مكيف الشاهين 2006

[eldeplomasy]

عندي شاهين مو 2006 والمكيف بتاعها كويس جدا بس في مشكلة ان الكمبريسور بتاعه مش بيفصل شغال على طول حتى في فصل الشتا فواضح اني لما دخلتها صيانه ضبطوه على اعلى درجة انا بقى كنت سمعت ان المفروض الثرموستات بتاع المكيف يتضبط على درجة الحرارة الخارجية -5درجة علشان يفصل ويريح الموتور فمش عارف اضبطه منين وازاي؟؟؟

ده اولا ثانيا هل في خطر على الموتور وهو شغال على طول لان انا خايف على الموتور جدا هو لسه جديد

وبصراحه رايي في موتور الشاهين 2006 ال1600سي سي جامد جدا شديت مع نوبيرا ولانسر وكورولا وبي ام دبليو 316 وكانت تقريبا نفس الاداء ما عدا البي ام دبليو كانت اسرع بشوية



ارجو الرد لان الموضوع ده مضايقني جدا جدا جدا

وده رقمي لو في حد حب يشرحلي الموضوع تليفونيا 0104720276

شكرا جزيلا

[فادى]

انا معايا نفس العربية شاهين 1600 موديل 2006, و فعلا التكييف مش بيفصل, زى عندك بالضبط, و السبب فى ده انو الكمبروسر صغير, لو بصيت على الكبرسور بتاع التكييف عندك هتلاقيه فعلا صغير جدا و عشان كده مينفعش يفصل, و على فكرة عربيات كتير فيها نفس هذا النظام, التكييف شغال و مبيفصلش , ده عادى جدا, و متقلقش لأنو شغال مع المحرك, و لا تخف مش هيسبب أى ضرر للمحرك, لأن الكمبرسور صغير و المحرك فى المقابل جبار, 1600 سى سى و 12.5 كج عند 3300 لفة/دقيقة, و لو لاحظت, هتلاقى انو عداد لفات المحرك مبيعلاش لما تشغل التكييف, و ده يدل انو المحرك بيشغل التكييف بأقل جهد ممكن. و ملوش أى تأثير على السحب. بس يفضل عدم تشغيل التكييف فى فترة التليين, بعد كده عيش حياتك. و العربية فعلا زى مانتا قولت, محرك جبار و بتشد مع أى عربية 1600 مستريح, ده غير انو وزنها خفيف جدا 960 كغ, على محرك 1600.

[eldeplomasy]

اولا شكرا لرد حضرتك

ثانيا ناس كتير قالولي نفس الكلام وطبعا الكلام صح جدا بس انا شفت شاهين 2008 نفس الكمبرسور ونفس الموتور بس الكمبرسور بيفصل كل شوية ده غير ان عربيتي وهي جديده كان الكمبرسور بيفصل برده لما درجة الحرارة توصل لدرجة معينه بس في مرة دخلت العربية صيانه وطلعت الكمبرسور مبيفصلش ده حتى الايام دي في عز التلج برده مش بيفصل

فمش عارف اعمل ايه؟؟؟

[فادى]

"اولا شكرا لرد حضرتك

ثانيا ناس كتير قالولي نفس الكلام وطبعا الكلام صح جدا بس انا شفت شاهين 2008 نفس الكمبرسور ونفس الموتور بس الكمبرسور بيفصل كل شوية ده غير ان عربيتي وهي جديده كان الكمبرسور بيفصل برده لما درجة الحرارة توصل لدرجة معينه بس في مرة دخلت العربية صيانه وطلعت الكمبرسور مبيفصلش ده حتى الايام دي في عز التلج برده مش بيفصل

فمش عارف اعمل ايه؟؟؟
رد باقتباس"

يمكن الشاهين 2008 فيها شىء مختلف, عموما لو أنت شاكك انو فيه مشكلة, يبقى روح لواحد بتاع تكييفات و خليه يبصلك على التكييف و على الثرموستات, لأنى بحس التوكيل مش "متفهمين" كفاية, و لازم تقعد فوق دماغهم عشان يعملوا حاجة, خاصة انهم بيعتبرو مشاكل التكييف و خلافه ترفيه زائد عن اللزوم, ده حسب خبرتى مع توكيل النصر, فأحسن تروح لواحد بره التوكيل.

[eldeplomasy]

وبعدين الحاجه اللى تنرفز جدا في الشاهين فتحات المكيف ليه موجوده تحت هيجرى ايه وهيخسروا ايه لو حطوها فوق زي باقي العربيات انا ركبي في الصيف بتتعب من المكيف دي حاجه غبيه موت بحس ان شركة النصر بيعملوا عربية بدائية كانهم راحوا سنة اولى وطلبوا من تلميذ يسرسملهم عربية هي الشاهين ولا فيها اي تطور ولا اي حاجه


ثانيا لو حد يعرف اجيب منين البوجيهات الشامبيون الاصلي بتاعتها لانها افضل بوجيهات ليها ياريت يقلي لاني طولت عن العشرين الف وصلت لحد 22222 النهرده وعايز اغيرها ضروري لانها بقت بتاكل بنزين وبتشربه كمان

وشكرا جزيلا لكل اللى اهتموا وردوا عليه


انا قريب جدا هبيع الشاهين دي واجيب لانسر الشكل الجديد فلو حد حابب يشتريها

[sab3aawy]

بالنسبة للتكييف انا اقترح انك تشوفه عند حد برة التوكيل، فيه واحد كويس اوى اسمه الجندى فى شارع دمشق ، عنده ولد فورمان اسمه سيد شاطر جدا وفاهم تكييف الشاههين كويس اوى

بالنسبة للبوجيهات الشامبيون موجودة فى شارع معروف عند اكتر من واحد بتوع قطع غيار، حاطين علامة شامبيون على الباب

[eldeplomasy]

شكرا جزيلا يا أستاذ سبعاوي بس اردجو توضيح العنوان بتاع المكيفات وعنوان شارع معروف اكتر

وهل الشامبيون اللى بيتباع بره نفس الاصلي اللى كان فيها ولا مختلف وهينفع اركب بوجيهات 2 شمعه او 3 شمعه شامبيون لاني كنت ركبت Ngk 3 شمعه بس متوافقش مع نوع الكمبيوتر اللى عندي فهل الشامبيون ال3 شمعه هينفع ولا ايه

ارجو الرد في اقرب وقت لاني عايز اروح اغيرهم في اقرب وقت وشكرا جزيلا ليكوا

[فادى]

"شكرا جزيلا يا أستاذ سبعاوي بس اردجو توضيح العنوان بتاع المكيفات وعنوان شارع معروف اكتر

وهل الشامبيون اللى بيتباع بره نفس الاصلي اللى كان فيها ولا مختلف وهينفع اركب بوجيهات 2 شمعه او 3 شمعه شامبيون لاني كنت ركبت Ngk 3 شمعه بس متوافقش مع نوع الكمبيوتر اللى عندي فهل الشامبيون ال3 شمعه هينفع ولا ايه

ارجو الرد في اقرب وقت لاني عايز اروح اغيرهم في اقرب وقت وشكرا جزيلا ليكو"

شامبيون و لا غيرها مش هتفرق, كلها بوجيهات , أنا مركب عندى بوجيهات بوش و شغالة كويس, و سيبك من الكلام الفاضى الى بيقولوه فى التوكيل عن البوجيهات "الانجيكشن" لأن مفيش حاجة اسمها بوجيهات انجيكشن, هما بيبيعو الشامبيون ب100 جنيه فى التوكيل و دى سرقة لأن سعرها بره مستحيل يتعدى ال40 جنيه.
المهم انو يكون بوجيه شمعة واحدة لأن العربية مجهزة لبوجيه شمعة واحدة, و لو حطيت أكتر هيقصر عمر المحرك و هتسخن الموتور.

[sab3aawy]

شكرا جزيلا يا أستاذ سبعاوي بس اردجو توضيح العنوان بتاع المكيفات وعنوان شارع معروف اكتر

وهل الشامبيون اللى بيتباع بره نفس الاصلي اللى كان فيها ولا مختلف وهينفع اركب بوجيهات 2 شمعه او 3 شمعه شامبيون لاني كنت ركبت Ngk 3 شمعه بس متوافقش مع نوع الكمبيوتر اللى عندي فهل الشامبيون ال3 شمعه هينفع ولا ايه

ارجو الرد في اقرب وقت لاني عايز اروح اغيرهم في اقرب وقت وشكرا جزيلا ليكوا

بالنسبة لبتاع التكييف فمكانه شارع دمشق بمصر الجديدة ، امام محطة بنزين التعاون، اسهل طريقة للوصول له انك تدخل شارع الأهرام من امام نادى هيلوبوليس، وتفضل ماشى فى شارع الأهرام لحد كنيسة البازليك وتدخل معاها شمال فى شارع بيروت ، تفضل ماشى شوية لحد ما تلاقى محطة التعاون على يمينك وهتلاقى الجندةى امامك

بالنسبة لشارع معروف فهو موجود فى وسط البلد خلف دار القضاء العالى، تخرج من نفق الأزهر تدخل يمين فى شمال فى شارع فؤاد (قصدى شارع 26 يوليو لحسن رجال الثورة يزعلوا مننا) وبعدين تعدى تقاطع شارع عماد الدين (محمد فريد علشان خاطر عيون الثورة) وبعدين شارع شريف وبعدين لما توصل تقاطع سليمان باشا(طلعت حرب حسب ما الثورة علمتنا) متدخلش فى شارع سليمان باشا ولا تكمل فى شارع فؤاد، فيه شارع صغير كدة فى النص بينهم لما تدخله هتبقى دار القضاء العالى على يمينك كمل فى الشارع دة ودور على ركنة (يفضل تروح يوم جمعة علشان تلاقى ركنة) ، هو ده شارع معروف، كمل على رجليك بعد اول تقاطع هتلاقى كل بتوع قطع الغيار، اسأل على بوجيهات شامبيون للفيات

انا اخر مرة جبتهم كانوا ب 30 جنيه الأربعة ، فى علب كرتون حمراء كل علبة فيها واحد وعليها ستيكر مكتوب عليه ضمان سنة او 20 ألف كيلومتر ، بس الكلام ده من اكتر من سنة ونص فمعرفش حاليا بقوا بكام

عموما مع احترامى لكل الأرء فالبوجيه الشامبيون انسب بوجيه للشاهين ، انا جربت عليها البوش وال NJK والدنسو ، مفيش حاجة فيهم كان اداءها زى الشامبيون، خصوصا وانها بتنزل بيه ، بس نصيحة خليك فى ابو شمعة واحدة، تجربة ابو 3 شمعة مع الشاهين برضه مكانتش مثمرة، انا فى خلال الخمس سنوات اللى قعدتهم معايا جربت عليها كل حاجة ممكن تتخيلها ، بوجيهات وانواع كاوتش وانواع سولينويد بنزين وانواع سيور دينامو وحاجات كتير اوى، فالنسبة للبوجيهات لم اجد لها افضل من الشامبيون شمعة واحدة

[emadkamel]

انا قريب جدا هبيع الشاهين دي واجيب لانسر الشكل الجديد فلو حد حابب يشتريها

ياريت تقوللى تفاصيلهاوطالب فيها كام ... عرفنا ان التكييف معيوب :) :) :) اللى بعده ...(مانا هاعمل فيها بقى تاجر شاطر)

[eldeplomasy]

عامله 23000 الف كليو فابريقه داخل وخارج مش ناقصها غير تغيير البوجيهات وفلتر الزيت وضبط التاكيهات صوتها عالى حبه بس

لونها فضي ميتاليك والرخصه بتاعتها باقي فيها سنة وكام شهر كده

ممممممممممممممممممممممم بس مفيش حاجه تاني اما حكايه طالب فيها كام فلا ضرر ولا ضرار انا طالب فيها 62000 بس



























لا على حسب سعرها حاليا مع الاخذ في الاعتبار انها اتوقفت واخر موديلات منها 2008 وهتغلى بعد كده

[eldeplomasy]

ياريت لو حد يفهم في مكيف الشاهين يقلي على شكل ومكان الثرموستات درجة الحرارة بتاع المكيف موجود فين فيها واحسن ضبط ليه كام يعنى درجة الحرارة العادية -5درجات ولا ايه؟؟؟


ضرووووووووووووووووووووووووووووووووري جدا

وشكرا جزيلا

[cooleye]

انتوا بتضحكوا علي نفسكوا شاهين ايهوهباب ايه دي عربيه التاكسيات
وعلي فكره العربيه ال128 لو شدت معاها ******
بلاش هجصصصصصصصصصصصصصصص

[eldeplomasy]

يبقى حضرتك مركبتش شاهين انجكش وشوف الموتور الايطالي بتاعها

انصحك بتجربة شاهين 2006 وما بعدها

[فادى]

يبقى حضرتك مركبتش شاهين انجكش وشوف الموتور الايطالي بتاعها

انصحك بتجربة شاهين 2006 وما بعدها

فعلا الشاهين 1600 موتورها حكاية و هو أفضل ما فيها, فكل ما فيها من ثبات و راحة و غير ذلك يمكن وصفه ما بين الجيد و المعقول, و لكن المحرك ممتاز و حكاية حقيقة أنا قدت عدة سيارات منها بيجو و غير ذلك و لم يعطنى أى محرك ذلك الاحساس القوى الذى يعطيه محرك الشاهين الجديد, و بالتناغم مع الصوت المرتفع المرعب, تشعر بأنك راكب "Egyptian muscles" :).