بعض اسعار قطع غيار فيات بونتو 2003

[fuego]

الحمد لله اشتريت عربية بونتو موديل 2003 بعد ما قريت كتير هنا عنها وعن رأى الناس فيها, وكان اكتر حاجة كنت بدور عليها فى المنتدى هنا قبل ما اشترى هى اسعار قطع الغيار , فقررت انى احاول اساعد الناس اللى بتدور زى ما انا كنت بدور من كام يوم.
دى اسعار بعض قطع الغيار اللى اشتريتها أواللى سألت عليها لعربيتى البونتو

سير كاتينة 80 جنيه
سير مجموعة 70 جنيه
بلية كاتينة 90 جنيه
فلتر هواء 30 جنيه
فلتر زيت 35 جنيه
طقم بوجيهات يابانى (عدد 4 بوجيهات) 50 جنيه
طقم مساعدين المانى (عدد 2 مساعد) 550 جنيه
عدد 2 فانوس امامى اصلى استيراد 500 جنيه
عدد 2 فانوس جديد تايوانى 270 جنيه
رفرف امامى يمين استيراد 200 جنيه
باب امامى يمين استيراد 500 جنيه(باب فاضى بدون حشو)
تابلوه كامل استيراد 800 جنيه
اكصدام امامى جديد (ايطالى) 480 جنيه
اكصدام امامى سبورت 380 جنيه(مش متأكد ان كان ايطالى او لا)
اكصدام امامى تايوانى 280 جنيه

يا رب اكون قدرت افيدكم واى حاجة هعرفها تانى هرجعلكم بيها انشاء الله ويا ريت اى حد عنده معلومات زيادة يتفضل يضيفها علشان اللى بيدور على العربية دى يقدر ياخد قراره بسهولة




تم مسح أسامي المحلات كي لا تعتبر دعايه
12:45ص
17/7
مشرف 18ب

[aymoz]

ألف شكر على التجميعة دي بجد اسعارها مش غالية قوي

[Dr. Halawa]

ايه الكلام الحلو ده اومال ال2004 غالية بجنون ليه؟

[Moe86]

ممكن بعد اذن المشرف تقولنا على أسامى المحلات اللى دورت فيها علشان نستفيد و نعرف مين أسعاره أرخص من التانى

[haany_ghazy]

ألف شكر على التجميعة دي بجد اسعارها مش غالية قوي

الاسعار ديةفيها حاجة غلط علشان هى اغلى من كدة بكتير

[أبو_حمزة]

وارد ان الاسعار دى مش لقطع اصلية

[fuego]

ممكن بعد اذن المشرف تقولنا على أسامى المحلات اللى دورت فيها علشان نستفيد و نعرف مين أسعاره أرخص من التانى

والله يا باشا انا كنت كاتب اسامى المحلات بس المشرف شالها علشان متبقاش اعلانات وعموما لو عايز تعرف الاماكن ممكن تبعتلى على الخاص وانا تحت امرك

[fuego]

الاسعار ديةفيها حاجة غلط علشان هى اغلى من كدة بكتير

طيب هى اغلى من كدة بكام يعنى ممكن نعرف؟؟ وتفتكر انا ايه مصلحتى انى اكتب اسعار مش حقيقية، انا كتبت اللى اشتريته ولو حضرتك مش مصدق ممكن تنزل تسأل بنفسك ، ولو حضرتك بتقارن الاسعار دى بالاسعار فى التوكيل فطبيعى مش هتقتنع علشان اسعارهم مبالغ فيها فعلا

[fuego]

وارد ان الاسعار دى مش لقطع اصلية

استاذ ابو حمزة دى اسعار قطع غيار اصلية، الموضوع كله ان فيه فرق كبير بين اسعار قطع غيار البونتو من 2000 ل 2003 وبين اسعارها من بعد موديل 2004.
ولو حضرتك سألت على قطع غيار موديلات قبل 2000 هتلاقيها ارخص من كدة كمان

[fuego]

طقم تيل فرامل امامى المانى 100 جنيه

[kareem_Ashmawy]

أ / fuego
ياريت تقولنا متوسط اسعار الموديل ده كام طبعا الحالات النضيفة بما انك كنت بتدور الفترة اللى فاتت

[fuego]

أ / fuego
ياريت تقولنا متوسط اسعار الموديل ده كام طبعا الحالات النضيفة بما انك كنت بتدور الفترة اللى فاتت

استاذ كريم، متوسط سعر الموديل ده
40 الف فابريكة برة وجوة بحالة جيدة جدا
42 الف لو بحالة شاذة كالزيرو
38 فابريكة دواخل بحالة جيدة

طبعا كل عربية لها حالة وظروف مختلفة وممكن صاحبها يطلب اكتر لكن ده متوسط الاسعار اللى وصلت له بعد اكتر مش شهر بتفرج على الموديل ده بالتحديد. اهم حاجة الكشف على العربية

[kareem_Ashmawy]

شكرا يافندم..