سحر فيات ماريا....

[i_Am_Legend]

يااااه
احساس غريب
فيات ماريا..
شفتها ماشية جنبى وانا سايق ..
فضلت متنحلها.وقلبى قعد يدق يدق. لحد ما كنت هاخبط اللى قدامى كذا مرة ..
المهم البنت اللى راكبها بصتلى قوى وضحكت ضحكة الواثق من نفسه
فاكرة انى معجب بيها هىb-)
المهم عدتها قدامى وفضلت ماشى وراها ومركز
على الفوانيس واو واووو .
وسرحت وتخيلت نفسى راكبها يا لهوى
لحد ما كنت ها خبطها المهم بعدها ركنت على جنب عند محل عصير رحت راكن انا كمان ونزلت لفيت حواليها والبنت بصالى قوى .
قالتلى بتشبه.
قولتلها
سورى انا بحب العربية دى وبدور على واحدة نضيفة
ضحكت وقالتلى اساسا دى جاية من برة ومافيش منها فى مصر . لا
تعليق:
قولتلها امال ب
تصلحيها فين
قالتلى بابا هو اللى بيصلحها -
دة لو باظت اساسا
قالتلى احنا عندنا 2 واحدة طويلة والتانية مسحوبة من ورا وهى بتاعة اخويا
كانت خلصت العصير
وقالتلى بعد اذنك
انا طول الوقت منفضلها وعمال ابص على التابلوة والمقدمة الهجومية الفظيعة
اللى كيا سيراتو لسة نازلة بيها فى 2010
وما زلت بردة متبنج ومتنح وبتفرج عليها وهى ماشية وقلبى بيتقطع. واول ما روحت قعدت ادور عن اى حاجة ليها على النت . يا وجع قلبى . ربنا يرزقنى بتمنها.

[amrseba]

المهم البنت كانت حلوه ولا يلى كنت عملت مصلحه بالمره صاحبت العربيه وصاحبتها ههههههههههههههههههههه

[yoko]

المهم البنت كانت حلوه ولا يلى كنت عملت مصلحه بالمره صاحبت العربيه وصاحبتها ههههههههههههههههههههه

هههههههههههه
بس العربيه بجد تحفة أومال لو قعدت جواها موديل 2002 وفيها ملتي فنكشن وشاشه ديجيتال والعربيه بتفرك اول وتاني وهيا جايبه دسك وإسطوانه بالموتور ال1300 سي سي

[amrseba]

انت عارفنى يا يوكو اهم حاجه عندى صاحبت العربيه والعربيه طبعا بس اصلى شوفت انا وسمسم حته جراند كوبيه فيها بنت كنت هروح ابوس الكابوت اووووووووووووووووووووووووووف كانت عربيه جامده اوى هو كل الى بيركب كل فيات جامدين

بس مين الى باس الكابوت بتاعك اكيد معجبه ههههههههههههههههههههههههههههه

[yoko]

لأ أكيد نقل معهوش نور فرامل :(

[i_Am_Legend]

يا جماعة البنت كان شكلها جامدة موت بس انا فعلا ما كنتش شايف غير ماريا هى جذابة جدا والله ما بشوفها بطنى بتكركب وقلبى بيدق هى والصاروخ جراند بونتو.

[yoko]

يا جماعة البنت كان شكلها جامدة موت بس انا فعلا ما كنتش شايف غير ماريا هى جذابة جدا والله ما بشوفها بطنى بتكركب وقلبى بيدق هى والصاروخ جراند بونتو.

ههههههههههههههه
طب مش كنت تصورها

[Moe86]

ههههههههههههههه
طب مش كنت تصورها

العربية طبعا

[amrseba]

لا طبعا العربيه والبنت بص لو عرفت العنوان قولى انا هروح اكلمها اخليها تديك العربيه لفه وانا اخدها فى عربيتى لفه اوريها المناظر الطبيعيه وجمال مصر و اوريها شالالات الفيوم (محدش يفهمنى غلط)

اه نسيت الاهرامات

[heshamzaky]

هههههه بص يا باشاالبرافا و الماريا حاجة واحدة بس واحدة سيدان و التانية هاتشباك و أتفضل الصور دى أتفرج عليهم على الكمبيوتر أأمن من الفرجة و انت سايق و بالمناسبة دول ولاد عم التمبرا نفس المقصات و المساعدين بس التمبرا أقوى منهم شوية

[galilio_mad]

المقدمة الهجومية الفظيعة اللى كيا سيراتو لسة نازلة بيها فى 2010

معلش سؤال رخم , هو ايه علاقة دى بـ دى ؟؟؟؟؟؟؟

[i_Am_Legend]

الاستاذ اللى بيسال علاقة المقدمة الامامية بالسيراتو.
الماريا والبرافا من اول السيارات اللى نزلت بفوانيس سمكها قليل كنزة يعنى ومقدمة هجومية جبارة تخوف .انا قصدى ان فيات نزلت ال
تصميم الهجومى دة والفوانيس النحيفة دى من 12 سنة . فاهم قصدى.
كيا لسة فاكرة بعد 11 سنة.
لو انا غلطان قولولى .

[galilio_mad]

طب ماهو فى عربيات كتير قبل و بعد البرافو/فا و الماريا و متصممين بنفس الشكل اللى بتوصفه

اوبل تيجرا , اودى A4 اول شكل , ميتسوبيشى لانسر البطة و الكريستالة , الفاروميو 145/46 و ال 155
لانسيا كابا , بيجو 306 و ال 406 , سيات ابيزا اول شكل

و فى عربيات تانية كتير , بص انا لا ضد الماريا و لا ضد السيراتو , كل ما فى الموضوع انى مالقتش اى وجه تشابه بينهم

و قصة الفوانيس و المقدمة ال Aggressive مش فيات اللى اخترعتها , بس كده

[toteda]

ياباشا انا معاك والماريا فعلا عربية حكايه ما ينفعش تتوصف
انا علي فكرة معايا ماريا 2001

[i_Am_Legend]

دة انا لو خلفت بنت
هاسمها ماريا
والولد برافا.
حلوة دى . هههههههه