يا ترى كام واحد فى المنتدى حاجز الأيفو

[refattosa]

السلام عليكم

العربية فعلا ابتدت تنتشر انا شفت تلاتة لغاية دلوقتي في مصر الجديدة واحدة في عمار ابن ياسر جنب بيتي و دي كانت البيضا

اللي كانت في المعرض بجنوط مختلفة تماما عن اللي بتنزل و 17 كمان و التانية بيضا برضه في شارع دمشق صاحبها

كان بيركب فيميه او في كول و واحدة سوداء في الميرغني...... بس ليا سؤال

يعني اية ايطاليا اجازة في شهر 8 يعني اللي يحجز بعد الدفعة الجاية يستني مثلا لاخر 9 او اول 10 ولا اية النظام

[osamy]

يعني ايه أجازه في شهر 8؟ ده عشان رمضان مثلا هاهاها

هما لازم يجيبوا العربيات قبل 2 أغسطس عشان قانون الجوده الجديد

ياريت ماتتكلمش من غير علم

[amrseba]

ياريت ماتتكلمش من غير علم

شكلك كده يا عم اوسامى مش هتلحق العربيه بعد الاجازه بقى وعليك خير يكون قررت ايه احسن لون فيها ياعم الحق احجز يا مش هتلاقيها

[wolverish]

ياريت ماتتكلمش من غير علم

من الواضح اني بهرج من كلمة "ها ها ها" لو انت شايف

وكمان انا بقالي 3 سنين بسافر ميلان كل سنه و مفيش حاجه اسمها ايطاليا أجازه في شهر 8!!!! بيبقى موسم أجازات بس الدنيا ماشيه و فيه شغل!

وكمان أنا بقول رأيي و خلاص ولو كلامي مزعلك "بلاش تقراه"

[wolverish]

قصدك يدخلوا كام عربية مغشوشة و الا ايه انا كده هقلقك

ولأ مش قصدي كده و هو أنا كنت جبتها لو الموضوع كده

بس لو قريت تقرير الوزاره الخطوات بتاعت قياس الجوده هتاخد وقت في أول مره واحنا الي عايزين عربياتنا بسرعه فمش ناقصه تأخير تاني

[ahmedmohamed7]

انا كنت فى معرض يوسف عباس من يومين و كات فيه 5 عربيات ايفو
روحت النهارده مكانشى فيه غير عربيه واحده و الباقى كلة اتسلم
انا ركبت العربيه و بصراحها شايف مساحتها من جوه كويسه جدا انا ركبت فى كرسى السواق و ظبت اعدتى و رجعت ورا و كنت مستريح جدا و تشيل 5 افراد كويس جدا و انا اعتبر طويل انا انبسط اوى من الطريقه الى برجع بيها الكرسى :d حركه جمده

[osamy]

من الواضح اني بهرج من كلمة "ها ها ها" لو انت شايف

وكمان انا بقالي 3 سنين بسافر ميلان كل سنه و مفيش حاجه اسمها ايطاليا أجازه في شهر 8!!!! بيبقى موسم أجازات بس الدنيا ماشيه و فيه شغل!

وكمان أنا بقول رأيي و خلاص ولو كلامي مزعلك "بلاش تقراه"

يعني ايه لو الكلام مش عاجبك بلاش اقراه
يعني بلاش اقراه بعد ما قريته !!!!
وبعدين المنتدى ده مش بتاعك علشان تقولي اقرا ايه وما اقراش ايه
واديك قلت بنفسك ان فبه اجازات
مش كل واحد سافر بره مرتين تلاته هيعملي فيها خبير

[yoko]

إهدوا يا جماعة وحكايه الجودة دي للحاجات الصيني بس!!!!

[osamy]

شكلك كده يا عم اوسامى مش هتلحق العربيه بعد الاجازه بقى وعليك خير يكون قررت ايه احسن لون فيها ياعم الحق احجز يا مش هتلاقيها

بنسبه كبيره الاحمر

وربنا يسهل اديني بجمع في باقي المبلغ اهو

[osamy]

إهدوا يا جماعة وحكايه الجودة دي للحاجات الصيني بس!!!!

علشان كده بقول ياريت مانتكلمش من غير علم

[wolverish]

يا يوكو القرار الوزاري بتاريخ 18 يناير 2010 بيقول كل العربيات
مقالة الاستاّذ خالد أباظه في أخبار اليوم يوم السبت اللي فات بتقول كل العربيات
وكمان وهي دي حاجه وحشه؟؟ ده أحسن قرار طلع بس المهم يطبق صح
وأنا وضحت كان قصدي ايه لكن في ناس بتدخل شمال كده من غير ما تفهم just for the sake of being aggressive

و سبنالك "العلم" يا للي في بالي

و ادي نص الحكم الوزاري

"أحكام القرار الوزارى الجديد ٢٠١٠ من مكتب وزير /١ / الصادر بتاريخ ١٨ «٣٢» رقم التجارة والصناعة رشيد محمد رشيد ويقضى بعدم السماح بدخول أية سيارات أو قطع غيار للأراضى المصريه إلا إذا كانت مطابقة للمواصفات والمقاييس و معايير الجوده والتي تم تحديدها بعشرة بنود للسيارات و تسعه لقطع الغيار....

[yoko]

موضوع الجوده ده على المنتجات الصيني بس
أما مواصفات الأمان المصريه دي مش هيبقى فحص هو بس في الإفراج يبقى مكتوب فيها المواصفات المصريه الي هي إن الأنوار سليمه وفيه حزام امان وشويه كلام ملوش لازمه كده

[aljurjani]

أنا أتعجب ممن يقول الإيفو تتسع لخمس أفراد، فهل يقصد خمس أفراد مقرفصين مثلاً؟! أنا جلست في المقعد الخلفي وعارف أن السيارة مش بالوسع ده

[maxayma]

حلو ياجماعة الردود و المناقشة اللى هنا بس ياريت الناس تهدى شوية لان كلنا هنا بنفيد بعض حتى لو مختلفين و انا شايف اننا نرجع تانى لموضوع العربية انا و الله عاجبنى الناس اللى كلمت انها بقت تشوفها فى الشوارع لانى عن نفسى ماشوفتشهاش غير مرتين زى ماقولت قبل كده و فعلا التوكيل بتاع يوسف يوسف عباس كان عنده اكتر من عربية فى الاستلام لانى لما حجزت كانوا بيكملوا و رقهم و اكيد اتسملوا دلوقتى و ياريت بقيت الناس اللى حجزت تدخل هى كمان و لا احنا 4 بس عموما البركة بالموجود و فى انتظار المزيد

[azmeralda]

انا حجزت الفئة الأولى مانيوال

بس فى حاجة قلقانى هنا فالمنصورة السرقات فوق الوصف انا شخصيا عربيتى الأولى اتسرق منها الكاسيت رغم ان كان فيها انذار بس هو مكنش انذار بسنتر يعنى كان انذار جاى فيها اللى هو لما تقفل بابها يسكت فالحرامى لما دخل سكت الانذار وفك الكاسيت براحته وشرب الشاى!

وبعدين اتسرقت الشنطة وكان فيها دهب من جنب بيتنا برضه وكتير جدا فى منطقتنا بالتحديد نفس الطريقة لدرجة ان الضابط بيقول اصل الحرامية عرفين ان المنطقة فيها ناس كتير اغنياء
الأهم دلوقتى العربيات كذا عربية اتشالت كده بحالها رغم ان منهم واحدة صاحبها كان حاطط حارس الحرامى عرف يغافله وياخدها وكانت جديدة لنج والراجل راح فيها
وواحد تانى بس رجعوهاله من اسيوط
وواحدة جابوهالها من القاهرة وكانت مليانة من خيرات العربيات التانيه من كاسيتات وجنوط الخ
وجارنا مرجعتش عربيته بيروح الشغل مشى وحالف ميركبش مواصلات بعد مكان بيركب عربية اخر موديل

طبيعى سألت عالجراجات لقيت الأسعار فوق الخرافية 600 ج طب انا بقسط اصلا ادفع كل ده ازاى
يبقى اكيد مينفعش تتساب فالشارع من غير انذار عالأقل وهو اضعف الأيمان
فسألت قالوا مبيتركبش فالتوكيل و اوماترا المنصورة قال هيشوف حد يعرفه يركبه لى بس انا خايفة تطلع من الضمان ايه رأيكم بقى فالمشكلة العويصة دى؟!