الى ذوى الخبرة بالاضافة لعمو السبعاوى

[MOHAMED ABD EL SHAFY]

معلش يا شباب انا سايب الرسالة هنا عشان الفيات اكثر قراءة من الاسكودا

الى ذوى الخبرة بالسيارات اريد حل المشكله التالية
1- سربنتينه التكييف امام الريداتيير فعند تشغيل المكيف ترتفع درجة الحرارة بصورة كبيرة 110 درجة
مع ملاحظة التالى
1- يوجد مروحة على سربنتينه التكييف وتعمل
2- المياة الخضراء مستخدمة
3- مروحة الريدتيير تعمل ايضا
فهل هناك حل لهذة المشكة
غير ذلك السيارة تمام وانا مبسوط بيها والحمد لله مريحانى كتيير عن ال 128 اللى كنت راكبها

استفسار اخر
هل لا يوجد موتور للفليشيا غير ال 1300 يعنى لو فيه مثلا 1600 او 1500 ممكن اركبة مكات ال 1300 عشان موضوع التكييف دا
لو فية اجيبة منين وممكن يساى تقريبا كام

[MOHAMED ABD EL SHAFY]

فعلا اسالوا اهل الخبرة
انا ذهبت لورشة تصليح الريداتير والراجل حكيت ليه المشكلة وكنت رايح والحرارة لسه عالية
بص شوية كدا وفك كل الخراطيم ودخل الورشة وجاب عصاية مكنسة خشب وقطع حتة منها وبردها على شكل مخروط وراح سادد ماسورة صغيرة فى الدورة ونظف الريداتيير وغسلة كويس وركب وقالى اتكل على الله كله تمام
بصيت وقلتلة ايه اللى انت عملته
قالى انا سديت راجع مياة ساخنة فى الدورة للموتور مروة اخرى فى مكان كان راكب فيه سخان لتسخيين المياة لما المياه تتجمد
عشان الميزة دى معمولة للبلاد الباردة
وفعلا المؤشر ماشاء الله يدوب بيتحرك كام مللى عن ال 70 ويثبت
فعلا فى مصر يوجد صنيعية محترفة لا شكل الورشة ولا مكانها يوحي لاى حد ان العامل دا يعرف العيب فين رغم سؤالى واستفسارى لناس كتيير اوى محدش عرف المشكلة فين
فيه بقى حاجة تانية ان رمان بلى الكباس بيصفر جامد فممكن حد يدلنى اغيرة فيين؟؟؟ وخصوصا انه سعات يقفش فيخلى التكييف ضعييف وبياكل فى السيير
ولكم جزيل الشكر