رايكم في سيارة تمبرا 1991

[heshamzaky]

الي اعرفه ان المحرك الأول كان في مشكلة انه بياكل زيت كتير وكان موجود برضة في التيبو وبعد كده نزلوا الموتور التاني واختفت فيه مشكلة اكل الزيت وهو اقوي من الأول وبيدي عزم علي rpm واطي وده كويس جوه المدينة وفي انتظار جاليليو

بص منم الجدول انا شايف الاول 55kw و الثانى 66 kw هل هوة فرق العزم و قدرة الموتور

[caysersosaih]

دي قدرة الموتور وليها كذا طريقة للقياس
55KW كيلو وات اي ما يساوي 75 حصان

66kw كيلو وات اي ما يساوي 90 حصان

[galilio_mad]

جاليليو سؤال اية الفرق بين مواصفات الموتور دى 1.6 i.e.I4 SOHC1581 cc55 kW (75 PS) @6000 rpm128 N·m (94 lb·ft) @3000 rpmcat and fuel injectionو مواصفات الموتور دة 1.6 i.e.I4 SOHC1581 cc66 kW (90 PS) @5750 rpm127 N·m (94 lb·ft) @2750 rpmcat and fuel injection

الاتنين 1.6 و انجكشن و كامة واحدة
بس واحد بيطلع 76 حصان و التانى بيطلع 89 حصان

ليييييه ؟ عشان الاولانى SPI و التانى MPI
الموتور التانى ده برازيلى برضو , و نزلو بعديه نسخة DOHC كانت حاجة و تسعين حصان , مش فاكر بالضبط

و خدلك معلومة ع الماشى , نفس الموتور العادى بتاعنا ايام ما كان كربراتير كان بيطلع 86 حصان
و بعد 1992 وعشان اشتراطات البيئة الاوروبية ركبولة ال SPI و ال Catalytic converter
بقى بيطلع كام بقى , 76 بس , حاجة تفرس مش كده ؟؟؟؟

[heshamzaky]

الاتنين 1.6 و انجكشن و كامة واحدة
بس واحد بيطلع 76 حصان و التانى بيطلع 89 حصان

ليييييه ؟ عشان الاولانى spi و التانى mpi
الموتور التانى ده برازيلى برضو , و نزلو بعديه نسخة dohc كانت حاجة و تسعين حصان , مش فاكر بالضبط

و خدلك معلومة ع الماشى , نفس الموتور العادى بتاعنا ايام ما كان كربراتير كان بيطلع 86 حصان
و بعد 1992 وعشان اشتراطات البيئة الاوروبية ركبولة ال spi و ال catalytic converter
بقى بيطلع كام بقى , 76 بس , حاجة تفرس مش كده ؟؟؟؟

ايوة بس كل حصان حصان مش أرقام و السلام

[galilio_mad]

الي اعرفه ان المحرك الأول كان في مشكلة انه بياكل زيت كتير وكان موجود برضة في التيبو وبعد كده نزلوا الموتور التاني واختفت فيه مشكلة اكل الزيت وهو اقوي من الأول وبيدي عزم علي rpm واطي وده كويس جوه المدينة وفي انتظار جاليليو

اول مرة اسمع الكلام ده , قوللى مصدر المعلومة من فضلك ؟؟


و الاستيكر موجود فى التمبرا اللى بعد 96 بس , قبل كده ما كانش له لزمة

[heshamzaky]

اول مرة اسمع الكلام ده , قوللى مصدر المعلومة من فضلك ؟؟


و الاستيكر موجود فى التمبرا اللى بعد 96 بس , قبل كده ما كانش له لزمة

استيكر اية يا رجالة مش فاهم انتو قصدكم على الاستيكر الى فى صدر العربية على الحديدة السوداء

[caysersosaih]

Fiat Tempra - WOI Encyclopedia Italia

another reported problem was a high oil consumption, especially the 1581 cc engine, which was a common defect with Tipo (with the same engine) and Panda (1000 FIRE engine). The same was reported for other Fiat's vehicles, and seemed to disappear with the new 1.6 l 66 kW engine.

[caysersosaih]

يا باشا جاليليو بيهزر قصده ان قبل 1997 كان كله ايطالي فما كانوش محتاجين بحطوا ورقة تقولك دي ايطالي ودي فيومي

[galilio_mad]

Fiat Tempra - WOI Encyclopedia Italia

another reported problem was a high oil consumption, especially the 1581 cc engine, which was a common defect with Tipo (with the same engine) and Panda (1000 FIRE engine). The same was reported for other Fiat's vehicles, and seemed to disappear with the new 1.6 l 66 kW engine.

كلام جميل , انا موافق على موضوع الزجاج الامامى و المشاكل الكهربائية

موضوع الزيت ده صعب شويتين , خصوصا ان اللى اعرفه ان الموتور ال 66kw مانزلش فى الانتاج الاوروبى اصلا
و كمان انا معايا النسخة القديمة ال 55kw و عمرى ما اشتكيت من موضوع الزيت ده

عادى ما تحطش فى بالك انا بس حبيت افهم

و خدت بالك من هشام , تلاقيه نزل فتح العربية و قعد يدور ع الاستيكر و لما ملاقهوش قال اطلع اسأل الناس

[heshamzaky]

يا باشا جاليليو بيهزر قصده ان قبل 1997 كان كله ايطالي فما كانوش محتاجين بحطوا ورقة تقولك دي ايطالي ودي فيومي

أة فهمت اصل التمبرا الى عندى ألمانى يا باشا متشكرين يا دوك هههههههه

[heshamzaky]

تصدق يا جاليليو لما اشوفك حا أخنقك هههههه
و خدت بالك من هشام , تلاقيه نزل فتح العربية و قعد يدور ع الاستيكر و لما ملاقهوش قال اطلع اسأل الناس

تصدق يا جاليليو لما أشوفك حا أخنقك ههههههههههه و الاستيكر أهوة يا سيدى

[mikology]

السلام عليكم يا رجاله
ليكو وحشه و الله
بالنسبه للموضوع الاساسى - انا هاحاول افيدو باكبر قدر بحكم تجربتى مع العربيه ل 1400 العدادات الديجيتال وكانت موديل 1991 وكانت فول اوبشن فتحه سقف و سبويلر و جنوط شبه اللى مع هشام ربنا يباركله فيها
اولا سهل جدا جدا جدا العدادات دى متقراش وممكن يمشى ملايين الكيلو مترات و مايعدش حاجة
انا حصلى كده - كانت الوصله اللى بتدخل فى التروس واقعه فتره و العدادا مكنش بقرا ولا سرعات ولا كيلو متر - و كان العداد عندى بالكيلو متر مش بالميل يا اتش
العدادت ممكن تتجاب استيراد طبعا و تتركب و تبقى حلاوة بس لازم تبقى القديمه اللى كانت راكبه بردو تبقى ديجيتال ولما تتجاب استيراد هتلاقيها فى متوسط الرقم اللى مذكور فى الموضوع 26000 كيلو
واحب افيدك بردو ان 1400 سى سى على حجم السياره مالوش لازمه - يا 1600 يا ماتركبش تمبرا- هتفرق معاك مع التكييف و مع السحب
طيب نعرف منين العربيه دى نضيفه ولا مدعوكه
هاقولك على قد ما اقدر
مثلا كده نبص على الجلد الداير فى العربيه من الابواب و فى الشنطه - لو تقفيله نضيف قوى يبقى الاصلى و هتلاقى لونه مجرب سنه - مش جديد! - غير كده يا هتلاقيه مقطع جدا و متفرتك يا اما جديد زيرو و اكد هو اللى مركبه - عشان مفيش جلد بيقعد 20 سنه ولسه بيلمع
طيب بردو نبص على مساعدين الشنطه الى ورا - اللى بيرفعو الشنطه - دول بيبوظو مع الوقت من كتر الفتح و القفل - شوفهم جداد ولا خفاف كده و الشنطه تفتحها بسهوله و لا بتتفتح بصعوبه و تلاقيها تقيله و تيجى تقفلها تدب جامد
نبص على الفرش و نشوف اى تقطيع او اى شئ بالمثل - نبص على السقف كويس و تقفيله من جوه الصالون
وياريت متحكمش على العربيه من بره - خليك دايما فى الصالون - هايبينلك الاستعمال بتاع الشخص و ده الاهم - اللى بره بيتبهدل فى شوارعنا اللذيذه و احاب القلوب البغيضه من الشعب
بص على تقفيل الابواب و تعشيق الفرش فى الباب - مسطره ولا بهدله ؟
بص فى الكبوت و شوف الحوض - الدنيا مترتبه والاسلاك ماشيه فى مجارى مخصصه و ملمومه بافيز بلاستيك بتاع الفابريقه ولا مليان لزق بشريط لحام -او فى لغبطه و مش فاهم حاجة
بص بردو من جوه على بلاستيك الفابريقه اللى بيبقى على الفرش الفابريقه فى الارضيات شوفه موجود ولا لأ( دى مالحقتش تمشى اكيد موجود)
شوف مواتير الازاز الكهربا - بطيئه ولا سريعه قويه ولا ضعيفه ؟
شوف موتور المرايات شغاله كويس يمين شمال فوق و تحت ولا فى حاجة بايظه من كتر الاستخدام ؟
بص على فواصل التابلوه و هل كلها لاحمه فى بعض ولا فى فروقات نتيجه لتغيير التابلوه مسبقا ؟
ده اللى فاكره دلوقتى ياريت لو نسيت حاجة حد من الحبايب يذكرها
معلش الكلام مش مترتب بس ياريت اكون افادتك
سلامى للجميع و اسف لتغيبى الفتره دى يا جماعه ربنا يوفقكو جميعا يارب
سلام

[heshamzaky]

أنت فين يا باشا انت رحت تعمل التكيف و هوب أختفيت سيبك من اللانشيا و خليك معانا فى التمبرا بدل ما تضيع هههههههههههه واحشنى و الله و لسة موضوع الجنوط ما أتحلش الراجل خلص الجنوط الى عندة هههههههه بس جايلة بضاعة كمان شهر و نص و حا نبقى بروح كلنا نبضع أول لما الحاجة تيجى للراجل

[mikology]

يا ريس انا موجود بس مفيش وقت والله - عموما هانت كلها كام يوم و الضغط يقل - دخله رمضان و موسم المسلسلات و الاعلانات بقى
المهم
التكييف بقى فله و تمام - حصل حبه حجات كده و فى الاخر اشتغل و شحنته تانى فريون امريكى امريكى
حوار الجنوط - انت الراجل اللى عندك هايجيب جنوط حلوة ولا اى كلام
يا اتش يا اخويا لو سبت الانشيا هاجيب حاجة نضيفه منييييييييييييييييين - هو حد بيفرط فى حاجة نضيفه

[galilio_mad]

الوصله اللى بتدخل فى التروس واقعه فتره و العدادا مكنش بقرا ولا سرعات ولا كيلو متر - و كان العداد عندى بالكيلو متر مش بالميل يا اتش

فى الموديلات الديجيتال مفيش تروس , فى سنسور فى الفتيس و بقية التوصيلات اسلاك كهربا عادية
مش بسلك " wire " من الفتيس للتابلوة

و فى بعض دول اوروبا شغالين بالميل و عدادات العربيات كانت بتنزل بالميل
بس الاغلبية كان بالكيلومتر