انا خايف من ال77 حصان بتوع الايفو...رياحوني أو أنصحوني

[wolverish]

فيه ناس بتقولي اوعى 77 دول ضياع
و ناس بتقولي لأ وماله العربيه جامده و ايطالي و عزمها 115 نيوتن
أعمل ايه و أصدق مين؟؟

أنا مش بتاع جري و كده بس قلقان من المطالع و التكيف و لو مثلا 4 راكبين العربيه....

[khalid_adel]

بص هو انا لما ركبت الجراند بونتو وجربتها مصدقتش انها 77 حصان لان اداءها كان جيد
بس برضه لازم تجرب بنفسك عشان تطمن

[Hegazio]

هما مش بتوع فحت و ردم .. بس مافيش مشكلة مطالع و لا تكييف و لا غيره .. تؤدي الواجب و زيادة
ماتفكر في اللينيا جيت لو الموضوع يهمك

[amrbakly]

شوف انا مجربتش الجراند ولا الإيفو طبعا و هما الأتنين نفس الماتور علي فكرة

انا جربت البونتو كلاسيك و ماتورها 60 حصان و عايز اقولك بتجري و بتجمع بسرعة غريبة و التكييف تأثيرة عليها لا يذكر تقريبا رغم انها 1250 سي سي

اعتقد ان الإيفو مش حتكون سيئة علي الإطلاق

[loodaa]

بالنسبة للتكييف و المطالع مافيهاش مشاكل و التجميع برده لو عايز تجري مفيهوش مشاكل بس هي ما تنفعش لو عايز تسابق و الحوارات دي عشان بعد ال100 بيكون التجميع اقل انما عايز عربية توفر بنزين و تقضي الاغراض كلها ماعدا السباقات فهي مناسبة جدا
انما لو عايز شد و بتاع يبقى شوف اللينيا

[Ghamrawy]

بالنسبة للتكييف و المطالع مافيهاش مشاكل و التجميع برده لو عايز تجري مفيهوش مشاكل بس هي ما تنفعش لو عايز تسابق و الحوارات دي عشان بعد ال100 بيكون التجميع اقل انما عايز عربية توفر بنزين و تقضي الاغراض كلها ماعدا السباقات فهي مناسبة جدا
انما لو عايز شد و بتاع يبقى شوف اللينيا

متفق معاك جدا فى الكلام ده
هى عربية مدينة من الطراز الاول

[sakrquraish]

طب لو العربية محملة 4 افراد و الشنطة و التكيف شغال العربية سحبها بيموت ولا كويس

[Moe86]

سحبها هايقل طبعا بس مش لدرجة العربية تموت

[Ralliart]

انا لسه راكبها مشوار طويل للحرفيين بس للاسف موتورها معجبنيش خالص
مش الموتور اللي يتحط في عربيه بالتمن ده بس بالنسبه للتكيف تلاجه جامد جداً وفي المطالع وكده هتطلع عادي بس ساعة الجري مش هتدي معاك
.

[amrseba]

بص العربيه ديه الصافى بالحموله بتاعت العربيه ياعنى قالوا 77 حصان هيديك 77 حصان بظبط مش زى باقى العربيات الكورى يقولك كام ويطلع حاجه تانيه والعربيه مش ضعيفه قويه بس مش للشد ياعنى بس هتبقى كويسه جدا فى التكييف والمطالع

[amrseba]

انا لسه راكبها مشوار طويل للحرفيين بس للاسف موتورها معجبنيش خالص
مش الموتور اللي يتحط في عربيه بالتمن ده بس بالنسبه للتكيف تلاجه جامد جداً وفي المطالع وكده هتطلع عادي بس ساعة الجري مش هتدي معاك
.

فعلا هيا مش للشد هيا تمشى بيها ومش هتقصر وتقريبا ممكن ادائها يكون قريب الياريس و الانسر 1300

[amrbakly]

علي فكرة برضة انا عايز اقولك حاجة

انت بتشتري نفسك و أمانك مع الفيات، و انصحك تروح تتفرج علي الجيتز و الأي 20 و الأي 30 و تقولي رأيك في التقفيل و تفتح كدة الكبوت و تبص في الحوض

يا فرحتي عربية بتجري بس في النهاية مفيهاش اي درجة من درجات الأمان

[wolverish]

شكراااااا لأهتمماكم ولو عندكو أي معلومات ياريت نتشارك :)

[Ghamrawy]

فعلا هيا مش للشد هيا تمشى بيها ومش هتقصر وتقريبا ممكن ادائها يكون قريب الياريس و الانسر 1300

لا هى اقل منهم بصراحة و خصوصا الياريس

[fadynabil]

علي فكرة برضة انا عايز اقولك حاجة

انت بتشتري نفسك و أمانك مع الفيات، و انصحك تروح تتفرج علي الجيتز و الأي 20 و الأي 30 و تقولي رأيك في التقفيل و تفتح كدة الكبوت و تبص في الحوض

يا فرحتي عربية بتجري بس في النهاية مفيهاش اي درجة من درجات الأمان

بدون الدخول في تفاصيل الـ i30 دي عربيه ممتازه وواخده 5 نجوم في أختبارات الأمان وكتوكيل أنضف مليون مره من فيات كفايه إنك هتلاقي قطع غيارها بسهوله في السوق من غير متتزل للوكيل في يوم من الأيام

http://www.euroncap.com/tests/hyundai_i30_2008/331.aspx

ومتور أقوي .. وكمان أنا سمعت إن في حاجات في العفشه مطوره من قبل شركة BMW


وعلي فكره أنا مش من أنصار الكوري خالص بس هي دي الحقيقه