[/QUOTE
تمام

[heshamzaky]

طيب رجوعا لموضوع التيمبرا .. هقول لحضرتك حاجه .. طبعا التيمبرا ماشاء الله عربيه جميله جدا
فى السفر مريحه و ثابته جدا
تاكيفها حلو اوى .. احيانا بيبوظ و بيتصلح بسهوله و يرجع زى الاول و احسن
مش لازم يكون عدادها ديجيتال يعنى احنا عربيتنا عدادات عاديه بس حلوه جدا بردو

طبعا لو ايطالى اعتقد هتكون احسن لأنها من بلدها

احنا عندنا تيمبرا مانيوال فول اوبشن 1998 ايطالى. بنسافر بيها فى الجمهوريه كلها فعلا .. و والدى عايز يغيرها و يجيب اوكتافيا بس كل مايفكر يتراجع عشان بيحب العربيه دى اوى

واسعه جداااااااا .. لدرجه اننا لما بنسوق عربيات صغيره زى الالتو مثلا و فى مره يطلب نركنله التمبرا و الا حاجه نحس ان احنا بنعوم فيها من وسعها. و شنطتها واسعه خالص.
والكنبه بتاعتها اوسع من النيسان صنى جدا.

كل قطع غيارها متوافره حتى اننا غيرنا الاكصدام قبل كده بسهوله و غيرنا الفوانيس الخلفيه ييجى اربع مرات


سعر قطع الغيار متوسط مش غالى اوى و مش رخيص اوى

خلى بالك انا شفت عربيات تمبرا كل مره اشوف الطابلوه بتاعها شكله مختلف عن العربيات التانيه .. يعنى الطابلوه بتاعها فيه اكتر من شكل .. 1998 ايطالى احلاهم طبعا :)

راعى بأه ان ممكن صاحبها يكون طاحنها و يقولك حالتها كويسه فطبعا خلى بالك يعنى

لكن عموما التمبرا عربيه جميله جدا

أزيك يا باشا عامل اية و أهلا بيك معانا فى المنتدى لو ليك أى سؤال فى التمبرا ابقى أسأل أن شاء الله تلاقى أجابة و بص على فكرة تابلوة التمبرا نزل منة 3 أشكال بس الشكل الاول و هو العدادات العادية و التانى العدادات الديجيتال و أخر شكل التمبرا البرازيلى و دة أنا ما شوفتش منة فى مصر و الاختلاف فقط فى مفاتيح التكيف فية منها ديجيتال و تاتش و أخر مفاتيح بتتلف و دى الموديلات الاقدم و الصور بالترتيب أخر صورة هى التمبرا البرازيلى

[sheashaa76]

والسلام عليكم ورحمة الله وبركاته
ربنا يوفقك انشاء الله فى العربية التمبرا
انا شارى عربية تمبرا موديل 92 - 1400 سى سى بس بصراحة انا شاريها استيراد معاقين هى حالتها ممتازة جدا والحمد لله
وحاجتها متوفرة قطع غيار استيراد فى عزبة شلبى ورخيصة بس عربيتى بدون كماليات مافيهاش تكييف وكنت سألت قبل كده هل ممكن اركب لها تكييف ولا لا وفين ممكن اركبه ويكلفنى كام وهى فيها لوحة المفاتيح الخاصة بالتكييف زى اللى فى الصورة ومعرفش اى حاجة تانية عنها تخص التكييف وهى كاربيراتير مش انجكشن يعنى زى الصورة المعروضة دى بالظبط وفيه سؤال تانى عاوز اسأله ممكن اعرف درجة عداد الحرارة فى العربية التمبرا كام بالظبط انا العداد الحرارة عندى بيبدأ من ( 50 - 90 130 ) والنهاردة انا لسه مغيير لها تيل فرامل وتنابير ايطالى جديد وفى نفس الوقت غسلت النهاردة الردياتير وغيرت لها المياه بمياه خضراء موبيل فى محطة موبيل بميدان السواح اخدت حولاى( 5.50 لتر ) بس بعد ما غيرت لها المياه لاحظت وانا راجع بها للبيت فى الطريق ان عداد الحرارة تعدة درجة 100 تقريباً ودى اول مرة تحصل لها فجأة بس لما وصلت سمعت صوت المروحة شغاله عاوز اعرف السبب ايه يا ترى وفيه شئ تانى عاوز اسأل عنه وهو الميكانيكى قالى ان العربية محتاجة تغيير طقم دبرياش كامل نوعه Valuo مش ايطالى وسألت عليه قالولى الايطالى سعره( 255 جنيه ) لكن Valuo سعره حوالى ( 350 جنيه ) قالى لان الديسك والأسطوانة خلاص بينتهوا وعشان كده انت كل ما تدوش على الدبرياش تسمع صوت عالى له ارجوا الإفادة منكم واسف جدا على طولت عليكم .....

[heshamzaky]

بالنسبة لسؤالك عن التكيف المشاركات السابقة ممكن توضح لك الموضوع شوية أكتر بالنسبة لموضوع الحرارة ممكن الراجل يكون ملا قرية المية بغباء بعد السهم الى على القربة دة ممكن يكتم الدورة و يعلى الحرارة بس المياة الزيادة حا تخرج من غطاء القلابة لوحدها و الحرارة الاستاندرد على 90 درجة بالنسبة لطقم الدبرياج ما تسترخص فية دة حاجة مهمة و أساسية الطقم فى شارع دمشق الاصلى بيبقى فى علبة واحدة اسطوانة و ديسك و رمان بلى و فية نوع اخر تقريبا المانى اسمة لوك تقريبا دة على ما اسنع ب 600 جنية الى ب 450 جنية شغال و ادخل على رابطة التمبرا بعض الاخوة غيرو طقم الدبرياج ممكن تشوف الموضوع كلة بصورة اشمل و موضوع اخر باسم تظبيطات تمبرا و بيان اسعار http://www.nilemotors.net/Nile/146254-a.html

[sheashaa76]

السلام عليكم ورحمة الله وبركاته
ربنا يوفقك انشاء الله فى العربية التمبرا
انا شارى عربية تمبرا موديل 92 - 1400 سى سى بس بصراحة انا شاريها استيراد معاقين هى حالتها ممتازة جدا والحمد لله
وحاجتها متوفرة قطع غيار استيراد فى عزبة شلبى ورخيصة بس عربيتى بدون كماليات مافيهاش تكييف وكنت سألت قبل كده هل ممكن اركب لها تكييف ولا لأ وعند مين ممكن اركبه ويكلفنى كام وهى فيها لوحة المفاتيح الخاصة بالتكييف زى اللى فى الصورة ومعرفش اى حاجة تانية عنها تخص التكييف وهى كاربيراتير مش انجكشن يعنى زى الصورة المعروضة دى بالظبط وفيه سؤال تانى عاوز اسأله ممكن اعرف درجة عداد الحرارة الطبيعية فى العربية التمبرا كام بالظبط انا العداد الحرارة عندى بيبدأ من ( 50 - 90 -130 ) والنهاردة انا لسه مغيير لها تيل فرامل وتنابير ايطالى جديد وفى نفس الوقت غسلت النهاردة الردياتير وغيرت لها المياه بمياه خضراء موبيل فى محطة موبيل بميدان السواح اخدت حوالى( 5.50 لتر ) بس بعد ما غيرت لها المياه لاحظت وانا راجع بها فى الطريق للبيت ان عداد الحرارة تعدى درجة 90 كان بالظبط بين درجة 90 ودرجة 130 فى المنتصف بينهم تماماً تقريباً ودى اول مرة تحصل لها فجأة بس لما وصلت سمعت صوت المروحة شغاله عاوز اعرف السبب ايه يا ترى وفيه شئ تانى عاوز اسأل عنه وهو الميكانيكى قالى ان العربية محتاجة تغيير طقم دبرياش كامل نوعه Valuo مش ايطالى وسألت عليه قالولى الايطالى سعره( 255 جنيه ) لكن Valuo سعره حوالى ( 350 جنيه ) قالى لان الديسك والأسطوانة خلاص بينتهوا وعشان كده انت كل ما تدوش على الدبرياش تسمع صوت عالى له ارجوا الإفادة منكم واسف جدا على انى طولت عليكم .....

[Innovation]

أزيك يا باشا عامل اية و أهلا بيك معانا فى المنتدى لو ليك أى سؤال فى التمبرا ابقى أسأل أن شاء الله تلاقى أجابة و بص على فكرة تابلوة التمبرا نزل منة 3 أشكال بس الشكل الاول و هو العدادات العادية و التانى العدادات الديجيتال و أخر شكل التمبرا البرازيلى و دة أنا ما شوفتش منة فى مصر و الاختلاف فقط فى مفاتيح التكيف فية منها ديجيتال و تاتش و أخر مفاتيح بتتلف و دى الموديلات الاقدم و الصور بالترتيب أخر صورة هى التمبرا البرازيلى

طبعا الاول اشكرك يا فندم على الترحيب ربنا يكرمك.. بس بالنسبه للتابلوه عربيتنا ليها تابلوه مختلف خااالص .. و على فكره انا متأكده انها ايطالى كانت اخر دفعه نزلت من بلدها 1998 ردا على اللى رد بانه مافيش 1998 ايطالى.. الطابلوه عندنا خليط من التابلوهين الاول و التانى .. مش فاهمه ازاى بس اهو كده .. يعنى عندنا عدادات عاديه بس التاكيف تاتش زى رقم اتنين ده .. بس شكله العام مختلف تماما .. احلى كتير من كل دول !!!

[Innovation]

يا باشا مفيش ايطالى 98
اخر الايطالى 96 وبعد كده مصرى

لا معلش يا فندم اخر دفعه وصلت مصر كانت 1998 و كنا جايبينها زيرو و انا متأكده جداااااااااا.

[caysersosaih]

وانا كمان متأكد ان الايطالي اخره 1996 وخش علي موقع فيات و ويكيبيديا
ممكن تكون الي انت جبتها من بره برازيلي بس للأسف هي مش ايطالي خالص

[adelco]

وانا كمان متأكد ان الايطالي اخره 1996 وخش علي موقع فيات و ويكيبيديا
ممكن تكون الي انت جبتها من بره برازيلي بس للأسف هي مش ايطالي خالص

السلام عليكم
فعلا الدكتور وجاليليو كلامهم صح
اخر عربيه اتصنعت فى ايطاليا 96
بعد كده كلها توكيلات فى بلاد تانيه
وده يا جماعه مش موضوع نختلف فيه ومش هيفرق معانا كثير
والعربيه المصرى مواصفات ايطالى مش داخل فيها مكونات مصرى كثير لان وقتها كنا بنستورد كل حاجه
ومستواها ما يفرقش للدرجه اللى تخليك تكرة عربيتك
الفرق بسيط

[heshamzaky]

لا معلش يا فندم اخر دفعه وصلت مصر كانت 1998 و كنا جايبينها زيرو و انا متأكده جداااااااااا.

بص يا باشا انا كدة اعتقد انى فهمت الكلام شوية لو انت جايبها من مصر سنة 98 يبقى العربية تجميع شركة النصر للسيارات و فضلو يبيعو لحد سنة 2000 كمان و جم فى مرة نزلو دفعة من التمبرا ال 1400 سى سى و كانت ب 54 الف جنية بس مش عارف ال 1600 كانت بكام بس تقريبا بحاجة و ستين ألف و التمبرا الايطالى اول ما نزلت مصر فى 94 و 95 كانت ب 85000 جنية و عموما الفرق ان دى تقفيل شركة النصر و التانية تقفيل ايطالى و عموما التمبرا كانت بتتجمع فى كذا بلد أيطاليا و تركيا و البرازيل و البعض بيقول ألمانيا بس العربية الى بيقولو عليها ألمانى دى بتتباع الى الاتحاد الاوروبى ممكن المعلومة دى ما تكونش صحيحة لانى مرة ذهبت الى اوماترا و سالتوة على العربية بتاعتى أنا تحديدا لانها موديل مختلف شوية و الراجل ما عرفش هية متجمعة فى اى مصنع تحديدا بس أوراق الافراج الجمركى بتاعها كان جاى من شتوتجارت ب ألمانيا و دة من ملف العربية بالمرور

[heshamzaky]

طبعا الاول اشكرك يا فندم على الترحيب ربنا يكرمك.. بس بالنسبه للتابلوه عربيتنا ليها تابلوه مختلف خااالص .. و على فكره انا متأكده انها ايطالى كانت اخر دفعه نزلت من بلدها 1998 ردا على اللى رد بانه مافيش 1998 ايطالى.. الطابلوه عندنا خليط من التابلوهين الاول و التانى .. مش فاهمه ازاى بس اهو كده .. يعنى عندنا عدادات عاديه بس التاكيف تاتش زى رقم اتنين ده .. بس شكله العام مختلف تماما .. احلى كتير من كل دول !!!

بانسبة للتابلوة ممكن تصورة و تنزل لنا صورتة انا عاوز اعرف شكل التابلوة دة اية عموما بص على الصور دة و قول لى هو شبة اى تابلوة فى دول

[hany121]

حبيبى و الله , يا باشا انا فى الخدمة

بص , فى اختراع صغير مدور حتلاقيه راكب ورا البطارية و داخل فيه خرطوم فاكيوم من فوق و فيشة من تحت
هو ده بتاع لمبة الـ economy/power

يا باشا ربنا يخليك لينا.

هجرب اوصله واقولك النتيجه