نوع كاوتش كويس للشاهين ؟

[amr123]

السلام عليكم

ممكن حد من حضراتكم يرشح ليا نوع كاوتش كويس مناسب للشاهين بس مايكونش غالي . غالبا هيكون حاجة كوري او تايواني بس انا لقيت في السوق انواع كترة اسعارها متقاربة (حوالي 230) للفردة بالنسبة لمقاس 185/70/13. بس انا مش عارف اختار ايه

ماكسيس تايلاندي في حدود 230
بيرللي ارجنتيني في حدود 235
كونتينتال مكسيكي في حدود 250
كومو كوري في حدود 230
نانكيج تايوناني في حدود 230


انا عارف انهم مش فراقين عن بعض كتير ...بس ترشيحكم هيساعد خاصة اني ناوي اتشري 4 فرد
و شكراااااااااااااااا

[HRH_Sameh]

انا اقترح عليك لاسا تركي ونفس المقاس ده بـ 235
ثبات وتستحمل وتعمّر
وربنا يوفقك

[sab3aawy]

لو رجعت للمنتدى العام هتلاقى ان فيه حاليا تيار بيدعى ان افضل كاوتش للشاهين هو النسر :) ، بس انا مقدرش انصحك بيه

انا وعن تجربة 5 سنين مع الشاهين كنت مبسوط جدا من الكاوتش الجى تى ، ناعم ومريح ومعمر وسعره معقول جدا

[bogyman123]

السلام عليكم
انا شايف ان التركى كويس بس حسب استعمالك لية يعنى تبقى مخلى باك علية

[Xpert]

الجي تي ي حج كما نصحك بيه الاخ سبعاوي .. انا جايبه في عربيتي (بي ام ) ..

[amr123]

اشكركم جميعا ....
شكرا على النصيحة ....معلش ممكن اتعبكم شوية لو ممكن تقولولي اجيبه منين و هل كل الجي تي واحد ولا في موديل معين اسأل عليه

و انا مع استاذنا سبعاوي في موضوع نسر ده ....ده فعلا مش كويس

و شكرا لكم جميعا

[modygemy86]

ال bridgeston الياباني ب 250 جنيه ....... ركبه وانساه و ناعم نعومه غريبه، ودا مش للشاهين بس دا لكل انواع السيارات وبكل المقاسات..... بس لما بيركب لشاهين بيبقي حكايه لانه بيدي نعومه ليها وهيا ماشيه علي الارض اوي، وفي الظروف المناخيه بيبقي زي الفل ، بس هات كود السرعه بتاعه عالي علي قد ما تقدر علشان بتفرق في قدرة تحمل الكاوتش وعمرة ومقاومته للاحتكاك والسخونه..... وتوكل علي الله وانتا بتشتري.
"بالنسبه للسعر كان من شهرين تقريبا"

[NaderNabil]

اوعي تجيب ماكسيس عن تجربة

و النانكانج لا أنصح به

[zeyad1810]

جى تى شغال معايا زى الفل