رأيكوا فى بونتو 2000

[elm3lem_youssef]

يا جماعه أنا لسه بايع عربيتى وبفكر أجيب بونتو موديل 2000
إ‘يه رأيكم فى العربيه دى من حيث إستهلاك البنزين وقطع الغيار وإعاده البيع والثبات على الطريق
وكمان ايه هو السيتى باور ده لأنى بصراحه أول مره أسمع عنه

وشكرا للإفاده

[fuego]

بص يا باشا.. انا اشتريت بونتو 2003 وهى على ما اعتقد نفس موديل 2000..
استهلاك بنزين ممتاز (تانك حوالى 47 لتر - 700 كيلو بالتكييف)
قطع غيار معقولة جدا مقارنة بعمرها الافتراضى وده لينك لبعض اسعار قطع الغيار اللى اشتريتها

http://www.nilemotors.net/Nile/165286-2003.html#post3872858219

بالنسبة للثبات فهى ثابتة على الارض, بجيب بيها لحد 150 وبتكون ثابتة على الارض (السرعة القصوى الرسمية للسيارة 155 كم/س)
السيتى باور ده بقى عبارة عن زرار تدوس عليه الباور بيزيد اوى وبيبقى اخف جدا وده الغرض منه سهولة اكبر للقيادة فى الزحام والركنة.
اعادة البيع طبعا مش زى الكورى, لكن مش هتتعب ابدا علشان العربية ليها عشاقها وده اللى شفته بنفسى وانا بشترى, الاعلان كان بينزل على النت واروح فى نفس اليوم الاقى 2 او 3 بيشوفوها معايا وحد منهم بيخلص.
الخلاصة هى عربية محترمة, اتوكل على الله ومش هتندم, بس اهم حاجة طبعا الحالة

[Moe86]

انت كان معاك BMW قبليها ؟ لو كدة بلاش تجيبها لأن الbmw أثبت بكتر على الطريق و هتحس ان البونتو ورقة
ثبات البونتو حلو بس مايجيش حاجة جنب الbmw
استهلاك البنزين حلو زى ما fuego قال