عايز اعرف ايه هية اخر موديلات التمبرا

[abdelmessih67]

أهلا بك مرة تانية يا اخ جاليليو كيف حالك

و فعلا سيارات المعاقين معفاة من الضرائب بتاعة المرور بس مش معفاة من الجمارك و بيدفعوا ضريبة مبيعات على ثمن العربية عند استيرادها , بيتم خصم مبلغ 12000جم من مبلغ الجمرك حاعفاء , و افتكر انهم رفعوها ل 20000جم و المعاق بيدفع الفرق بين الجمرك و حد الاعفاء المذكور

شكرا للمعلومات المفيدة أنا كنت في فترة بأدور على سيارة استيراد معاقين برضه لانها بتكون استعمال خارج و بحالة نظيفة , طبعا مش قاعدة لكن أغلبهم بيبقى كويس لكن هذا المالك لم ارتاح له فعلا لان مش ممكن يكون في عربية تمبرا ايطالي موديل 1999 .

و حتى لو كان في فأكيد هتنزل بالقليلة بزجاج كهرباء أمامي يعني هل التجميع المصري في تلك الفترة أعلى من الايطالي المتصنع في بلاده ؟؟؟؟؟؟؟؟؟؟؟؟؟؟؟؟؟ طبعا كلامه مش منطقي و بالتالي كما أقول دائما : الكذاب و المخادع في حاجة ممكن يكون كاذب و مخادع في غيره و لهذا ابعد عن الشر و غني له .

لهذا في رأيي أن كلام المالك اللي بيتكلم عنه الاخ تامر على أنها مو 2002 و عدادات ديجيتال كلام برضه ميطمنش .

[galilio_mad]

أهلا بك مرة تانية يا اخ جاليليو كيف حالك

أكيد هتنزل بالقليلة بزجاج كهرباء أمامي يعني هل التجميع المصري في تلك الفترة أعلى من الايطالي المتصنع في بلاده ؟؟؟؟؟؟؟؟؟؟؟؟؟؟؟؟؟

يا باشا اهلا و سهلا بيك و حضرتك منورنا

حقولك على حاجة يمكن تكون جديدة على بعض الناس ,
التمبرا كلها بلا استثناء نزلت ب ( 2 زجاج كهربائى امامى , سنتر لوك ) و ده كان التجهيز الاساسى و كل الكماليات التانية كانت اضافية او اختيارية او بتنزل فى بعض الموديلات

و بالنسبة للتجميع المصرى , هو كان مساوى للفئة المتوسطة من التمبرا فى اوروبا
من الكماليات العادية فى التمبرا الاوروبى الفوج لايتس و العدادات الديجيتال و دول المصرى ميعرفش عنهم حاجة

[Tamerelbasry]

شكرا ليكم جميعا .....على فكرة انا صرفت نظر عن العربية 2002 لان صاحب العربية من بعد ماقلتلة السعر وهو ماردش عليا وان بخلص دلوقتى فى العربية التانية ولكن بعد ما يتم تصليح التكييف
وانا هاستلم العربية قريبا ان شاء الله لاننا خلاص اتفقنا على السعر
المهم دلوقتى انا عايز اعرف اية اللى المفروض يتغير لما استلم العربية من سيور وفلاتر واغيرهم فين وبكام علشان محدش يضحك علياوبالنسبة لعلبة الدركسون عاوز اعرف واحد كويس يكشف عليها ويقولى اية المطلوب بالظبط علشان اروح اشترية من المكان اللى هتقولى علية معلش انا تقلت عليكم بس انتو خبرة وبتحبو تفيدوا الناس جزاكم الله خيرا
ياريت تليفونتكم علشان لو فى اى حاجة وانا باستلم اسئلكم عليها لو مفيهاش غتاتة

[heshamzaky]

شكرا ليكم جميعا .....على فكرة انا صرفت نظر عن العربية 2002 لان صاحب العربية من بعد ماقلتلة السعر وهو ماردش عليا وان بخلص دلوقتى فى العربية التانية ولكن بعد ما يتم تصليح التكييف
وانا هاستلم العربية قريبا ان شاء الله لاننا خلاص اتفقنا على السعر
المهم دلوقتى انا عايز اعرف اية اللى المفروض يتغير لما استلم العربية من سيور وفلاتر واغيرهم فين وبكام علشان محدش يضحك علياوبالنسبة لعلبة الدركسون عاوز اعرف واحد كويس يكشف عليها ويقولى اية المطلوب بالظبط علشان اروح اشترية من المكان اللى هتقولى علية معلش انا تقلت عليكم بس انتو خبرة وبتحبو تفيدوا الناس جزاكم الله خيرا
ياريت تليفونتكم علشان لو فى اى حاجة وانا باستلم اسئلكم عليها لو مفيهاش غتاتة

مبروك مقدما و ان شاء الله تكون حلوة و كويسةبالنسبة لما سيتم تغيرة عند أستلام العربية انا شخصيا أفضل تغير سير الكاتينة لانة كاوتش و دة لا قدر الله لو أتقطع العربية تجيب طقم صبابات يعنى من وجهت نظرى دة أهم سير و بعدين انا معلش متلخبط العربية فيها تكيف لة السير سليم مش مشكلة انت عندك 4 سيور أساسية طالما العربية مكيفة سير الكاتينية يتغير و البلية تتغير مش غالية و سير الدينامو و سير التكيف و سير الباور ما تخافش دول مجموعهم حوالى 80 او 100 جنية بالكتير و لو حابب تغير طقم البوجيهات انا شخصيا بشترى البوجيهات ngk ال 3 شمعة من التوكيل بتاعهم ب 50 جنية البوجيهات العادية ب 30 جنية و فية اقل شوية بالنسبة لعلبة الدريكسيون طالما بتلف الدريكسيون و مش تقيل معاك و مش بتزن تبقى كويسة ربنا يكفيك شرها و انا بغير زيت الباور برضو الجركن ال 2 لتر ب 20 او 25 جنية يكفى لفيار مرتين كاملين بالنسبة لمكان الشراء دة حسب التوزيع الجغرافى لمنطقة سكنك ممكن نقولك المحلات فين و اية تانى و خد الصورة دى علشان تعرف مكان السيور فين و الى شبة الرطمان الابيض فى الصورة التانية خزنة زيت الباور

[Tamerelbasry]

متشكر جدددددددا
طيب بالنسبه للفلاتر اغير ايه ويتكلف كام تقريبا وسير الكاتينة دة بعد مغيرة اكشف علية كل اد إية
انا ساكن في طالبية فيصل

[heshamzaky]

متشكر جدددددددا
طيب بالنسبه للفلاتر اغير ايه ويتكلف كام تقريبا وسير الكاتينة دة بعد مغيرة اكشف علية كل اد إية
انا ساكن في طالبية فيصل

اقرب محل ليك محل بتاع محمد يوسف بس انا معرفش فين بالظبط الاستاذ زلبانى و الاستاذ اسامة من الهرم اكيد عارفين و بيرحوة طبعا و السير يفضل تغيرة كل 30 الف كيلو تبقى فى الامان قوى على ما أظن بيتغير كل 40 ألف بس لو غيرتة كل 25 الف او 30 الف احسن هو تقريبا ب 40 جنية مثلا مش متأكد من السعر بس مش أكتر يعنى ممكن 45 جنية حاجة كدة بس تغيرة و هو حتى سليم وقائيا افيد من لا قدر الله لو حصلة حاجة

[abdelmessih67]

متشكر جدددددددا
طيب بالنسبه للفلاتر اغير ايه ويتكلف كام تقريبا وسير الكاتينة دة بعد مغيرة اكشف علية كل اد إية
انا ساكن في طالبية فيصل

الف مبروك يا اخ تامر و ربنا يوفقك في العربية الثانية و يكفيك شرها و بالنسبة ليوسف تجده في شارع فيصل أمام شارع العريش
على الناحية اليمين و انت جاي من الجيزة و طالع على الرماية فيصل محطة الطوابق .

في واحد ثاني برضه عنده كل حاجة التمبرا و هو المواردي على فيصل العمومي محطة حسن محمد قبل شارع المطبعة برضه على نفس صف يوسف يعني يمين و انت جاي من الجيزة و رايح على الرماية .

بالنسبة للسيور زي ما الاخ هشام قال لك بتغير كله ( سير كاتينة , دينامو , تكييف ) كل 30 الف كيلو رغم ان المفروض كل 40 الف لكن غيره بدري أحسن لتفادي عيوب الصناعة .

برضه يستحسن تغير فلتر البنزين و فلتر الزيت و تغير زيت موتور و تغير زيت باور و زيت الباور هو كما بيتغير كل 30 الف كيلو بس خلي بالك لو كانت علبة الدركسيون بتنقط هتلاقيه بينقص فزوده لحد ما تصلحها بعد كده مش هتحتاج تزوده غير يمكن كل سنة مرة .

[ahmed_122]

يا جماعة اخير افيدونى انا كان حلمى اركب تمبراودورت كتير مش لاقى عربية نضيفة لحد ما لاقيت عربية مع اخوانا المعاقين شفاة الله لسة هيرفع حذرها الاسبوع القادم وهى لم ترش الا الكبوت فقط وبصراحة شكلها يفتح النفس بس عيبها انها موديل 90 ومفيهاش اى اوبشن ولا حتى الزجاج الكهرباء وبصراحة مصمم على 28500 اتوكل على الله واخدها ولا كدة غالية افيدونى لكى اتمكن من الرد علية وشكرا مقدماً

[heshamzaky]

يا جماعة اخير افيدونى انا كان حلمى اركب تمبراودورت كتير مش لاقى عربية نضيفة لحد ما لاقيت عربية مع اخوانا المعاقين شفاة الله لسة هيرفع حذرها الاسبوع القادم وهى لم ترش الا الكبوت فقط وبصراحة شكلها يفتح النفس بس عيبها انها موديل 90 ومفيهاش اى اوبشن ولا حتى الزجاج الكهرباء وبصراحة مصمم على 28500 اتوكل على الله واخدها ولا كدة غالية افيدونى لكى اتمكن من الرد علية وشكرا مقدماً

ممكن تلاقى تمبرا موديا احدث و بفرق نسبيا بسيط و اسال برضو يوجد زملاء جابو تمبرا 1600 سى سى مكيفة ب 30 الف و ازيد شوية

[Tamerelbasry]

يا جماعة اخير افيدونى انا كان حلمى اركب تمبراودورت كتير مش لاقى عربية نضيفة لحد ما لاقيت عربية مع اخوانا المعاقين شفاة الله لسة هيرفع حذرها الاسبوع القادم وهى لم ترش الا الكبوت فقط وبصراحة شكلها يفتح النفس بس عيبها انها موديل 90 ومفيهاش اى اوبشن ولا حتى الزجاج الكهرباء وبصراحة مصمم على 28500 اتوكل على الله واخدها ولا كدة غالية افيدونى لكى اتمكن من الرد علية وشكرا مقدماً

بص ياابو حميد طول بالك شوية السعر كدة غالى دور على موديل اعلى 1600 وتابع غلى النت (نايل -كونتكت- مصر - جريدة الوسيط)
واى عربية لازم ترفعها فى البنزينة علشان تعرف اولها واخرها .......اصبر اصبر اصبر

[Tamerelbasry]

[QUOTE=abdelmessih67;3872895237]

الف مبروك يا اخ تامر و ربنا يوفقك في العربية الثانية و يكفيك شرها و بالنسبة ليوسف تجده في شارع فيصل أمام شارع العريش
على الناحية اليمين و انت جاي من الجيزة و طالع على الرماية فيصل محطة الطوابق .

شكرا جدا جدا على اهتمامكم