الحقوا عربيتى اللانشيا

[ashrafbahaa]

انا معايا لانشيا 97 موتور 1600 سي سي مانيوال كانت مركونه منذ فترة طويله وخدتها ورحت على محطة البنزين عشان اغسلها برا وجوا لانها كانت مردومه تراب وكانت كل حاجه ماشيه تمام وزى الفل من موتور وعدادات وكل حاجه تمام التمام وبعد ماغسلتها بالفوم والمياه والجاز وخرجت لقيت الدينامو شحنو ضعيف جدا او شبه عطلان والبطاريه صفر والانوار ضعفت والتكييف بيفتح ويقفل لوحده والمشكله الاساسيه ان لما افتح الكونتاكت لميبه البطاريه تنور وبعد ما اشغل الموتور االمفروض اللمبه تطفى لكنها بتفضل شغاله ومش بتطفى غير لما ازود بنزين
ارجو معرفه السبب وارجو الرد للاهميه انا خلااااااص ومفيش حد فاهم ولا عارف ايه المشكله
شكرا

[heshamzaky]

استنى فى زميل معاة لانشيا حا اخلية يتواصل معاك

[mikology]

يا اتش الموضوع شكله بسيط
كل اللى حصل ده حصل بعد الغسله
اللى تعمله تروح لاى كهربائى يشيك على العلبه اللى قدام ورا الفانوس الشمال شكلها دخلت فيها ميه و ملمسه و طبعا تشيك عموما على الهربا لانك زى ما بتقول كنت راكنها - ممكن الاسلاك يكون حصلها تلف من القوارض ولا القطط - كده يعنى و متقلقش كلنا هنا جنبك مفيش حاجة صعبه العربيه دى و التمبرا واحد - واحنا فاهمينها كويس

بص شوف سلك البطاريه عامل ايه - متاكل و لا كويس و مربووووط كويس فى القوطاش ولا لأ

[gebreel]

شكل المياه جت على الحساسات بتاعة العربية و بوظت كثير منها
حط العربية على سكانر و اعرف الحساسات اللي باظت و غيرها

[mikology]

شكل المياه جت على الحساسات بتاعة العربية و بوظت كثير منها
حط العربية على سكانر و اعرف الحساسات اللي باظت و غيرها

ممكن بردو

سؤال معلش هو الموضوع ده حصل امتى - اللغبطه دى

[heshamzaky]

انا واثق ان ان شاء الله الحساسات سليمة انت عربيتك انجيكشن لو انجيكشن ما تقلقش العربيات دى مش اى كلام انا بغسل بالجاز و الصابون و كل حاجة و عربيتى انجيكشن و الحمد لله

[gebreel]

اصل انا اتقرصت قبل كدة في اللادا و هي انجيكشن بردو (اللادا الجديدة) غسيل الحوض طيرلي موبينة و عورتني فلوس جامد فعلشان كدة اتعلمت اني مغسلش العربية من الحوض الا في التوكيل و بما ان اللادا توكيلها زفت فبقيت بعدي على الحوض بنفسي بفوطة مع ضغط بنزين مش عالي

[heshamzaky]

اصل انا اتقرصت قبل كدة في اللادا و هي انجيكشن بردو (اللادا الجديدة) غسيل الحوض طيرلي موبينة و عورتني فلوس جامد فعلشان كدة اتعلمت اني مغسلش العربية من الحوض الا في التوكيل و بما ان اللادا توكيلها زفت فبقيت بعدي على الحوض بنفسي بفوطة مع ضغط بنزين مش عالي

انا فاهم قصدك بس بجد و الله الانشيا و التمبرا مش كدة العربيات دى تصميمها جامد جدا يعنى صعب اوى اوى ان حساس يبوظ من شوية مية حتى لو مية بالخرطوم كل حاجة مقفول عليها بأحكام كأنها حا تطير مثلا فكلة مقفول علية تماما

[ashrafbahaa]

شكرا على اهتمامك يا جماعه انا رايح دلوقتى لكهربائي عندى فى فيصل فى شارع كفر طهرمس خلف الخواجه بتاع الامريكانى الكهربائي دا تمام وانا اتعاملت معاه فى حاجات كتير وقاللى بسيطه هروح اشوف ايه الحكايه وكمان الكباس بتاع التكييف بيسرب قاللى بسيطه انا هشغلو تمام هشوف ايه اللى هيتم وابلغم بالرد وربنا يسترها وتكون بسيطه يارب

[heshamzaky]

شكرا على اهتمامك يا جماعه انا رايح دلوقتى لكهربائي عندى فى فيصل فى شارع كفر طهرمس خلف الخواجه بتاع الامريكانى الكهربائي دا تمام وانا اتعاملت معاه فى حاجات كتير وقاللى بسيطه هروح اشوف ايه الحكايه وكمان الكباس بتاع التكييف بيسرب قاللى بسيطه انا هشغلو تمام هشوف ايه اللى هيتم وابلغم بالرد وربنا يسترها وتكون بسيطه يارب

لو لا قدر الله الكباس بايظ سعرة استيراد من 300 الى 350 جنية فقط

[ashrafbahaa]

انا رحت لمركز البرقان بشارع العريش فيصل عشان عاوز اكشف على العربيه بالسكانر قالى احنا بنشتغل فى العربيات موديل 2000 فيمافوق دلونى على مركز صيانه محترم يكون عندو كمبيوتر اكشف على العربيه وهل فعلا كشف الكمبييوتر بيكتشف اى عطل ميكانينكى عادى مش قادر يوصلوا وعاوز اعرف ثمن كشف تحديد الاعطال بكام كشف فقط

[asho2200]

انا عايز لاانشيا بجد عربية تحفة يترى تعمل كام سعرها

[mikology]

استنى انا هابيع كمان شهرين